صدفة فى حياة وعد(كاملة)

يجيب حاجه وهو مركز وبيدور على اللى هو عايزه الباب اتفتح وكانت صدفه 
ادهم   صدفه عايزه ايه وكيف تدخلى الجاعه من غير اذن 
صدفه ما اتكلمتش بس بتقرب من ادهم اللى مستغرب نظرتها دى له 
صدفه بصوت واطى وفيها ايه يعنى لما ادخل جاعة واد عمى  واشوف طلباته  جعان   عطشان    تعبان كل كلمه كانت بتقولها كانت بتقرب خطوه 
ادهم مستغرب كلامها ودلعها وزعق  وانى ماعيزش حاجه ويلا غورى من اهننه واياكى تعمليها نوبه تانيه 
صدفه ولا كانها سامعه حاجه ولفت لحد ما بقت واقفه ورا ادهم

فردت كفها على كتفه وكانها بتعمل مساج وبدلع  ما اجدرش ما اجربش يا واد عمى
ادهم اتنفض وبعد عنها  كنك جنيتى فى عقلك انتى ايه اللى بتعمليه ديه
صدفه قربت اكتر لحضنه وهى بتقول  لاه انا ما اتجنيتش انى بحبك يا واد عمى ومن زمان بس انت ماشايفشى غير وعد وبس  
ادهم مسكها من طرحتها بعدها عنه وبغل قال 
اه فاجره ياقليله الحيا انتى كيف تتجرئى وتقولي اللى بتقوليه ديه 
صدفه بغل  ايه بجول انى عاشقه واد عمى اللى اختار واحده تانيه لا سائله فيه ولا معبراه ولا واخده بالها منيها واحده اتجوزتك بس لاجل تدخلها الجامعه اللى ما كنتش هتجدر تدخلها وهى فى دار ابوها 
لكن انى بحبك ووافقت على بكر لاجل اكون جارك واملى عينى بشوفتك  
ادهم بكل قوته ضربها بالقلم ورجع مسكها من طرحتها بغل وهو بيرجها وبيضغط على سنانه بعصبيه 
ديتك عندى دلوك طلقه واخلص من عاړك يافاجره انتى
بس انى مش هقهر جلب اخوى لاجل واحده زيك ولا هفضح ايوى وعمى لاجل ك لبه ما تستاهلش وبقوه قال  تنزلى من اهنه تدخلى جاعتك ما المحش خيالك جدامي والا ماتلوميش الا نفسك فاهمه بس انى ليا تصرف تانى معاكى
غووووورى 
صدفه نزلت جرى على اوضتها والخۏف هيموتها بس تمالكت نفسها وهى بتقول يالهوك يا صدفه اتسرعتى انتى بردك كتى استنيت لما مرادك يتم فى الاول وساعتها اتجربتى منيه وجولتيله على فى قلبك بس ملحوجه يا واد عمى بس
تفتكرى يابت ياصدفه هو ممكن
يجول اللى حوصل ديه     
_لاه مايعملهاش انى بت عمه والڤضيحه له جبل ما تبجى لى وجبل كل ديه هو روحه فى اخوه ما هيرضاش يجهره  
_ ايوه هو لازمن ما يجولش دلوك لما اعمل اللى فى راسى الاول واخد حجى منهم كلاتهم واحرج جلبه عالسنيوه اللى فضلها عليا واحرج جلب ابوهم اللى نسى انى بت اخوه واستنى لما بوى يعرضنى عليه واحرج جلب اخوه اللى بيمن عليا بجوازه منى واحرج جلب لبيبه ذات نفسها اللى معتبرانى خدامه عنديها وبغل  انى وانتم والزمن طويل يا ولاد لبيبه  
ادهم هيتجنن رايح جاى زى الطور الهايج  انى كيف ماجتلتهاش دى وخلصت من عارها انى كيف هملتها اكده تمشى ولا كنها عملت شى 
ااااااه كيف الفاجره دى تفكر اكده
الله يلعنك بس لاه اللى حوصل ديه لازمن اشوفله صرفه 
خرج ادهم من الدوار كله بغضبه بدمه الفاير واحساسه انه لازمن يغسل عاره وعار اخوه  
راح عالارض ونسى حاله ونسى الوقت 
عند وعد فى الجامعه خلصت محاضراتها متاخر وبتجرى علشان تلحق معاد القطر وهى بتجرى خبطت فى ست وقعت منها شنطة خضار كانت فى اديها 
الست بصت عالخضار اللى على الارض  ينهارك مش فايت ايه اللى هببتيه ديه يا بت المركوب انتى 
وعد باعتذار وبتلم الخضار للست  حجك عليا ماجصديش والله اهه ياست الكل اتفضلى 
الست رمت الخضار تانى وبزعيق  
وانت حد جالك انى باكل اللى بيجع فى الارض ديه انتى اللى تكليها لكن