رواية ميراث نور للكاتبة لينا بسيوني حصري الجزء الثاني
!!
لاقيتها لازقه جمبى ومش راضيه تتحرك !!
سمعت نصير بيقولى
وزعها علشان تعرف تذاكر .
قولتله
ما أنت شايف أهوه لازقه .
قالى
أتصرف !!!
قولتلها
روحى ياسندس كملى طبخ انا شامم ريحة الاكل پيتحرق .
قالتلى
هو نصير قالك وزعنى ولا أيه !!
سمعت نصير بيقول فى ودنى
Lina Basyouni
قولتلها بعصبيه
روحى ياسندس من قدامى !!
فضلت برده لازقه قفلت الكتاب وقولتلها
طيب أنا مش هقرأ أنا هنام .
وسيبتها وروحت ناحية السرير ومددت وعملت نفسى هنام فعلا ...
بصت عليا ودخلت المطبخ .
روحت ناحية الكتب وفتحت المجلد تانى على المكتب .
بدأت أقرأ وأتناقش مع نصير وعرفت فى أول درس أنواع الجن .
عرفت أن أقوى انواع الجن واللى منهم نصير أسمهم الجن الضوئيين النصيبيين ومنهم الامراء وملوك الجان السحره وبيبقوا شبه البنى أدمين اللى حد كبير وعددهم قليل جدا بالنسبه لعدد الجن المهول اللى موجودين على الارض
يعنى كل بنى أدم قدامه 100 مليون جنى !!!!!!
ومفيش مكان على الارض مفيهوش جن حتى البحار والمحيطات فيه نوع من الجن بيسكنها أسمهم الجن المائي ودول أتذكروا فى القرأن فى صورة ص ايه 37 والشياطين كل بناء وغواص
نصير قالى أن غالبية الجن دول بيشتغلوا فى الطب !!!
فيه انواع تانيه زى الجن الارضى والقمرى والنارى .
Lina Basyouni
عالم تانى شبه عالمنا الاقوى هو اللى بيحكم فيه كنت مندهش جدا من اللى بقرأه و اندهشت أكتر من قدرات نصير من حيث القوه وقدرته على ممارسه السحر جن قليل جدا اللى بيقدر يستخدم السحر زى البشر
أيه ده يانصه ده أنت طلعت جنى جامد تنين .
قالى بخيبة أمل
الخضره فى أيدك ناشفه !! أستغلتنى فى أيه أنت غير لعب العيال ونفخ البلالين !!
يخى روح مش عايز أدعى عليك !!
قولتله وانا بضحك
أوعى تكون دعوتك أنت كمان مستجابه !!
قالى
وليه ماتكونش مستجابه يعنى !!
قولتله
هو انت مؤمن بربنا وكده !!
أنت ليه مش قادر تصدق أننا زيكم بالضبط !! على فكره أحنا فينا جن مسلم ومسيحى ويهودى وهندوسى وكل الديانات اللى عندكم فيه ملاحده وكفره كمان يابنى أحنا زيكم بالضبط أو ممكن تكونوا أنتوا اللى زينا لاننا قبلكم على الارض !!
قولتله
طيب أنت أيه يانصه !! مسلم ولا مسيحى ولا يهودى ولا كافر !!
قالى
لا طبعا انا مؤمن ...بس مش هقولك على ديانتى لان مؤمن بمقولة
أن الدين لله والعالم للجميع !!
قولتله
الله عليك يانصير باشا زغلول !!
Lina Basyouni
فكرت ازاى أخلع من سندس علشان ماتشوفنيش وانا بتعلم السحر وتلبد جمبى.
قولتلها أنى كل يوم هروح عند معتز باشا الفيلا علشان أتابع معاه المصنع اللى بيتبنى على أرض جدى .
كنت بخرج بره الكهف قدامها وبعدين أختفى وأستناها تدخل جوه الكهف خالص عند المطبخ وأرجع تانى أقعد على المكتب الصغير اللى عند الكتب
سندس مكنتش بتحس بيا خالص !!!
الوحيد اللى كان بيحس بيا غرابى حفيد غدااف واللى سميته غدااف برده كان بيجى يقف على الكرسى اللى قاعد عليه وانا بذاكر !!
Lina Basyouni
وفى يوم و انا بقرأ فى كتب السحر فوجأت بحد ورايا حط أيده على كتفى وأنا مخفى !!
أتنفضت من مكانى بصيت ورايا فلاقيت شاب طويل فى سنى مكحل عينه بكحل أسود تقيل !!
فوجأت بيه بيبصلى كأنه شايفنى !!
بصيت على القميص لاقيته مقفول !!
سمعت صوته بيقول
أنت مفكرنى مش هشوفك علشان لابس قميص أخفاء !!!!
قولتله
أنت مين !! ودخلت الكهف أزاى!! وأزااى شايفنى !!
ضحك وقالى
دى كلها أسئله أنا نسيت انا هجاوب على أيه ..
قولتله
أنت مين !!
قالى
أنا ساحر زيك!!!
سمعت نصير بيقول فى ودنى
أوباااااااااا التاريخ بيعيد نفسه يانينو .. شكلنا داخلين على أيام سواد
يتبع....
رواية_ميراث_نور
الروايه محفوظه بموجب قوانين الملكيه الفكريه وسرقتها تعد چريمه
تعديلكومنتوانزلبارتالساعة 5
رواية ميراث نور الجزء الثانى
الحلقه الثالثه بعنوان الخيمة
سمعت نصير بيقول فى ودنى
أوباااااااااا التاريخ بيعيد نفسه يانينو .. شكلنا داخلين على أيام سواد...
Lina Basyouni
الشاب مد أيده علشان يسلم عليا وهو بيقول
أعرفك بنفسى أنا شهاب خزاعى!!
مسلمتش عليه وقولتله
خزاعى !!! أنا حاسس أنى سمعت الأسم ده قبل كده !!
سمعت نصير وهو بيلطم وبيقول
مش عارف سمعت الاسم فين قبل كده!!! خزاعى الساحر اللى جدك قټله اللى قدامك يبقى حفيده ركز يانينو أمال كنت جايب أمتياز فى الكليه أزاى!!
الشاب كان مادد أيده وبيبصلى وهو مبتسم وقالى
أيه هفضل مادد أيدى كتير ولا بتسأل نصير الجن
