رواية الخادمة الأنيقة الفصل الأول 1 "للمبدعة منال سالم"

الفصل الأول
اتعودت من وأنا صغيرة إني اعتمد على نفسي أشوف إيه ناقصني وأجيبه بمصروفي وده لأن ظروفنا الاقتصادية والاجتماعية مكانتش أحسن حاجة.
خالتي أو نقول أمي الروحية كانت بتشتغل في وظيفة متواضعة عاملة نظافة في واحد من المراكز التجارية الشهرية هي اللي بقت مسئولة عني بعد ما أهلي ماتوا في حاډثة سير من كام سنة أنا مش فاكرة التفاصيل أني وقتها كنت صغيرة وخالتي مرضتش تسيبني لدار الأيتام وقررت تتكفل بيا رغم إنها مكانتش في أحسن حالاتها المادية. 
محاولتش أضغط عليها بطلباتي واكتفيت بالبسيط أوي اللي يقدر يخليني أعيش واجتهدت في دراستي على أد ما قدرت علشان أجيب درجات حلوة وما تحسش بعبء في الناحية التعليمية. 

كانت بتفرح أوي لما بتشوف تفوقي واتمنت كتير إني أقدر أجيب مجموع عالي وأدخل كلية كويسة بس مش عارفة إن كنت هقدر السنادي أعمل المعادلة الصعبة دي ولا لأ وخصوصا إني بدأت أنزل في وظائف بدوام جزئي علشان أساعد في نفقات البيت.
نسيت أقولكم مكانتش بتحب إني أناديها بخالتي بتفضل دايما إني أقولها ديدي وده ألطف بصراحة.
جيني
خالتي نادت عليا فقومت من على سريري بعد ما سبت كتابي وسألتها
أيوه يا خالتي إنتي عايزة حاجة مني
لقيتها بتحكيلي بدون مقدمات
أنا قريت إعلان في محل لبس مشهور عندنا في المول طالب موظفة تشتغل آخر النهار ومش عايز مؤهلات كتير إيه رأيك تقدمي فيه
اعترضت بحرج
بس دراستي..
قاطعتني قبل ما أكمل كلامي وقالت
أنا واثقة إنه مش هيعطلك المواعيد من خمسة ل 10 ونقدر نرجع سوا وفي الطريق واحنا راجعين مع بعض في المترو تكملي مذاكرة.
كنت هبقى قليلة الذوق أوي لو رفضت الفرصة دي ممكن هما ما يقبلونيش من الأساس ساعتها هي مش هتزعل مني فابتسمت وأنا بقولها
ماشي يا ديدي علشان خاطرك بس هروح أقدم فيها..
مكونتش أتوقع العدد ده في المركز التجاري لما روحت أقدم بنات وشباب وناس كتير أوي الكل عايز ياخد فرصة ولو حتى متواضعة علشان يتواجد في المكان ده أصله براند مشهور ماركة معروفة واللي بيشتغل في فرع من الفروع بيكون مميز حتى لو كان عامل بيقدر يحصل على مميزات مختلفة يعني ده اللي سمعته من رغي الناس حواليا وأنا واقفة أستنى دوري علشان المقابلة. 
وقت ما نادوا على اسمي دخلت أوضة واسعة فيها تربيذة مستطيلة قاعد قصادها 3 أشخاص وقصاد كل واحد فيهم كومة ورق الصراحة أنا مدخلتش لواحدي كان معايا 4 كمان واللي بيجي عليه الدور بيتسأل وإنت وحظك بقى طبعا خالتي وصتني أفضل مبتسمة طول الوقت حتى لو كنت بجواب غلط ما هو الانطباع الأول بيدوم وخدت بنصيحتها ورغم إن الأسئلة مكانتش معقدة ولا فيها شفرات محتاجة تتفك إلا إن طريقة الإجابة نفسها هي اللي بتحدد الدرجة اللي
إنت بتاخدها.
حاولت على قدر