رواية انا لها شمس (كاملة جميع- الفصول بقلم روز امين)
قراري ده في مصلحتك
رفعت حاجبها الأيسر باستنكار مع إبتسامة خفيفة ليجيبها بتأكيد
طبعا في مصلحتك إنت ناسية حضانة يوسف اللي هتتاخد منك بمجرد ما المأذون يكتب الكتاب
هزت رأسها عدة مرات متتالية ليتطلع عليها محاولا استكشاف ردة فعلها فتحدث متسائلا بدهاء أراد به إختبار أمومتها من عدمها
إلا لو موضوع الحضانة مش فارق معاك وشايفة إن الولد هيرتاح أكتر مع بباه ساعتها أنا مستعد للجواز الرسمي وفورا
عاوزة حاجة أطلبها لك
تطلعت عليه بإبتسامة مصطنعة دون رد لتحيل بصرها سريعا للرجل الذي حضر ومال برأسه توقيرا لها وهو يقول باحترام
تحت أمرك يا هانم
أمسكت الكأس تقلبه بين أصابعها لتتطلع عليه بانبهار وهي تقول بصوت هادئ عكس ما يدور بداخلها من ثورة عارمة
رفعت حاجبها وهي تتطلع على الكأس بإعجاب تجلى بنظراتها المتفحصة
شكله فخم ولايق بالمكان
مال الرجل توقيرا ليجيبها بتفاخر
ميرسي يا هانم إحنا بنختار كل حاجة في المكان بمنتهى الدقة لأن زوارنا من صفوة المجتمع
واسترسل بإبانة وهو يميل بقامته باحترام
شعر بالضجر من تجاهلها لعرضه واستدعائها العجيب للرجل وأسألتها التي لا تمت بجلستهما بشيئ ليسألها بعدما تحكم بغضبه كي لا يحزنها
لو عاجبينك يا حبيبي هعمل لك أوردر من الشركة يوصل لك في أسرع وقت
تجاهلته وكأن وجوده والعدم سواء لتتابع وهي تنظر للرجل
جدا يا افندم...لتقول ببرود وأسى مفتعل
كان نفسي اشتري طقم منه لكن
للأسف مينفعش عندي لأن لو إنكسر منه كاس الطقم كله هيبوظ وهيبقى زي قلته ومش هقدر أجيب غيره لأن سعره عالي قوي عليا
ارتشفت أخر قطرات الشراب ثم رفعت الكأس للأعلى وبسطت ذراعها جانبا لتفلت أصابع يدها عنه لينزلق الكأس مصطدما بالأرضية وينزل متهشما لتتناثر قطع الزجاج وتملي المكان تحت أعين جميع الحضور التي اتسعت وهم يلتفون برأوسهم لينظروا باتجاه الضجيج الذي أحدثه التهشم أما هو فقطب جبينه وبات يهز رأسه بذهول مستنكرا فعلت تلك التي مطت شفتيها للأمام وهي تقول للموظف بلامبالاة وكأنها لم تفعل شيئا
لتحول بصرها إلى فؤاد الذي إعتراه الخجل من تصرفها حيث جعلهما تحت المجهر بعدما تحولت جميع الأعين صوبهما لتقول بصوت حاد بذات مغزى
الباشا بيدفع كويس قوي وهيعوضك.
نظر للعامل وأشار بكفه بهدوء لينسحب ذاك المندهش ليسألها بنظرات لائمة تملؤها خيبة الأمل
ليه كده يا إيثار عاجبك منظرنا ده قدام الناس مكنش ليها لازمة الفضايح دي كلها
فضايح! هي فين الفضايح دي!
إحمد ربنا إني متربية وبنت ناس وإلا كنت رديت عليك بالشكل اللي يليق بطلبك المهين ووريتك الفضايح اللي بجد...نطقت كلماتها بصوت حاد وعيونا كالصقر لتسترسل بصوت اظهر كم إحتراق روحها
بقى جاي تطلب مني اتجوزك في السر طبعا تلاقيك قولت لنفسك دي واحدة مطلقة وعايشة لوحدها وأكيد ماهتصدق أشاور لها بإيدي واعرض عليها ملاييني
نظر لها بكثيرا من الرجاء ليقول
أرجوك حاولي تهدي ووطي صوتك الناس بتبص علينا
إبتسامة ساخرة خرجت من جانب ثغرها لتهتف بنبرة قوية
مش إنت اللي طلبت تشوفني علشان تشوف رد فعلي على كلامك يبقى تسمع وإنت ساكت يا باشا وزي ما أنا سمعتك للاخر إنت كمان مجبر تسمعني
احتدت ملامحها وهي ترمقه بتقليل لتسترسل بازدراء
أنا بجد أسفة بس مش ليك أسفة لنفسي لإني خدعتها لما أفتكر إنك إنسان محترم وأتاريك زيك زي غيرك
قطب جبينه بعدم استيعاب لتجيب على تساؤل عيناه الذي لم يصرح به وهي تشير إليه بنبرة مټألمة
أصل الباشا مش أول واحد يطلب مني الطلب ده مهنتي خلتني أقابل اشكال كتير قوي منهم المحترم ومنهم اللي شافني البت السكرتيرة الواقعة وقرر يكتب حتة ورقة ويرمي لها قرشين
اتسعت عينيه پغضب لتستطرد متهكمة
لو كنت صارحتني كنت وفر على نفسك وصلة الغزل والغرام اللي تاعب نفسك بقى لك شهرين علشان تاكل بيهم دماغ البت السكرتيرة اللي عجبت الباشا كنت وفرت عليك وقولت لك إن العنوان غلط يا ابن الاكابر
زاغت عينيها لتستطرد ساخرة من غبائها
انا اللي غبية وساذجة واستاهل كل اللي يجرى لي إني صدقت كلامك المعسول
نطقتها بأسى لتسترسل بعدما تحولت عينيها لثورة تشبه فوران بركان
قبل ما امشي عاوزة أقول لسعادتك كلمتين
تعمق بعينيها ينتظر ثورة فيضانها لتسترسل ناعتة
طظ فيك وفي منصبك وفلوسك وعيلتك
وقفت تلملم أشيائها الخاصة لتستطرد وهي ترمقه بازدراء
رقم تليفوني تمسحه من عندك وده أكرم لك.
نطقتها بټهديد لتنسحب كالإعصار المدمر لتخرج من المكان بأكمله تاركة خلفها ذاك المتطلع على أثرها والذهول والحزن والندم أسياد موقفه أغمض عينه فى ألم ثم فتحهما من جديد يتطلع من حوله على أنظار المحيطين به التي تترقبه ليسحبوا ابصارهم سريعا لتخرج منه تنهيدة حارة تنم عن إشتعال لو خرج لدمر المكان بأكمله أشار للنادل ليأتي برصانة
