رواية الخادمة الأنيقة الفصل الأول 1 "للمبدعة منال سالم"

المستطاع أرد بشكل لطيف مناسب وطبعا إجابات اللي معايا كانت محفوظة شبه بعض تقريبا زي ما يكونوا حافظين الأجوبة. فات حوالي ربع ساعة على المقابلة لحد ما انتهت وشكرونا استعديت للانصراف بس نادت عليا واحدة من اللي كانوا بيسألونا وطلبت مني أستنى للحظة اتوترت بصراحة فلاقيتها بتسألني بشكل مباشر
إنتي خالتك ديدي ويتمان

قلبي دق بقوة وأنا برد
أيوه.
اتفاجئت بيها بتقول كلام طيب عنها
سمعتها كويسة وأتمنى تكوني زيها.
شكرا لحضرتك.
معرفتش بصراحة أرد عليها غير بكده ما أنا مكانش حاضر في بالي أي حاجة وخصوصا إني متوقعتش إنها تمدحها. مشيت بعدها وأنا برضوه مش متأكدة إن كنت حصلت على الوظيفة ولا لأ بس الحقيقة مفرقش معايا الموضوع. 
استغربت جدا لما لاقيت خالتي واقفة منتظراني جرت عليا أول ما شافتني وسألتني في لهفة
ها عملتي إيه
هزت كتفي وأنا بكلمها
يعني.
قالتلي بحماس وهي بتعلق دراعها في دراعي
أنا وصيت عليكي واحدة من اللجنة هي تعرفني من زمان ودايما بتشكر فيا.
رديت باختصار
أه قالتلي.
سمعت خالتي وهي بتتنهد قبل ما تكلمني
أتمنى تاخدي الوظيفة دي بجد هتتبسطي.
ضميت شفايفي مع بعض للحظة وقلت
محدش عارف.
لاقيتها سحباني ناحية باب المول وهي بتقولي
طب يالا أنا هوصلك للبيت وبالمرة نتعشى سوا.
استغربت جدا إنها ماشية قبل توقيت انتهاء العمل وسألتها
إنتي مش عندك لسه شغل
ضحكت وهي بتقولي
خدت إذن من مديري وسمحلي أمشي بدري.
كويس .. 
كان قاعد على الكنبة الجلدية الفخمة مسترخي في جلسته وحواليه اللي بيخدموا عليه وطبيعي ده يحصل معاه لأنه أحد أهم العملاء في المكان وإسعاده يعني الحصول على نفحات كتيرة من المال أما لو اتضايق وزعل فده معناه الخړاب والسمعة السيئة. بس إحساس الملل والزهق بدأ يسيطر عليه وخصوصا إن صاحبه كان عمال يبدل بين بدلة والتانية بيقيس دي ويجرب دي ومش في دماغه حاجة غير إنه يكون في أكثر حالاته أناقة. 
وقف ديف قصاده يوريه مظهره بالبدلة الجديدة وكلمه بجدية
دي عاشر بنت إنت ترفض الخروج معاها يا جاك.
رد عليه وهو بيلعب في ساعته الرولكس
كلهم زي بعض بلاستيك ووشوش متركبة.
علق عليه ديف في سخرية
ما طبيعي يبقوا زي بعض مش بنات أكتر العائلات غنى في البلد...
فضل جاك ساكت فاستمر صاحبه في الكلام
وإنت مش عايز غير واحدة تكون واجهة اجتماعية جمبك.
تجاهل كل اللي قاله وطلب منه
شوف هنسهر فين النهاردة.
في التوقيت ده كانت مديرة المحل طلبت من إحدى موظفاتها إحضار القهوة ليه بجانب الحلوى والمشروب البارد بحيث يختار اللي يحبه ويتناوله للأسف الموظفة اتعثرت في خطوتها وهي شايلة الصينية فتبعثر اللي فيها ووقع على الأرض وطبعا جزء من المشروبات دي لطخ حذائه وبنطلونه. 
الذعر أصاب الموظفة وانحنت على الفور بمنديل ورقي تمسح اللطخات من على القماش وهي بتعتذر بشدة
سوري يا فندم مقصدش ده خالص.
وقف جاك ونفض ساقه
علشان يبعدها عنه وزعق فيها بضيق واضح على كل