رواية الحب والحياه من الفصل الأول إلى الفصل العاشر

بقى اللي حصل انتي بردوا المره اللي فاتت اتكلمتي لحد هنا وبعدها قفلتي على الموضوع
اسماء بحزن دي قصه عدت عليها سنين وقعدت سنين لحد ما اتخطتها وانا عارفه ان ادم عمره ما هينساها ولا يتخطاها
منى في ايه يا اسماء
اسماء هو محمل نفسه ذنب مۏتها لدلوقتي وعمره ما هيقدر يطلع من اللي هو فيه
منى مۏتها هي مين
اسماء ملك بنتي واخته كان بيعتبرها بنته هو اللي كان مربيها وبيحبها اكثر من نفسه وهي كانت شقيه ومرحه تدخل القلب على طول لليوم اللي حصل فيه الكارثه دي من وقتها وكل حاجه اتغيرت حتى هو مبقاش موجود ومبقاش في 
نزلت دموع اسماء بغزاره وهي بتفتكر بنتها بعد كل السنين دي هي منسيتش اللي حصل بس كانت بتحاول وحكيها اللي حصل هد كل المحاولات دي

منى بحزن وهي بتحضنها ربنا يرحمها يا حبيبتي هي في مكان احسن دلوقتي اهدي
اسماء عمري ما هنسى اليوم اللي وصل الخبر انها ماټت لما شوفت وشها وهو كله مشوه مش باين ملامحها حتى كان اليوم ده اللي دمر حياتنا كلنا وخلي ادم يستقيل من شغله ويبعد عنه
في الشركه اللي شغال فيها ادم كان قاعد في مكتبه وهو بيشتغل لكن عقله كان مشغول في كلامه مع امجد لوقت ما سمع صوت بره عالي خرج يشوف في ايه واستغرب لما لقى الصوت جاي من مكتب مديره كان لسه هيدخل ثاني بس وقفه هو خروج شخص من المكتب واللي اول ما شافه ملامحه كلها اتغيرت كان الشخص ده ماشي بعصبيه واول ما شافه قرب منه وابتسم باستفزاز
الشخص انا مكنتش متصور انك تشتغل في مكان زي ده بعد المكانه اللي انت كنت فيها
ادم لو مش عاوز ټندم على كل حياتك اللي عشتها اخرج من الشركه حالا
الشخص تؤ تؤ انا مش متعود عليك عصبي كده انت كنت طول الوقت مبتسم وواثق من نفسك
ادم انا بحذرك اني اشوفك مره ثانيه في اي مكان وقتها هتشوف انا اقدر اعمل ايه
الشخص مقدرش اوعدك انك متشوفنيش وخصوصا انك بتشتغل هنا
قرب على ادم وقال بهمس اه ابقى سلملي على الست الوالده وقولها البقيه في حياتك عن مۏت ملك
اول ما جاب سيرتها زقه ادم بسرعه عنه وضربه جامد والشخص ده بصله بعصبيه
الشخص انت قد الحركه دي وعد مني انك هتندم يا ادم على حركتك دي وانت عارف ان مبوعدش على الفاضي وعارف مين هو عاصم المريدي
خرج عاصم من الشركه وهو متعصب وبيشتم في سره ادم اللي خرج من الشركه كلها بعده حتى من غير ما ياخذ اذن من المدير
الحب_والحياة 
بقلمي_الكاتبة_ندا
9
مر الوقت وخلصت تقي محاضراتها وروحت علي البيت وكانت واقفة في المطبخ بتحضر الغداء لانه وقت وصول سامح سمعت صوت فتح الباب عرفت انه وصل
سامح ي اهل البيت يللي هنا
تقي في اي يسوسو عامل دوشة ليه
سامح جعان ي بنتي حضرتي اكل واللا نطلب
تقي وانت عارف بردوا عني كدة روح انت غسل وانا هحضر السفرة
سامح وانا عندي ليكي خبر هيفرحك
تقي اي هو
سامح لا واحنا بناكل ع نفسك تتفتح
تقي طب يلا بسرعة
دخل سامح لاوضته وغير هدومه وبعدها خرج كانت تقي جهزت السفرة خلاص وقعدوا يكلوا هما الاتنين
تقي امم قولي بقي اي الخبر اللي هيفرحني
سامح اتوقعي كدة
تقي ما تنجز ي سامح بلاش جو الساسبينس دا
سامح تصدقي انتي خسارة فيكي اصلا
تقي ها انجز
سامح احمد
تقي اول ما سمعت اسمه قالت بسرعة ماله
سامح ي حنينة خفي شوية ي بت
تقي ي اخي بطل وانجز قول في اي
سامح اتصل وقالي انه هييجي النهاردة
تقي دا بجد
سامح ايوة بجد وطبعا انتي عارفة هو جاي ليه
تقي وانت ناوي علي اي ي سامح
سامح اللي فيه الخير ي تقي
تقي انت وعدتني
سامح انتي عارفة اني عاوز مصلحتك فسيبيني اعمل اللي انا عاوزة
تقي سامح
سامح تقي انتي اختي وبحبك ويهمني مصلحتك وانك تبقي مبسوطة مټخافيش
تقي يعني اتطمن واللا اي
سامح ايوة المرة دي مش زي كل مرة ودا اللي عاوزك تتاكدي منه واني جمبك دايما
تقي ربنا يخليك ليا ي حبيبي
سامح ويخليكي ليا يلا كلي دلوقتي
بدأوا هما الاتنين يكلوا وتقي كانت بتدعي في سرها ان الموضوع يكمل علي خير ومن غير مشاكل
في الشقة كانت ندي واميرة في المطبخ بيحضروا الاكل ودا بعد اصرار منهم ومني واسماء قاعدين برة ومستنيينهم يخلصوا
ندي اميرة اي رايك في موضوع الخطوبة
اميرة بعدم فهم خطوبة مين
ندي والله ما هو وقت غباء ي اميرة خطوبتك انتي وسامح اي قرارك
اميرة مش عارفة ي ندي
ندي ودا اللي هو ازاي يعني
اميرة انا خاېفة انه يكون دا كان تسرع منه ومش قاصد اللي قاله
ندي تسرع اي بس مټخافيش ي اميرة كلنا عارفين سامح وعارفين اخلاقه وهو قد المسئولية انتي اللي لازم تفكري توافقي واللا لا
اميرة انا خۏفي هو اللي مأثر عليا
ندي وطول ما هو موجود مش هتقدري تكملي للاخر اديله فرصة ي اميرة ممكن يكون دا نصيبك ادي لنفسك فرصة
اميرة بس انا
ندي اسمعي ي اميرة انتي بتحبيه وهو بيحبك واعترف قدامنا بدا وطلب ايدك كمان وقال انه عاوزك ليه ټدفني نفسك وسط خۏفك
اميرة تفتكري بجد بيحبني
ندي دا علي ما صدق قام قايل هتجوزها ويبقي يحاول انه يقنعك بعدها سامح بجد عاوزك وهيقدر يسعدك ودا اللي انا متاكدة منه
اميرة وانا عارفة انه هيقدر
ندي طب اي رايك بقي موافقة واللا
اميرة موافقة
سمعوا صوت زغروطة من وراهم التفتوا بسرعة ولقوا مني واسماء واقفين وراهم وهما فرحانين
ندي انتو واقفين هنا من امتي
مني وهي بتبص لاميرة من وقت ما انا بحبه
اتكسفت اميرة من كلامهم ومكنتش قادرة تبصلهم وهما ضحكوا عليها
اسماء مالك عملتي كدة فيها اي الحب مش حرام
مني الف مبروك ي اميرة
اميرة علي اي
مني احنا سمعناكي وانتي بتقولي موافقة دا عين العقل سامح يستاهل
ندي طب يلا نقوله
اميرة لا انا مش هقول رايي الا لما يسال تاني انا اصلا حاسة ان الموضوع مش في دماغه
مني بلاش ظلم ممكن يكون مشغول وهيرجع تاني يسال علي رايك متقلقيش
اميرة لوقت ما يسال مش هقوله رايي
ندي اللي انتي عاوزاه ي حبيبتي
سمعت ندي صوت رن تليفونها فتحت وكانت تقي اللي حكيتلها وهي مبسوطة ان احمد هييجي يتقدملها تاني وسامح هيوافق باركت لها وقفلت
اميرة في اي
ندي ع تعرفي انك ظلماه تقي اتصلت تعرفنا ان احمد هييجي يطلب ايدها تاني وسامح هيوافق
مني مش قولتلك اكيد مشغول
اميرة ربنا يكملها علي خير
كان آدم قاعد علي البحر لوحده ودموعه نازلة علي خده وهو بيفكر في اخته واللي حصلها بسببه
نرجع F B 
في بيت كبير جدا كانت ماشية بهدوء وداخلة اوضة اخوها ع تصحيه او الاصح تخوفه قربت منه وهو نايم
ملك آدم اصحي يلا
مردش عليها ودا اللي خلاها تنفذ اللي في دماغها مسكت كوباية ماية في ايدها ورمتها فوقه صحي وهو مڤزوع من برودة الماية
آدم بفزع في اي اي اللي حصل
سمع صوت ضحكتها وعرف اللي عملته بصلها پغضب مصتنع وقام من علي السرير
آدم قد اللي عملتيه دا والله ما انا سايبك
خرجت تجري بسرعة من الاوضة قبل ما يمسكها وهو كان بيجري وراها وصوت ضحكتها العالية مسموعه في البيت كله
رجعنا للحاضر وهو بيمسح دموعه وبيقوم ع يروح لان اسماء اتصلت عليه كتير وقلقانة
آدم انا اسف ي ملك اسف مقدرتش احميكي ولا احافظ عليكي كنت السبب في موتك سامحيني ي ملك اني مقدرتش اجيبلك حقك بس هجيبه في يوم وعد مني اني مش هسيبه ابدا وانا عند وعدي
في قصر كبير كان قاعد وهو متعصب من ضړب آدم ليه وبيفكر ازاي ينتقم منه لحد ما جاله اخوه
_مالك قاعد كدة ومتعصب
عاصم والنبي تبعد عني دلوقتي ي ياسر
ياسر لا دا باين في حاجة خطېرة انها توصلك لكدة قول في اي
عاصم قابلت آدم صدفة النهاردة
ياسر آدم قابلته فين هو مش كان اختفي ومحدش عارفله طريق
عاصم ايوة مش عارف اي اللي خلاه يظهر دلوقتي بس ظهوره دا وراه حاجة اكيد
ياسر امم وهو اللي شلفطك كدة
عاصم ايوة هو وديني لاندمه علي حركته دي
ياسر ابعد عنه ي عاصم كفاية اللي حصل زمان
عاصم لا مش هبعد ويبقي يوريني هيقدر يعمل اي
ياسر انا حذرتك ي عاصم بعد كدة مترجعش ټندم علي اللي هيحصل
قام ياسر وسابه وهو متعصب بس عصبيته دي راحت اول ما سمع صوتها من وراه
عاصم ملك
الحب_والحياة 
بقلمي_الكاتبة_ندا
10
وصل آدم للبيت واول ما دخل راحت اسماء عليه بسرعة وهي قلقانة وهو ابتسم لها ع يطمنها
اسماء كنت فين ي آدم انا اتصلت عليك كتير ومردتش
آدم بابتسامة اهدي ي حبيبتي انا كويس اهو بس تليفوني كنت عامله سايلنت ومسمعتش
اسماء ومجيتش ليه علي الغدا مش عادتك
آدم كان عندي شغل كتير ومعرفتش اسيبه غير لما اخلصه
اسماء طيب ادخل انت غسل وانا هحضرلك الاكل
كانت لسة هتتحرك بس آدم مسك ايديها وباسها وقال انا اسف لو كنت قلقتك عليا ي ست الكل ارتاحي انتي وانا هاكل اي حاجة
اسماء اي حاجة ازاي دا انا عملالك الاكل اللي بتحبه ادخل انت وانا هحطه علي السفرة
آدم ربنا يخليكي ليا ي امي
اسماء ويخليك ليا ي حبيبي
دخل آدم اوضته وغير هدومه وخرج كانت اسماء في الوقت دا حضرت الاكل وحطته علي السفرة قعد ياكل وهي قعدت جمبه لانها اكلت مع مني والبنات بعد اصرارهم
بالليل كان سامح قاعد هو وتقي وهما مستنيين احمد لان دا الوقت اللي اتفقوا عليه سمع صوت الجرس عرف انه وصل دخلت تقي علي طول جوة ولو راح يفتح الباب وزي ما هو متوقع كان احمد واقف وفي ايده علبة شيكولاتة
سامح اتفضل
دخل احمد لجوة وسامح قفل الباب قعد احمد وجمبه سامح بصله احمد بهدوء 
احمد طبعا انت عارف انا جاي ليه
سامح لا اتفضل قول
احمد انا عارف انك متاكد انا جاي ليه بس هقولها للمرة الالف انا جاي طالب ايد الانسة تقي
سامح تقدر تقولي انت عرفتها منين وامتي
احمد تاني هو انت مبتزهقش دا انا بقيت حافظ الاسئلة دي غيرهم في مرة
سامح تمام قولي انت عاوز تتجوزها ليه
احمد اي السؤال دا طبعا ع بحبها
سامح اي الصراحة دي
احمد استاذ سامح انا محل الشيكولاتة اللي انا جايب منه بقي فاتح عشاني انا دي المنطقة كلها حفظت السبب
سامح ما علينا تقدر تقولي انت معاك شهادة اي او شغال فين
احمد ما انت عارف انت ناسي ان انا كنت معاك اصلا حبيبي انا من دورك فوق كدة
سامح علي فكرة ردودك دي متنفعش لاحظ ان العروسة اختي خليني حتي اسال
احمد تسال دا انت حرام عليك دا انا اتهريت اسالة لسة عاوز تسال
سامح خلاص اسكت
احمد قولي بقي اي قرارك
سامح يعني انت مش عارف
احمد وسبب الرفض المرة دي اي لون الجزمة مش عاجبك
سامح مين قال اني رافض
احمد قصدك اي اوعي يكون
سامح ايوة انا موافق علي الخطوبة
احمد ورحمة ابوك يعني دا مش هزار
سامح ما تحترم نفسك ي عم وانا مش بهزر انا بتكلم بجد جدا كمان بس والله لو زعلتها واتشكتلي في يوم منك لاكون مموتك
احمد انا عمري ما زعلها تقي هتبقي في عيني وقلبي متقلقش
في الوقت دا دخلت تقي عليهم بالقهوة وهي حاطة دماغها في الارض ومكسوفة حطتها علي الترابيزة
سامح اقعدي ي تقي
قعدت تقي في كرسي بعيد شوية عنهم وهي لسة منزلة دماغها
سامح الاستاذ احمد جاي النهاردة وطالب ايدك ي تقي اي رايك
تقي اللي تشوفه ي سامح
سامح يبقي علي بركة الله الف مبروك ي تقي
بصت تقي له بكسوف وفرحة شديدة وبعدها لاحمد اللي قاعد وھيموت من الفرحة نزلت دماغها ودخلت جوة بسرعة
احمد مش هنتفق علي ميعاد الخطوبة واللا اي
سامح وانت مالك مستعجل ليه كدة
احمد يعني بعد دا كله وبتقول مستعجل
سامح لو انت جاهز خليها علي نهاية الاسبوع دا ان شاء الله وانا وانت هنتفق علي كل حاجة بكرة
احمد علي بركة الله استأذن انا بقي
قام احمد ع يمشي وسلم علي سامح وحضنه وهو فرحان
سامح الف مبروك ي احمد انا عارف انك قد الثقة دي
خرج احمد من الشقة وسامح قفل الباب وبعدها دخل لتقي الاوضة ع يتكلم معاها ويباركلها
في الشقة كانت ندي قاعدة في البلكونة لوحدها لان اميرة نامت هي ومني لحد ما سمعت صوت جمبها عرفت صاحبه مين
آدم مساء الخير
ندي مساء النور
آدم قاعدة لوحدك ليه كدة
ندي مفيش حبيت اقعد في الهوا شوية واميرة وماما ناموا
آدم امم طب هضايقك لو قاعدت هنا انا كمان
ندي لا طبعا اتفضل
قعد آدم علي كرسي في البلكونة بتاعتهم وبص لندي اللي كانت مركزة في السما وجمال القمر
ندي السما شكلها حلو اوي النهاردة
آدم اهو بيبصلها ايوة فعلا وخصوصا القمر مكتمل قدامي اهو
ندي فعلا تحس بالراحة وانت باصصلها في الليل دا والجو هادي
آدم باين عليكي بتحبي الهدوء
ندي امم الهدوء حلو لما الجو يكون هادي من حواليك انت هتحس بالراحة وع كدة دايما بحب اقعد كدة
آدم معلش بقي قاطعت عليكي جوك وهدوئك وشاركت معاكي اللحظة دي
بصتله ندي وابتسمت وهي ردلها الابتسامة بواحدة اجمل
ندي تصبح علي خير
آدم وانتي من اهل الخير
دخلت ندي لجوة وهو فضل قاعد وبيبص للسما والابتسامة علي وشه
تاني يوم صحيوا من النوم وفطروا وجهزوا نفسهم ع يروحوا الجامعة وصلوا هما التلاتة وقبل ما يدخلوا لجوة سمعوا صوت بينادي علي ندي
سامر ندي ي ندي
ندي حضرتك عاوز اي
سامر اسمعيني ي ندي اديلي فرصة
ندي فرصة لايه معلش انت مين
سامر ندي متعمليش فيا كدة ي ندي ارجوكي اسمعيني واديلي فرصة
ندي انت عاوز اي
سامر نرجع لبعض تاني
ندي والله نرجع لبعض بس بشرط
الحب_والحياة 
بقلمي_الكاتبة_ندا