عشق الفيروز بقلم ولاء رفعت علي
طب اقفل انت دلوقت سلام ..... ينظر لصقر پغضب انت اټجننت ياصقر !!!
صقر ف اي ياإياس ماتحترم نفسك
إياس عايزهم ياخدو فيروز للطبيب الشرعي عشان يعملها كشف عذريه!
صقر پغضب ملكش دعوه وبعدين خلي جواسيسك يتلمو احسن ماالمهملك انا
إياس لا انت كده زودتها اوي .. ابعد عنها يا ابن الناس وكفايه الي فيه
صقر وهي لسه شافت حاجه ده لسه التقيل جاي
فلاااااااااش باااااك
بعدما اخذت فيروز الكارت الخاص بصاحب مركز التجميل ذهبت اليه وبدءت العمل لديه فهو كان شاب سوري الجنسيه في اواخر العشرينات وعلي الرغم من صغر عمره فقد كان من اشهر اصحاب مراكز التجميل فأنه يدعي مسيو فارس الشامي كما تناديه الفتيات والفتيان الذين يعملون لديه .... كان دائما يراقب فيروز بنظراته فهي كانت دائما متفوقه وبارعه بعملها فكما أعجب بعملها أعجب بها شخصيا فلما لا تلك الفتاه ذات جمال فتان وعيون ساحره لمن يراها وبشرتها البيضاء التي جعلت زميلاتها ف المركز يلقبونها بسنو وايت مثل اميرة ديزني
فارس لا رد
فيروز مسيو فارس!
كان فارس شاردا في عينيها واردف قائلا أي فيروز بتأسف كنت شارد شوي
فيروز انا كنت عايزه ققول لحضرتك انا خلصت شغلي وهمشي عشان متأخرش ع ماما عشان علاجها بس
فارس اوك فيروز بس بستأذنك ناتريني ثواني هاخد معي ف طريقي
فيروز بإحراج اسفه مسيو فارس مش هقدر اركب مع حضرتك لاني عمري ماركبت عربيه مع شاب اي ان كان
فيروز لا والله ابدا انا بصراحه بتكسف
فارس يلا فيروز اتركي كل شي وتعي معي مشان ما تتأخري ع إمك
فيروز حاضر ثواني هجيب شنطتي وهحصل حضرتك
في سيارة فارس تجلس فيروز بجوار فارس الذي يتولي القياده فكانت صامته لاتتفوه بأي كلمه ليقطع صمتها رنين هاتفها لترد الو ياماما
فيروز طب انا جايه ف الطريق اخدتي علاجك
آمال ايوه ياحبيبتي اخدته انا بكلمك عشان متقلقيش عليا ولما تروحي هتلاقي الاكل في المطبخ جاهز ع التسخين
فيروز حاضر ياست الكل تسلميلي .. ف حفظ الله يا ماما ... سلااام
فارس هيدي إمك
فيروز اها كانت بتطمن عليا
فارس بما أن إمك اخدت علاجاه فممكن اطلب منك طلب ولا ترديني!
فارس انا جعان كتير وبدي أكل شي شغله وبدي تكوني معي.. موافقه
فيروز بس ......
فارس بليز ما ترديني
فيروز اوك خلاص بس اول ما هنخلص اكل امشي ع طول
نظر لها فارس مبتسما وموافقا علي علي كلامها ... وبعد مسافه توقف امام مطعم مشهور بالأكلات البحريه ونزلا من السياره ودلفا للمطعم
إياس مليش فيه ياعم انا عايز عزومه بمناسبة ترقيتك ولا هطلع كده بلوشي
صقر حاضر خلاص اي بالع راديو تعالي وانا هوديك عند اجمد مطعم بيقدم سي فود هتاكل وهتدعيلي
إياس ادعيلك لو انا متجوز
صقر خلاص بعد ما تاكل روح لأشجان مصلحة وهي هتظبطك
إياس اسكت دي وليه ساو كل ماروح اعمل عليهم كبسه ع شقتها الاقيها لابسه هي والبنات اسدالات صلاه وقاعده تديهم دروس ف الدين وجو بخور وسبحه ومشغله قرآن كمان .. بنت ال
صقر هههههههههههههه وربنا انت فقر ده تمويه وعمرهم ماهيعملو كده غير لما يكون ليهم عيون عندك بتبلغهم بميعاد الكبسه
إياس ما أنا عارف وهعرف مين الي بيبلغهم ومش هرحمه ولا هرحمها
توقف صقر بالسياره امام احدي المطاعم ودلف للداخل مع صديقه إياس وجلسا ع احدي الطاولات ..... وف طاولة اخري
فارس عجبك الاكل
فيروز اها حلو اوي شكرا علي العزومه قالتها بخجل
فارس بالهنا والشفا وع رأي المصروايه ماترح مايسري يمري
فيروز هههههههه انت كده خلاص بقيت مصري اصيل
فارس انتي كتير مهضومه فيروز
فيروز ميرسي مسيو فارس
فارس قليلي فارس بدون مسيو ... مابدي اي القاب بينتنا بنوب
فيروز انا بقولها كاحترام لحضرتك لانك مديري اولا وامبر مني سنا ثانيا
فارس بعرف لكن مابدي القاب بدي نكون قريبين انا وانتي
فيروزباستغراب مش فاهمه اصدك
فارس بالتأكي عبتفهميني منيح
فيروز بتوتر اسفه مسيو اصدي فارس استأذنك هاروح التويليت وهاجي ع طول
فارس وهو قد لاحظ تهربها من الحديث اتفضلي وانا ناتريك هون
ف ذلك الوقت ذهب صقر الي المرحاض وكانوالمرحاض يقع ف الطابق الاسفل للمطعم ... وكل من صقر وفيروز انتهيا من استخدام المرحاض فصعدت فيروز الدرج وكان يصعد خلفها صقر .... فيروز كانت ترتدي ثوب طويل فتعثرت ف طرف ثوبها وكادت تقع للوراء فانتبه صقر الي التي ستقع ففتح ذراعيه يتلقاها فوقعت فيروز بين ذراعيه وكان الزمن توقف في هذه اللحظه
فيروز بداخل نفسها يخربيت جمالك هو ف كده
صقر ف نفسه مش معقول بالتأكيد انتي مش بشړ انتي ملاك وعيونك زي البحر ميتقاومش
فيروز وهي تعود للواقع اااحم آسفه حضرتك مكنتش ققصد اصل الفستان طوي....
فاستوقفها صقر عارف اخدت بالي وانتي طالعه ع السلم احسن انك وقعتي
فيروز نعم!!!!!
صقر اصدي يعني صدفه سعيدة ان ده حصل يا ... اسمك اي
فيروز صدفه سعيده ! هههههههههه اي ياعم انت طالع من فيلم ابيض واسود ولا اي
صقر باستجواب وهو ينظر داخل عينيها اسمك اي
فيروز بدون اراده انااا ......
ليفاجئها فارس الذي قلق عليها عندما تأخرت فيروز انتي منيحه
صقر نظر له ثم لها وبدا ع ملامحه شئ من الڠضب
فيروز وهي تنظر لصقر لأ مفيش مسيو فارس أنا طالعه أهو
قالتها وهي تصعد لكن عينيها لم تفارق عينان صقر الذي كان ينظر لها بنظره لم تفهمها وكان يقول بداخله من هذا الذي معك ياذات العيون الفيروزيه .... ثم صعد وذهب لطاولته
إياس اي يابني كل ده ف الحمام
صقر يلا بينا نمشي .... قالها وهو يتابع فيروز وفارس بنظراته وكان بداخله ڠضب لم يفهمه لكنه لا يعلم ان هذه اول شرارة لبدايه قصة عشق ستبدأ وتعلن رايتها ف سماء الحب ليكون هو عشق الفيروز
رحلت فيروز مع فارس ولكنها اوقعت بدون ادراك منها محفظة نقودها فلاحظ صقر المحفظه وأخذها وقام ليلحق فيروز ليعطيها لها لكن لم يلحقها وعاد مره اخري لطاولته
إياس مالك قومت فجاءه وبتجر ي ورا مين
صقر وهو ينظر للمحفظه مبتسما مفيش ... يلا بينا نمشي
ف منزل سيلين تجلس هي و والدها وشهاب ... فهي كانت تمسك بهاتفها تتصفح بعض مواقع الانترنت ليستوقفها والدها
صلاح اي ياحبيبة قلب بابا مش شايفك بتزاكري ده خلاص الفينال بعد يومين
سيلين متقلقش ياداد ا انا مظبطه كل حاجه
شهاب بنبره ساخره فعلا يا اونكل ده حتي سيلي هتجيب الامتياز وهي مغمضه عنيها
سيلين بتتريئ ياشيبو !! روح شوف نفسك يا ابو هندسة قاعد فيها ٧ سنين ولسه متخرجتش
شهاب خليكي ف حالك ع الاقل بشتغل ف مجالي وناجح ف شغلي
صلاح جري اي ياولاد هو انا مليش لازمه ف وسطيكو ولا اي
سيلين حضرتك شايف وسامع ياداد بيتريئعليا ازاي
صلاح خلاص مش عايز كلام قومي سيبي الزفت الي ف ايدك ده وروحي زاكري .... وانت ياشهاب تعالي عشان عايزك ف المكتب
تركتهم سيلين وهي تتأفف وصعدت الي غرفتها فأجرت مكالمه
الو مايا فينك كده
مايا انا وهايدي ف ف النادي تعالي يلا
سيلين اوف مش هينفع داد وشهاب موجودين ومش هعرف اخلع منهم
مايا اسكتي الواد توني الديلر بتاعك ده لسه مظبطنا بحته اخر حاجه
سيلين وعملتو حسابي
مايا لا ياحبي كل واحد يشتري لنفسه ماي ماني فينتو
سيلين ماشي ياندله لما اشوفك
دلف لمنزله ثم لغرفته ويخلع ملابسه ودلف للمرحاض للاستحمام وبعد ان انتهي خرج وهو يلف منشفه حول خصره البارز منه عضلاته القويه فجسده كالجبل ولم لا وهو مواظب ع ممارسة الرياضه .... فتح خزانته وارتدي منها ملابس قطنيه وارتمي ع تخته ثم نظر للكومود فتزكر محفظة فيروز فجاء له الفضول ليفتحها فوجد بها مجموعه من الصور لها ولوالدتها ولاحظ البطاقه الشخصيه فكان مكتوب بها اسمها الرباعي فيروز أحمد سراج الدين الجندي
وعنوان سكانها ...... وتاريخ ميلادها ١١١٩٩٣
صقر لنفسه فيرووووز ياتري حكايتك اي ومين الي كان معاكي ده ياتري خطيبك ولا حبيبك ... لا لا اعقل كده واهدي مفيش واحده تستاهل اهتمامك وقلبك كلهم زي بعض ..... توقف ليتنهد الصعداء خلاص بكره ان شاء الله هاروح ليها ع العنوان الي ف البطاقه وهديلها حاجتها فلاحظ بداخل المحفظه مره اخري وجد بطاقه جامعيه فقال اي ده هي ف تجاره انجليش مع سيلين ممكن تكون صحبتها .. عموما خلاص هاروحلها الجامعه واعمل نفسب بسأل ع سيلين وهقابلها وقتها .... وابتسم ابتسامه ماكره
كانت تجلس ع فراشها تفكر فيه وتقول لنفسها مالي جرا لي اي !! ... يمكن ده الحب الي بيقيولو عليه من اول نظره ....ب س يابت ياعبيطه ده شكله ابن ناس ومش هيبص للغلابه الي زيي حلاتي ..... وميبصش ليه الفلوس مش كل حاجه يعني وبعدين مشفتهوش كان بيبص لي ازاي لما وقعت في حض......... شهقت ووضعت يدها ع فمها ثم اردفت قائله يانهار ازرق وقعت جوه وانا زي الهبله مكلبشه ف البليزر بتاعه
.... ابتسمت خجلا .... بصراحه هو الي سحرني بجماله يخربيت حلاوته طويل وعريض بيفكرني بأمير كراره ف مسلسل كلبش بس الحمدلله معندوش شنب ..... عيب يافيروز اي الي انتي بتقولي ده عماله تتغزلي ف الراحل كده من غير كسوف يلا اتخمدي ونامي وراكي جامعه وشغل بكره ..... أغمضت عينيها ثم ابتسمت وقالت بصوت مسموع تصبح ع خير يالي معرفش اسمك فسحبت غطاءها ل
تدثر جسدها من اول قدميها حتي ال راءسها
في اليوموالتالي تجلس سيلين وصديقتها في كافيتريا الجامعه
هايدي عارفين يابنات انا ليا عندكم حتة مفجاءه مش هتصدقو شوفت مين امبارح ف البيوتي سنتر بتاع فارس الشامي
مايا هيكون مين يعني انجزي وقولي
هايدي فيروز
سيلين ودي اي الي يوديها اماكن عمرها ماتحلم انها تدخلها
هايدي ما انا سألت وعرفت انها بتشتغل هناك
سيلين بجد !
فابتسمت ابتسامه خبيثه ولمعت عينيها بشړ ......
الحلقة الخامسه
عشق الفيروز
في منزل فيروز يرن جرس الباب
آمال حاضر يالي بترن انا جايه اهو
ليلي صباح الخير يا أجمل أموله ف الدنيا كلها
آمال صباح العسل يالوله
ليلي فين بنتك الندله الكلبه فيروز
آمال شكلها عملتلك حاجه مادام بتشتميها كده
ليلي يرضيكي من ساعة ماالدراسه بدءت لحد دلوقت متعبرنيش خالص ينفع كده
تخرج فيروز من غرفتها وهي تتثاءب وتقول ف اي يابت بتشتكيني لماما ليه عبو شكلك
ليلي يعني متعبرنيش ولا تسألي ع صاحبة عليكي و ف الأخر تقوليلي عبو شكلك شكرا يا ابله فيروز ... قالتها وهي تلوي شفتيها كالأطفال فنظرت فيروز لوالدتها واڼفجرا ف الضحك
