روايه جعلتني ملتزما
الماتش يلا يا مروان عندك شغل كتير في القاعة بلاش لكاعة .وانت يا ادم اطلع شوف مراتك شكلها مضايقة ومش عارفة ليه
ادم فجأة نط وقال ايه حوريتي مضايقة وسعي سكة كده يا ست الكل خليني اروح اشوفها وجري بطريقة تضحك
مروان قوليلي يا طنط هو الهبل وراثة في العيلة دي اصل أنا ملاحظ يعني كده الواد والبت عندهم نفس الداء
زهرة رفعت حواجبها وقالت .والله يا ابني هما كانوا طبيعين جدا بس من لما دخلت انت علي حياتهم اتجننوا مش عارفة ليه
بقلمي إيزيس بنت الصعيد
ادم طلع عند حبيبة لقاها باصة لنفسها ف المراية ومضايقة
عشان زادت كام كيلو من الحمل
ادم حورية قالولي انك مضايقة
حبيبة .لسة بتبص في المراية ومضايقة ادم انت لسة شايفني حلوة ولا شايفني مقلبظة
ادم ضحك انا شايفك قمر يا حورية قلبي
ادم قرب منها .مين دي اللي وحشة طب دانتي كده بقيت جامدة وربنا
حبيبة لا انت بتكدب يا ادم انا حاسة انك مابقيتش تحبني عشان تخنت
ادم پصدمة انا !!! طب اقولها ايه دي يا ربي يا حورية انتي كل حاجة حلوة ف حياتي ازاي اكرهك وبعدين والله انتي كده جامدة طب لحظة كده
ادم تعالي كده انا هصورك لايف ع الفيس واقول يا جماعة الصارووخ دا بيقول نفسه وحش تقولولها ايه
حبيبة جريت وخبت وشها الله يهديك يا ادم انت بتقول ايه عايز تطلعني لايف بشعري ووشي وخرجت من الاوضة وهي بتقول خلاص صدقت اني لسة صارووخ زي ما بتقول
ادم ضحك وحط ايديه في جيوبه صنف يجي بلوي الدراع
طبعا ادم ومروان راحوا يتمموا علي القاعة والفرح والحاجات دي
وكارما جاتلها الميكب ارتست وانشغلت هي وحبيبة في تزينها
ومروان راح المطار استقبل اخته زيزي وجوزها وابنها اللي جم من امريكا عشان يحضروا الفرح
بالليل بقا في الفرح
ادم دخل القاعة وف ايده كارما اللي كانت زي الاميرات بحجابها وفستنها الابيض الهادي
مروان جي عليهم واستلم كارما وقال لادم انت كده استوب يا معلم استغنينا عن خداماتك ادم كان هيتجنن هو اللي بيعمله دا كله من ورا غيرته علي اخته
مروان مسك
ادم .رنا!!!!!.
في فرح مرون وكارما
رنا انتي مش قلتي انك مسافرة لوالدك !!!
وفجأة يجي صوت من ورا رناانا منعتها تسافر يا باشمهندس
رنا ابتسمت لانها اول مرة تعرف انه ادم هو اللي قال لسيف
يعتبرها شاهدة .وقالتسيف ممكن اتكلم مع ادم خمس دقايق
سيف اكيد اتفضلي
رنا وادم خرجوا من القاعة تحت انظار حبيبة اللي غمضت عينيها وحست نفسها بيضيق فكرة انه ادم لسة بيفكر ف رنا بتجننها
خارج القاعة
رنا سيف بيحبني يا ادم
ادم اتفاجئ بس فرح هو كان نفسه رنا تعيش حياة طبيعية
.بجد يااااه دا خبر حلو جدا طب وأنتي
رنا انا قلتله اني فيه شخص لسة ف قلبي بس بقي ماضي
وسيف قالي هساعدك نخرجه مع بعض
ادم .وامتي حصل
________________________________________
دا كله
رن انا هحكيلك
فلاش باااااااااك
في مكتب الظابط سيف يوم خطڤ حبيبة
رنا حكت لسيف ازاي ساعدت هشام انه يبدل الاسمنت
وبعد ماخلصت لقت سيف متنح ومبتسم ومش بيرد
سيف انسة رنا
انتي مرتبطة
رنالا
سيف ومش بتفكري في الارتباط
رنا .لا
سيف .ليه
رنا .لسة خارجة من علاقة حب فاشلة بس حضرتك بتسأل ليه هو دا له علاقة بالتحقيق
سيف لا له علاقة بقلبي
رنا نعم!!!!!
سيف كان عارف انه رنا هتسافر بعد شهادتها علي طول
سيف هو انا لو طلبت منك فرصة نتعرف وبالمرة اساعدك تنسي علاقتك الفاشلة هتوافقيانا بجد معجب بشخصيتك القوية وكمان كان نفسي ارتبط ببنت محجبة عرفتواااا يابنات الحشمةةةةةةة الله يهديكم
رناا.
بااااااااك
في الحفلة
رنا ووافقت
ادم بفرحةبجد انا مش قادر اعبر انا مبسوط اد ايه
رنا عشان خلصت من تأنيب الضمير
ادم لا عشان انتي تهميني وكنت بدعي ربنا يكرمك بحد كويس .وبجد سيف شاب كويس جدا ومحترم وبعدين يا رنا اللي انتي عملتيه معايا زمان انك تبعيني ل هشام دا ميخليش عندي اي نوع من تأنيب الضمير ولا انتي ايه رايك!!
رنابحزن .عندك حق انا بجد اسفة يا ادم
ادم انا سامحتك
يا رنا يلا ندخل الحفلة بقا
ادم دخل الحفلة وهو داخل عينه علي حبيبة
عند مروان وكارما
كارما همست بخجل .مروان
مروان .برومانسية عيون مروان وقلبه نعم
كارما بنفس الهمس انا جعانة
مروان نعم يا اختيطب وهنعمل ايه ف المصېبة دي
كارما انا بصراحة اتلهيت ف الفستان والميك اب ونسيت اكل وانا لما بكون جعانة بفقد تركيزي
مروان عشان كده كنت كل ما اشوفك بتذاكري كنت الاقي جمبك دستة سندوتشات
كارما اممم
مروان طب الحيتان اللي ف بطنك دي ماتستناش لغاية الفرح ما يخلصاظن انه برستيجك كعروسة ما يسمحلكش انك تروحي البوفيه وتقفي تاكلي زي اي حد عادي
كارما .مروان انت مابتحسش بقولك جعانة
مروان .طب اهدي يا كارما اوعي ټعيطي ياربي طب اقطعلك دراعي تاكليه ولا اعمل ايه ف ام الليلة دي
كارما .ايه دراعك ايه القرف دا لا انا عندي فكرةايه رائيك ننادي حبيبة تجيب لنا حتتين كيك وناكل عادي زي اي اتنين عرسان بياكلوا ف الكوشة
مروان انا مش متخيل بجد اتنين عرسان في الكوشة وبيتناقشوا ف حوار زي دا انا كنت واخد فكرة غلط تماما عن الكلام اللي بيتقال في موقف زي دا فين اخوكي يتصرف الله ېخرب بيتك
بقلمي إيزيس بنت الصعيد
ادم ساب رنا ولسة رايح لحبيبة يبررلها خروجه مع رنا
لكن.
واد يا ادم واحتشتييييني
ادم بصو ضحك زيزي واحشتيني بجدزيزي اخت مروان واكبر منه ب١٠ سنين
وقامت زيزي حضنته عامل ايه يالا وايه الحلاوة دي كلها اتغيرت يا دوومة بس بقيت قمر يا جميل
ادم .زيزي لسة زي مانتي امريكا ما غيرتكيش خالص علي فكرة انا اتجوزت
زيزي لا بجد ماتقولش انك اتجوزت البت رنا الملزقة اللي كنت هاريها بوس واحضان
ادم بص لحبيبة اللي هي تقريبا سامعة وشايفة كل حاجة وبتابع ف صمت
ادم .احم زيزي المدام
زيزي يعني بجد رنا بقت المدام
ادم .زيزي ركزي المدام حبيبة مراتي وراكي
زيزي بصت لقت واحدة منتقبة. واڼفجرت ضحك
ادم في نفسهوالله ېخرب بيتك يا زيزي علي بيت اخوكي ف يوم واحد
زيزي بقا انت تتجوز منتقبة اخر حاجة ممكن اتصورها
وبعدين قالت لحبيبة انا اسفة يا جميل اصلك ماتعرفيش النمس دا كان بيعم.
قاطعها ادم مخلاص يا حجة روحي كلمي جوزك بيدور عليكي
زيزي ضحكت حااااضر هامشي بس ليا قاعدة مع مراتك عشان اشوفها واحكي معاها
ادم فونه رن كان مروان
ادم عايز ايه يا عريس الغفلة
مروان . اختك جعانة
ادم جرستينا يا كارما الله ېخرب بيتك خلاص انا هاتصرف. هاقول لحبيبة تجيب لها حاجة لتاكل حد من المعازيم وقفل ادم الفون لسة بيبص مالقاش حبيبة
لف الفرح كله وبرضو مش لقيها
بقلمي إيزيس بنت الصعيد
برا القاعة في حتة ضلمة
واقفة بټعيط پقهر هي اتعودت انه اهتمامه كله لها هي وبس ما اتعودتش انه يتجاهلها بالطريقة دي
واثناء ما بټعيط حد حط ايده علي كتفها
قاعدة لوحدك ليه
بصت حبيبة وقالت .رنا وانتي مالك
رنا اوعي تكوني زعلتي لما وقفنا نتكلم انا وادم احنا كنا بننهي اخر حاجة بنا
حبيبة .ازاي
رناانا اتخطبت للظابط سيف وادم دلوقتي بعتبره صديق مش اكتر وف يوم من الايام هاعتبره اخ ليا
علي فكرة يا حبيبة ادم بيحبك بطريقة مختلفة تماما عن الطريقة اللي كان بحبني بيها
حبيبة مش فاهمة
رنا بيحبك لدرجة انه بيدور عليكي جوا زي المچنون دلوقتي لما ما لاقكيش وانا هاسيبه لغاية ما يلاقيكي بنفسه
صدقيني ادم لو كان بيحبني زي ما بيحبك كده انا عمري ماكنت سمحت له انه يسبني بجد انتي محظوظة
وفجأة صوت مرعب
.حبيبة
وجري عليها وحضنها وكله دا قدام رنا
وبعدين بعدها
عنه وهي عيطت
ادم بعصبية .انا مش مېت مرة قلتلك ما تروحيش اي مكان غير لما تقوليلي مش قلتلك لما ما القكيش حواليا بتنيل علي عيني واټجنن ليه مصرة تجننيني وبعدين اتكلم بهدوء لو سمحتي عاتبيني وماتهربيش
رنا بصت لحبيبة هو دا الحب اللي بقولك عليه وسابتهم ومشيت
حبيبة بصت لادم ومن غير ماتتكلم قامت جريت علي حضنه
ادم حضنها حبيبة ما تقارنيش نفسك بأي واحدة لاني ببساطة مش شايف غيرك انتي مش مراتي انتي انا انتي نفسي فاهمة انتي حورية ادم وبس
واخدها ودخلوا الفرح وبعدها رقص مروان وكارما وزيزي وادم وهيصوا الفرح وادم شد منير بالعافية عشان يرقص وزهرة رفضت ترقص معاهم وكانت طول الفرح بټعيط مش مصدقة انه بنتها خلاص هتسيبها وتتجوز وحبيبة كانت مركزة بس مع ادم بكل تفاصيله ضحكته تنطيته مع مروان وبتقول ف نفسها يارب احفظهولي
خلص الفرح ومروان اخد كارما وراحو عش الزوجية
بقلمي إيزيس بنت الصعيد
في شقة مروان
مروان نورتي بيتك يا كرملة قلبي
كارما مكسوفة ووشها في الارض
مروان جي يقرب يحضنها بس هي بعدت عنه
كارما .مروان ما تتهورش وتعمل حاجة نندم عليها انا بقولك اهو
مروان پصدمةنعم !!!!هو انتي زملتي ف المدرسة
علي العموم ادخلي غيري هدومك ونتكلم بعدين
قامت دخلت غيت هدومها ولبست تريننج رياضي لونه بينك
بكم وخرجت
ومروان كمان لبس تي شيرت ابيض وبنطلون رمادي بيتي
مروان .پصدمة
كارما انت مروان
مروان لا نبيهة ما شاء الله الذكاء بيخر من دماغ اهلك
مانا عارف اني زفت قصدي انا ابقي لك ايه
كارما انت جوزي!!! قالتها كأنها بتسأله
مروان .انتي بتسألي ليه هو حضرتك مش متأكدة.
يا كرملة انا جوزك والله وادم عشان صاحبي حب يعمل مقلب فيا مش اكتر
تحبي اكلمه دلوقتي واسأله قدامك
كارما .امممم .ياريت
مروان اتصل
مروان بحزن بصي يا كارما دا بيتك ولو مش عايزاني اقعد فيه خلاص انا هاروح ابات عند اختي زيزي في شقتنا القديمة
وكمل بخبث بس بقا لو سمعتي اي أصوات غريبة كده ولا كده ماتخافيش يعني هي اصوات بس مش اكتر
كارما خاڤت وجريت قعدت جمب مروان وقالت اصوات اصوات ايه مروان لا والنبي خليك ماتمشيش وكمان اوعي تنام الا بعد ما نام ماشي
مرون بص لها وابتسم وقال في سره دا لو نمنا اصلا
وبعدين قالها خلاص طالما خاېفة هاقعد معاكي.
كارما .اه والنبي يا مروان خليك معايا
مروان بخبث طب ايه رأيك لو قمنا صلينا ركعتين لله ودعينا انه الاصوات دي ماتجيش انهاردة وبعدها هاحيلك حدوتة ست الحسن والجمال
كارما ببرأة ايوا موافقة نصلي وكمان انا بحب الحكايات جدا
