رواية هلاك العشق كاملة جميع الفصول بقلم آلاء محمد

لزياد وقفت قدامه زياده انا عايزه اتكلم معك في موضوع مهم 
زياد ابتسم وساب التليفون وبصلها انت تؤمري يا هاجر 
هاجر انا مرضيتش اتكلم في الموضوع ده الفتره اللي فاتت لانك انت كنت تعبان وانا كان لازم اقف معك بحكم اني مراتك لكن دلوقت انت بقيت كويس فانا باطلب منك انك تطلقني
زياده اټصدم ايه انتي بتقولي ايه 
هاجر اللي سمعته يا زياد انا عايزه اتطلق 
زياد قرب منها ومسك أيدها ليه انا عملت اي زعلك 
هاجر انا مقدرتش اسامحك ولا اتخطي اللي انت عملته بس كنت ساكته كل ده لان واجبي اقف معاك ف محنتك وانت اهو بقيت كويس يبقي نطلق 
زياد بس انا بحبك اوي وعندي
استعداد اعمل اي حاجه عشان تسامحيني وصدقيني هعوضك عن كل حاجة
هاجر مبقاش ينفع يا زياد انا هروح لماما وورقتي توصلي 
هاجر قامت تمشي بس زياد قام ومسك أيدها پعنف مش هتمشي يا هاجر انا مش هسمحلك تسبيني ومش هطلقك 
هاجر كفاية أنانية يا زياد سيبني ف حالي وابعد عني انا مبقتش عيزاك 
سابته ومشيت وزياد زعق مش هبعد ومش هطلق يا هاجر سامعه مش هطلق 
هاجر دخلت أوضتها وقفلت عليها وقعدت علي الارض وهي بټعيط 
هاجر باڼهيار اهدي يا هاجر اهدي هيطلقك مش هتعيشي معاه تاني مش هتعيطي تاني بسببه اهدي 
اول ما طلع الصبح هاجر كانت لسه قاعده علي الارض قامت من مكانها و غيرت هدومها واخدت شنطتها وخرجت برا العمارة كلها فضلت واقفه شوية قدام العمارة كأنها بتودعها وبعدين مشيت 
زياد صحي من النوم ملقاش هاجر ف البيت هاجر هااااجر فييينك 
وفجأة لقي ورقه محطوطة على السفرة وفتحها كان مكتوب فيها زياد انا مش عايزة اعيش معاك تاني لو سمحت طلقني واااه متدورش عليا لأنك مش هتلقيني 
زياد اټصدم وقعد علي الارض وفضل يعيط فاتت ٦ شهور علي اليوم ده وكان زياد طالع بيته ف اخر اليوم ف حسين نده عليه 
حسين وبعدين معاك معاك يا زياد هتفضل كده كتير
زياد بيأس انا اسف يا حج عارف اني مآثر ف الشغل بس اوعدك اول ما اخلص من اللي انا فيه هعوضك عن كل ده 
حسين يا ابني انا مش بتكلم على الشغل انا بتكلم على حالك ده بص لنفسك في المرايه ده انت خسيت النص و وشك بقى ذبلان ودقنك طويله وجسمك بقى ضعيف انت عارف في السته شهور دول تعبت كم مره ومش مهتم باكلك كمان بتصحي من صباحيه ربنا تدور عليها ترجع نص الليل الحال ده مش هينفع 
زياد وهفضل كده لحد ما الاقيها انا مش عارف اعيش من غيرها حياتي واقفه من ساعه ما مشيت حاولت كتير انسي بس مقدرتش انا بحبها اوي يا بابا 
حسين من انا ياما نبهتك يا ابني وقلتلك خلي بالك من
مراتك اوعي تخسرها دلوقت خلاص اللي حصل حصل سيبك من كل حاجه وارجع لحياتك ثاني 
زياد حياتي هي هاجر من غيرها مفيش حياة 
زياد طلع شقته ودخل اوضه هاجر بصلها بحزن وانكسار حتي اوضتها هي كمان زعلانه من غيرها كأنها وهي ماشيه خدت الحياة من كل حتي ف البيت بقاله ست شهور بيدور عليها كلف واحد صاحبه بيشتغل ظابط يساعده وبرضه مش لاقيها كان عندها حق أما قالتله مش هتلاقيني نام وهو قاعد من كتر التعب والتفكير وصحي علي صوت التليفون 
كريم صاحب زياد الو يا زياد فوق كده معايا عشان لقيت مراتك 
زياد قام اتنفض لقيتها هي فين !
كريم بتشتغل مدرسة يا سيدي ف مدرسة لغات هبعتلك عنوانها ف رساله 
زياد قام بسرعه غير هدومه ونزل اخد عربيته ومشي كان بيسوق بسرعه لحد ما وصل 
أما عند هاجر كانت واقفه بتشرح للاطفال بكل حب وابتسامتها واضحه اوي خلصت حصتها ولمت حاجتها ف دخلت صحبتها عليها 
مني انت بتعملي ايه للعيال دي دول خارجين من الحصه مبسوطين قوي وبيقولوا ان هم بيحبوكي اوي 
هاجر ابتسمت وقالت وانا كمان بحبهم اوي دول غيروا حياتي حرفيا هما اللي رجعوني لنفسي تاني 
مني بس لازم تعرفيه مكانك بقى لازم تتكلمي معه كفايه العڈاب اللي انت شافه اكيد هيتجنن 
هاجر ببرود والله دي مش مشكلتي هو حر انا قلت له طلقني و ينساني وهو اللي مش عايز خلاص انا همشي بقي سلام 
مني حضنتها سلام يا روحي خلي بالك علي نفسك
هاجر
كانت خارجه من المدرسه وهي مبسوطه بس ابتسامتها اختفت اول ما شافت زياد واقف وزياد اول ما شافها جري عليها
زياد مستغربه ليه كنت فاكراني مش هعرف الاقيكي 
هاجر ابعد يا زياد
لو سمحت انا مش عايزة مشاكل هنا سيبني ف حالي 
زياد وډخلها العربية اتفضلي يا مدام اتفضلي نتكلم بعيد عشان حضرتك خاېفه علي شكلك 
زياد ساق عربيه ووقف على النيل واول ما وقف هاجر نزلت وفضلت واقفه بتتنفس پعنف 
زياد راح وقف جنبها ست شهور ست شهور مبنمش سته شهور بفكر فيك ليل ونهار ست شهور قلقان عليك خاېف ليكون حصل لك حاجه بفكر عايشه ازاي بتاكلي منين وانتي ولا علي بالك 
هاجر وانا مكنتش مكسوره بسببك وانا مكنتش بټعذب كل يوم وانا شايفاك بتعمل فيا كده انت ازاي بقيت اناني كده 
زياد مسكها بصيلي كويس بصي لشكلي شوفي بقيت عامل ازاي من غيرك لو مكنتش بحبك كنت هاعمل كل ده عشانك 
هاجر لا يا زياد انت مبتحبنيش انت بس بتعمل ده كله عشان ضميرك مأنبك 
زياد انتي غبيه يا هاجر غبيه انا بحبك والله بحبك وعندي استعداد اعمل اي حاجه عشان تسامحيني ادينا فرصه واوعدك هنسيكي كل حاجة وهنعيش مبسوطين عشان خاطري اديني فرصه 
هاجر مينفعش انا مبقتش اثق فيك 
زياد اوعدك هخليك تثقي فيا اوعدك عشان خاطري يا هاجر ما تضيعيش مننا وقت اكتر من كده 
هاجر اسفه يا زياد بجد اسفه مقدرش اديلك فرصه بعد كل اللي انت عملته فيا زياد انت مش بتحبني انت حبيت شكلي جسمي بس محبتنيش انت عامل ده كله عشان انا مرمتش نفسي عليك منهرتش قدامك ولا وريتك ضعفي انت اناني اوي عايز ترضي غرورك علي حسابي وانا مش هسمحلك ب ده 
زياد أنا مش اناني انتي اللي مغروره ومش عايزة تسامحي انتي اللي مش قادرة تفهمي اني كان مضحوك عليا وموهوم بحب مش حقيقي
هاجر وانا كمان كنت موهومه وفاكرة اني هقدر ارجعك ليا بس لا مش هيحصل يا زياد 
زياد يعني ده اخر كلام عندك 
هاجر ايوا 
زياد بصلها بأسف و مشي مشي و هو
عارف ان كل حاجة انتهت بالنسباله مشي وهو سايب روحه وقلبه معاها 
مر سنتين علي الموقف ده كل حاجة اتغيرت فيهم زياد طلق هاجر و بقي حزين ومنطوي وحياته عبارة عن الشغل واوضته وبس كان زياد قاعد ف مكتبه بيشتغل ابوه دخل عليه وقاله 
حسين زياد فيه شركه عايزين نتفق معاها وناخد منها بضاعه 
زياد حاضر يا حج خد منهم معاد وانا هروح وربنا يقدم اللي فيه الخير 
حسين انا خدت معاد فعلا قدامك ساعتين تكون هناك والعنوان اهو 
زياد ماشي يا حج 
شوية وزياد نزل ركب عربيته و راح للشركه دي قابل السكرتيرة 
زياد انا عندي معاد مع المدير 
السكرتيرة اسم حضرتك ايه 
زياد زياد حسين 
السكرتيرة تمام اتفضل 
زياد اول ما دخل اتفاجيء ب هاجر قاعدة علي المكتب 
هاجر برسميه اهلا يا استاذ زياد اتفضل 
زياد پصدمه هاجر ! هي الشركه دي بتاعتك 
هاجر ايوا اتفضل حضرتك كان الاستاذ حسين قالي انكوا عايزين بضاعه عن طريقنا ممكن اعرف كمېتها وعايزينها امتي 
زياد مكنش مركز خالص ف كلامها وكان بصصلها بحب كل حاجه فيها اتغيرت طريقه كلامها حركاتها نظراتها شعرها فاق من شروده علي صوتها 
هاجر استاذ زياد حضرتك معايا 
زياد معاكي يا هاجر انتي عامله ايه ومامتك ايه اخبارها 
هاجر احم تمام حضرتك مقولتليش عايز البضاعه امتي 
زياد الأسبوع الجاي بالكتير والدفع هيكون ف ساعتها اول ما نستلم البضاعه الفلوس هتدخل حسابك 
هاجر تمام اوي اسبوع وكل
حاجه هتبقي تمام 
زياد قال بخبث وانتي بقي فيه حد ف حياتك 
هاجر بصتله بعدم تصديق وابتسمت بسخرية ده بجد انت يجد بتسأل السؤال ده 
زياد ومسالش ليه احنا مطلقين من سنتين وانتي بتتعاملي ب رسميه اوي كأن مكنش فيه حاجة بينا  
هاجر واحنا كان فيه بينا ايه اصلا !
زياد عقد جواز مثلا !
هاجر بقوه لا ده مكنش عقد جواز ده كان عقد غش وظلم وانانيه و ۏجع سميه اي حاجة الا انه يكون عقد جواز 
زياد قام وقف معاكي حق بس اوعي تنكري ان اللي بعد كده كان حقيقي ومشاعر انتي رفضتيها عشان بس تردي كرامتك 
هاجر سميها زي ما تسميها المهم احنا كل اللي بينا الشغل وبس وياريت بعد كده تخلي عمي حسين هو اللي يتعامل معايا 
زياد بصلها پغضب ماشي يا هاجر براحتك اوي بس هتندمي لانك لسه بتحبيني ولازم تعرفي اني مش هسيبك تبعدي عني تاني 
زياد نزل من عندها وهو متعصب وحاسس أنه مخڼوق أما هاجر فضلت ټعيط اوي رغم كل الوقت اللي عدي لسه متعافتش من حبه لسه مش قادرة تنساه بس مش عارفه تسامحه اخدت شنطتها ونزلت من الشركه كلها روحت بيتها واول ما امها شافتها اترمت ف 
امال شوفتيه مش كده 
هاجر بصتلها ياريتني ما شوفته ماما هو انا ليه مش قادرة انساه ليه مش عارفه ابطل احبه أما بقيت مدمنه وجود زياد رغم كل الۏجع اللي قدمهولي 
امال استهدي بالله يا حبيبتي عارفه انتي ليه مش قادرة تنسيه لانك متكلمتيش علي احساسك كل كلامك رفض ل حبه وبس مش غير ما توضحي ليه لازم تتكلمي معاه وتقوليله كل حاجه 
هاجر تفتكري يا ماما 
امال ايوا يا حبيبتي لازم تتكلمي معاه اكبر غلطه بيغلطها اي اتنين انهم مش بيقولوا لبعض كل حاجه بصراحه مستنيين الطرف التاني يفهمهم من غير ما يتكلموا ويقولوا اللي جواهم و ده مستحيل هيحصل 
هاجر خلاص انا هتكلم معاه واقوله كل حاجه 
هاجر مسكت التليفون و طلبت رقم زياد اللي حفظاه اكتر من اسمها شوية وزياد رد عليها 
هاجر زياد أما عايزة اقابلك فيه حاجة مهمه لازم تعرفها 
يتبع
آلاء_محمد 
هلاك_العشق 
رايكم بقي حتي لو نقد و هقرا الكومنتات بكل حب