صدفة فى حياة وعد(كاملة)

ايه انهرده بس خلاص انتى مزاجك مش رايق  
وعد  عملت ايه خير  
ادهم  لما تجولى ايه مكدرك اكده
وعد  انى زينه ومش زعلانه من حاجه وصدجنى لو فى حاجه تستاهل الشكوى هجول انى ليا مين غيرك يعنى  
ادهم بعدم اقتناع  امممم ماشى يا وعد تعالى اقولك بجا    انى نزلت البندر وخلصتلك كل حاجه للجامعه
وعالاسبوع الجاى هاخدك معاى نشتروا كافة شىء يلزمك لاجل تكونى جاهزه لما الدراسه تبتدى  
وعد بفرحه  شالله يخليك ليا يارب
عارف ياادهم انت الوحيد اللى فرحت وفرحتنى لما نجحت فى الثانوى وكت فاكره يعنى انك مش هتوافج انى اكمل  

ادهم  كيف انسى وانى خابر كيف انتى متشعلجه فى العلام وحباه وانى عمرى ماهحرمك من حلمك ديه يابت جلبى  
وعد بلجلجه  طيييب جولت لابوى مهدى وامى لبيبه لاحسن يزعلو   
ادهم  هما خابرين وانى هجولهم تانى بس لازمن تفهمي ان الراى ليا فى الاخر انتى مرتى يا وعد وانى راضى اطمنى 
فى اوضة بكر صدفه رايحه وجايه متغاظه انها مش عارفه تاخد لبيبه
فى حجرها ولا تتمكن فى حاجه من الدوار  
بكر  انزلى ياصدفه اعمليلى كوباية شاى تجيله راسى هطق طول اليوم 
لف علشان ورق الجيش  
صدفه بزهق  مش لساتك شارب الشاى تحت ولا هو مزاج عندك تشغلنى وبس جوم هات لحالك وبكفيانى شغل طول النهار فى الدوار ولسه لما تروح الجيش و اللى هتعملو فيا امك وبالخصوص ان السنيوره وعد جال ايه هتروح الجامعه وانى هبجى الخدامه للدوار كلياته 
بكر  وانتى تخدمى ليه من جلة الخدامين فى الدار
صدفه  لهو انت تايه عن امك واللى بتعملوا معاى    طبعا امال ايه ما انى جوازتى ماكنتش على هواها وماهتنساشى انى جوازك منى انفرض عليك بالڠصب 
بكر  اول هام انى ما اتجوزتكيش ڠصبانيه ولو ماكنتش رايدك ما كتش اتجوزتك تانى هام امى لا ديه طبعها ولا بتعرف تهين حد فاحسنلك كنى ياصدفه و بلاش جلع ماسخ وشغل حريم يلا روحى اعملى اللى جولتلك عليه 
وتمر الايام وتدخل وعد الجامعه وبكر سافر الجيش والفرصه بقت اكبر لصدفه تحقق اللى هى عايزاه
واللى بتخطط ليه من وقت ما دخلت الدوار 
بره الدوار صدفه بتكلم حد وبتتفق معاه  الفلوس اللى طلبتها اهه بس لو مانفذتش اللى اتفجنا عليه هكرى عليك اللى يجيب اجلك زى ما انى كرياك دلوك فاهم ولا لاه 
الشخص الملثم بص للفلوس بفرحه  عيب ياست الناس دانى العربى ولو تحبى نخلصوا عليها خالص انى فى الخدمه
صدفه  لاه اعمل اللى قولتلك عليه وبس اتربص وشوف الوقت المناسب ولو وقعت اوعاك سيرتى تاجى وجتها ماتلومش الا حالك وتنسى ولدك وتترحم عليه
دخلت الدوار وهى بتلفت حولين روحها وبعدها ندهت على ازهار  
صدفه  ازهار انتى يا ازهار
ازهار جت جرى  نعمين ياصدفه يابتى
صدفه  بتك ايه يا وليه ياخرفانه انتى اسمى ستك صدفه نسيتى نفسك ولا ايه انجرى اعمليلى كوبايه ليسون دافيه جوام
ازهار بحزن  حاضر ياست صدفه
دخلت ازهار المطبخ و قابلها ادهم اللى كان راجع من بره ولمح دموعها  
ادهم  السلام عليكم كيفك ياخاله
ازهار  وعليكم السلام يا ولدى انى زينه الحمدلله 
ادهم  مالك ياخاله تعبانه ولا ايه
صدفه بسرعه قربت ومسكت كتف ازهار وقالت  وعليكم السلام ايوه خاله ازهار مصدعه شوى حتى انى قولتلها ترتاح بس هى دماغها ناشف ما انت خابر روحى ياخاله انتى وانى هشوف طلبات سى ادهم 
دخلت ازهار المطبخ وكلها خوف من صدفه واللى ناويه تعمله  استر يارب وجيب العواقب سليمه وابعد شرها عم البيت وناسه  
اما صدفه قربت من ادهم بدلع اول مره تظهره معاه  تؤمر بحاجه