رواية الحب والحياه من الفصل الأول إلى الفصل العاشر
انه يزهق ي سامح ويبطل ييجي
سامح مټخافيش ي قلب سامح انا عارف انه بيحبك وهيرجع تاني يطلبك مني وحتي لو محصلش يبقي دا مكنش خير ليكي من الاول ي تقي ومكنش نصيبك
تقي طب توعدني انه لو جه اتقدم تاني توافق المرة دي
سامح ماشي ي ستي مع اني عارف ان دا اكيد هيحصل هو مش هيصبر وهلاقيه جايلي بكرة تاني
تقي انت وعدتني
سامح وانتي عارفة اني اد وعدي وهوفي بيه
سامح تمام تصبحي علي خير
تقي وانت من اهل الخير
دخل ينام وهي كمان دخلت وبكدة مرت الليلة علي ابطالنا فيهم اللي مبسوطين وفيهم اللي زعلانين بس هل ياتري هيطول الزعل دا
تاني يوم صحيت ندي من النوم هي واميرة ودا طبعا بعد ما مني حاولت معاهم كتير وجهزوا نفسهم وخرجوا لها
ندي تعيشي وتصحينا ي منمن
اميرة انا عاوزة اروح البيت اجيب هدوم ليا لاني مش هينفع اقعد بالهدوم دي
مني وهدوم موجودة ليه ادخلي البسي اللي انتي عاوزاه من جوة لكن مرواح للبيت دا انسي ي اميرة
اميرة بس
ندي مفيش بس ي اميرة اسمعي الكلام ويلا نفطر
سمعوا صوت الجرس وخبط علي الباب وراحت ندي فتحت وابتسمت اول ما شافت تقي وهي جاهزة قدامها
مني تعالي ي لمضة لسة مأكلناش
دخلت لجوة وبعدها قفلوا الباب وقعدوا علي السفرة كلهم وبدأوا يفطروا مع بعض
تقي قوليلي بقي ي اميرة عاملة اي دلوقتي
اميرة الحمدلله بقيت احسن
ندي بس انا رأيي انك متجيش النهاردة الجامعة وترتاحي شوية
اميرة لا انا عاوزة اخرج انا مبحبش جو القاعدة هكون افضل وانا في الجامعة
رجعوا تاني للاكل واول ما خلصوا خرجوا هما الثلاثه ع يروحوا الجامعة اما مني فراحت لاسماء تقعد معاها
كان آدم قاعد في كافيه قريب وبيبص في ساعته وباين انه مستني حد ومستعجل فجأة دخل واحد وقعد مقابل ليه
آدم انت لو مكنتش جيت كنت همشي ودي كانت هتبقي آخر فرصة ليك
آدم وعاوزك تفهم اني عمري ما ارجع للشغل دا انا علي ما صدقت اني بعدت عنه
_آدم اسمعني احنا محتاجينك
آدم وانا مش هرجع انا خسړت كتير في الشغلانة دي ومش هخسر تاني
_ي عم ما تفهم بقي الشغلانة دي طبيعي ان يبقي فيها خساير وانت عارف دا اكتر واحد فينا ي آدم
آدم وانا مقولتش حاجة خسړت اللي خسرته بس انا مش هسمح ان اخسر حاجة تانية
آدم انت اللي مش فاهم ي امجد دي كانت حياتي وانا خسړت حياتي من بعدها مش هسمح ان المأساة تتكرر ابدا
امجد يعني قرارك زي ما هو
آدم انت الكلام معاك علي الفاضي انا ورايا شغل
قام آدم من مكانه وهو حاسس بالحزن من تذكره للماضي اللي حاول انه يهرب منه وينساه بس مش قادر
في شركة قريبة كان شغال بكل طاقته لحد ما قاطعه دخول وحدة الشركة ووقفت قدامه بصلها ببرود بان علي ملامحه
_صباح الخير
احمد صباح الخير في حاجة حضرتك
_لا بس حبيت اجي اصبح عليك ع اكمل يومي
احمد تمام وحضرتك صبحتي ممكن تسيبيني اكمل شغلي
_انت مالك بتكلمني كدة ليه ي احمد
احمد استاذ احمد ي انسة سهام قولتلك مېت مرة
سهام وانا قولتلك هناديلك باللي انا عاوزاه
احمد لو سمحتي اتفضلي انا عندي شغل كتير
سهام انت عمرك ما هتتغير دايما بتعاملني كدة دا كله ع بحبك
احمد وانا قولت لحضرتك انا بحب وحدة وهنتجوز قريب اي اللي مش مفهوم في الموضوع دا
سهام وياتري مين دي اللي بتساويها بيا انا
احمد انا مش بساويها بيكي لانها عندي مش زي حد
سهام انت عارف ي احمد اني ممكن أأذيك
احمد تقدري تعملي اللي انتي عاوزاه انا كلامي واضح وطلبت منك انك تشوفي نصيبك بعيد عني بس انتي اللي مصرة علي اللي بتعمليه
سهام انا ممكن اخلي بابا يمسكك مدير الشركة دي كلها لو عاوزة بس انت وافق
احمد اوافق علي اي انا بقولك هتجوز قريب وبحب وحدة عاوزاني اعمل اي يعني وبعدين انا مش هسيبها لو ع ايه ومش عاوز ابقي مدير ولا غيره انا راضي باللي انا فيه
سهام يعني دا اخر كلام عندك ي احمد
احمد بعد اذنك انا عندي شغل ومش فاضي
مشي وسابها وهي حاسة بالعصبية والحقد من البنت اللي بيقول عليها واللي هي تبقي تقي طبعا
سهام ماشي ي احمد ي انا ي انت بس في الاخر هترجع وتقول ياريتني كنت معاكي وانا مش هسيبك للبنت دي انا مترفضش ع وحدة زي دي
الحب_والحياة
بقلمي_الكاتبة_ندا
8
في الجامعة كانت ندى قاعده بتتكلم مع تقى واميره وهما مستنيين ميعاد المحاضره الجايه قاطعهم وقوف شاب وراهم اول مره يشوفوه
الشاب السلام عليكم
البنات وعليكم السلام
الشاب انسه ندى انا كنت حابب اتكلم معاكي في موضوع مهم
ندى اتفضل قول
الشاب لا مش هينفع هنا
ندى بس انا للاسف مش هقدر اني اروح معاك في مكان لو حابب تقول حاجه اتفضل قولها هنا
الشاب انا سمعت انك فسختي الخطوبه
ندى ايوه حضرتك عندك مشكله
الشاب كنت حابب اسالك لو في عريس حابب يتقدملك هترفضي وللا هتقبلي
بصتله ندى وفهمت ان هو العريس اللي قصده عليه وبعدها بصت لاميره وتقى اللي كانوا مستغربين الوضع ومش فاهمين هو في ايه بالظبط
ردت ندى عليه ومحبتش انها تحرجه وقالت بص ي استاذ
وقفت ندى عن الكلام لانها متعرفش اسمه وهو اخذ باله
الشاب محمد
ندى بص يا استاذ محمد انا مش ناويه على خطوبه وجواز دلوقتي وخصوصا ان حضرتك عارف ان لسه فاسخه خطوبتي امبارح بس
محمد بس يعني انا
ندى متكملش انا اسفه بجد بس انا دلوقتي مركزه في دراستي وبس والخطوبه والمواضيع دي مش في بالي وبعدين كل شيء قسمه ونصيب
محمد فعلا كل شيء قسمه ونصيب
ندى لسه حضرتك عاوز حاجه
محمد لا شكرا وانا اسف لو ازعجتك ندى لا مفيش ازعاج
مشي محمد وعلامات الحزن باديه على ملامحه وندى قعدت تاني مع تقى واميره
اميره ليه كده يا ندى
ندى هو ايه يا اميره
اميره كلنا فهمنا ان هو
ندى انا لسه فاسخه خطوبتي امبارح بس يا اميره واتاذيت فمش هكرر اللي حصل ده تاني
تقى انا مع ندى يا اميره وبعدين في نصيب واول ما نصيبها هيجي محدش هيقدر يقف في طريقه
اميره تمام انا بس كنت خاېفه عليها
ندى بتفهم انا فاهماكي يا اميره بس مټخافيش
اميره طب يلا ندخل عشان منتاخرش قاموا هما الثلاثه ودخلوا المدرج خوفا من التاخير عن المحاضره
في البيت كانت منى واسماء قاعدين مع بعض في بيت ادم وكانوا بيتكلموا مع بعض
منى يعني بجد ادم كان كده
اسماء انت مشفتيهوش دا انا كنت بخاف منه دا كان جدي وعصبي
منى بس يبان انه هادي دا انا قولت انه على نياته
اسماء هو بقى كده بعد اللي حصلله
منى هو ايه
