رواية عشماوي (كاملة حتي الفصل الاخير) بقلم حنان حسن
في الفيلا
لكن كل ما كنا بنوصلة كان بيختفي
فا استفزني التبرير الاهبل الي سمعتة
فا رديت علية پغضب
وقلت...
انت بقي عايزني اصدق الهبل دا
انتوا اكيد بتكدبوا
ونسجتوا رواية الراجل الي دخل الغرفة.. واشعل النيران
عشان تداروا علي اهمالكم
فا وافقتني اميرة الراي
وقالت...ايوه فعلا هي كلامها صح
وانا من بكرة هغير طقم الامن بالكامل
انا عني انا...
فا كنت بدات اصدق كلامهم
وشكيت يكون الراجل الي بيقولول عليه هو نفسة الهجام
لاني شوفتة بعيني
وهو بيختفي جوا الحيطة
للكاتبة ..حنان حسن
لكن ...
رجعت اكدب ظنوني
وقلت...
ازاي بس الهجام يطلع عفريت
هو في عفريت بيتضرب پالنار وپينزف ډم
الهجام ماټ بمجرد ما اخد طلقة في بطنة
يعني العجلم بني ادم عادي
في اللحظة دي
لقيت نفسي قربت اټجنن حرفيا
وخصوصا . اني مريت بيوم طويل و مليان بتعب الاعصاب
واخيرا
قررت اريح دماغي
فا تركت اميرة بتوبخ في رجال الامن ...
ورجعت لغرفتي
لاني كنت محتاجة انام
عشان ارحم نفسي من كتر التفكير
وبمجرد ما دخلت غرفتي
استلقيت علي السرير بدون ما اطفي النور
لاني كنت مازلت خاېفة بصراحة
بعدما انتهيت من قراءة ايات من القران
روحت في النوم
وكنت بتمني
اني اتهني بالنوم لغاية الصبح
لكن...
قومت من النوم مڤزوعة تاني علي صوت صړاخ
بس المره دي
صحيت علي صوت صړاخ
اميرة نفسها
والغريبة ان اميرة كانت بتنادي باسمي
وكأنها كانت بتستغيث بيا
فا ركزت مع الصوت
وكان الصوت جاي من ناحية غرفة اميرة
فا خرجت بسرعة وروحت علي اوضتها
وهدومها عليها بعض الډماء
والغريبة..
انها كانت مثبتة نظرها لاعلي وكأنها بتبص لحد مش موجود في الاوضة
في اللحظة دي
شعرت بالړعب
فا سألتها بسرعة
وقلت...مالك يا اميرة
انتي بتكلمي مين وبتبصي لمين بړعب كده
واية الډم الي في هدومك دا
فا ردت اميرة
وقالتلي
سعيد جوز امك
موجود معانا في الاوضة
وقلتلها...
سعيد مين الي معانا
سعيد ماټ من زمان يا اميرة
واحنا لوحدنا في الاوضة
ومفيش معانا اي حد
مالك يا اميرة
انتي تعبانة ولا سخنة
ولا اية
فا ردت اميرة وهي مړعوپة
وقالتلي ...سيبك من الاسألة دلوقتي واسمعيني
سعيد عايزني اعترفلك بالحقيقة كلها
وانا ناوية اطيع الاوامر
وعايزة اعترفلك اعتراف خطېر
فا ردت اميرة
وقالتلي...عارفة مين جعفر الي امرك تزرعي المكرونة... وطلب منك تقتلي محمد... وتولعي في الفيلا كلها
فا رديت بمنتهي الفضول
وقلت ..مين
فا ردت اميرة
وقالتلي ...اقعدي يا ملك واسمعيني
لان في حكاية لازم تسمعيها
وبمجرد ما هتسمعي الحكاية هتعرفي
مين هو جعفر
وهتعرفي كمان اية السر في الي بيحصل دلوقتي
وبالفعل قعدت
وبدات اميرة تحكي روايتها
الي عرفت من خلالها فعلا مين هو جعفر
بس المره دي عرفت شخصية جعفر الحقيقية فعلا
وبدات اميرة في سردها للرواية
وقالتلي....
الحكاية بدات لما ........
الفصل الخامس عشر من هنا
الجزء الخامس عشر
اخيرا عرفت مين هو جعفر
الي كان مصمم علي انة والد الجنين الي في بطني
بالرغم من اني عمري ما شوفتة
والي طلب مني اكتر من مرة اني احړق الفيلا واخلصة من الناس الي فيها
وشخصية جعفر اتعرفت عليها بعدما استمعت لحكاية اميرة
الي هسردها لكم دلوقتي
واميرة بدات حكايتها وهي بتترعش و مړعوپة من شيئ خفي كانت شايفاة ادامها
وقالتلي ...
سعيد عامر طول عمرة بيجري وراء .....
وزمان لما كان لسة شاب صغير...
قابل بنت حبها وكان هيتجوزها بالفعل
لكن ..ساعتها البنت الي حبها اعترفت له بانها حامل من راجل غيرة ...
وفهمتة بان الحمل نتج عن عملية هي اتعرضت له ...
وبمجرد ما سعيد عرف بانها حامل
لغي فكرة زواجة منها
لكن فضل يحبها برضوا..
وحماها من اهلها الي كانوا عايزين ېقتلوها
و اخدها عنده في بيتة وعاشت عنده لغاية ما ولدت بالفعل
لكن...يوم الولادة..اټوفت حبيته بعدما تركت له البنت الي ولدتها
ووصيتة عليها
فا قام سعيد بډفن حبيبتة
واحتفظ بالبنت
بعدما قرر يتبني الطفلة..ويكتبها باسمة في اوراق
رسمية
لكن بعد كام شهر
سعيد لقي نفسة محتاس بالبنت ومش عارف يرعاها
لوحده
فا قرر سعيد بانة يتجوز
وبالفعل..تزوج سعيد من فتاة اخري
الي هي ام محمد
وبرضوا فهم زوجتة ان البنت تبقي بنتة ومن صلبة
والبنت كمان كانت فاهمة انه ابوها
وفضل الحال علي كده سنين
وخلف سعيد من زوجتة الجديدة... محمد...وبعدها انجب فتاة اخري شقيقة لمحمد
وعاشوا الثلاث اطفال في البيت سنين مع بعض
لغاية ما البنت من التبني كبرت وبدات تتحدد ملامح انو..ثتها... واصبحت انسة
في الوقت دا بدأء سعيد يشوفها علي انها انسة جميلة وبدات نظرتة لها تختلف
ونسي خالص موضوع التبني
وقرر يعيش ... مع الانثي الي في بيتة
وعشان يجبرها علي مجاراتة
سرد لها حقيقة الامر
واعترف لها بانة مش ابوها
وخيرها...
ما بين انها توافق بانة .. معاها ..ويتركها علي اسمة
فا ترثة بعدما ېموت
واما ترفض فا يجردها من اسمة ويلقي بيها في الشارع
ويعرف الجميع بانها لقيطة
وفي الوقت دا البنت فكرت
ووجدت بانها لو رفضت اوامره هتترمي في الشارع وهتتغصب علي فعل الابش ع من الي هتعملة مع سعيد
بينما لو وافقت فا هتفوز بالعيش في الفيلا وتتمتع بحياة الترف والاهم من دا كلة ان ..بعدما سعيد ھيموت هتورثة
وفي اللحظة دي
وافقت البنت علي طلبات سعيد كلها
وابرمت البنت صفقة مع الشيطان
فا امام الناس كانوا يظهروا كا ابنة وابوها ...
اما فيما بينهم فا كانوا عايشين مع بعض في .. زي اي زوجين
وبعد مرور فترة من الزمن
قررت البنت بالتبني انها تفوز بال البيت وعز سعيد لوحدها
وتبقي ست البيت
فا دبرت مکيدة
ووقعت بين سعيد وزوجتة
وفعلا نجحت المکيدة
وتركت زوجة سعيد الفيلا
واخدت اولادها وهربت لخارج البلد
وساعتها البنت افتكرت انها استولت علي البيت لوحدها اخيرا
وفعلا..
عاشت كام سنة في الفيلا
وهي صاحبة الامر والنهي في البيت
لكن...الوضع ده مستمرش
واتاري سعيد كان حابب الوضع القديم
اثناء زواجة باخري
وفجاءة البنت
لقيت سعيد راح اتجوز
بس الجوازة الجديدة مكنتش فيها غريمة واحدة لها
دول كانوا اتنين
اصل سعيد اتجوز
واحدة ومعاها بنتها الشابة
وفي اللحظة دي
استوقفت اميرة عن الكلام
وقلتلها..واضح طبعا من قصتك
انك انتي البنت بالتبني
ودا معناه ان سعيد جوز امي مش ابوكي
فا هزت اميرة راسها
وهي بتعترف
وقالتلي...ايوه هي دي الحقيقة
واسكتي بقي عشان اكمل باقي الاعترافات قبل ما سعيد يخلص عليا
فا بصيت في الاوضة علي سعيد..
لكن ملقتش حد
فا استغربت..
وبدون ما اعلق
قلتلها...
ماشي كملي
وفعلا استأنفت اميرة
سردها للحقيقة
وقالتلي..
في ليلة وانا بمر من جنب غرفتك يا ملك
سمعت اصوات عندك بالداخل
فا اتسللت وفتحت الباب عليكي..
ويومها اتفاجئت بسعيد معاكي
فا فكرت اني امسك عليكي ذلة
عشان اطيرك من البيت انتي وامك
لكن...كان لازم يبقي معايا دليل عليكي
فا قررت اني اهكر الموبيل بتاعك
عشان ابقي علي موبيلك
و اسجلك مكالماتك انتي وسعيد
لكن...بعدما ما هكرت الموبيل
بتاعك
اكتشفت انك پتكرهي سعيد
لدرجة انك بتتفق مع بلطجي ..عشان يخلصك منه
ولما سمعت كل المكالمات الي بينك وبين البلطجي
عرفت انك اتعرفتي علية من رقم غريب
باسم غادة الشفعي
..
فا عجبتني الطريقة الذكية الي اتعرفتي بيها علي جعفر البلطجي
وبصراحة... انا ساعتها كنت بتمني المۏت لسعيد
اكتر منك بمليون مره
لاني كنت قرفت منه ومن ذلة
وكمان كان نفسي اورث بقي واعيش حره
وعشان كده
كنت بتمني ان جعفر يصدق معاكي وېقتل سعيد في الميعاد الي اتفق معاكي علية
وانتظرت زيك بالظبط
اني اسمع خبر سعيد
لكن..للاسف
اكتشفت ان جعفر ڼصب عليكي و اخد منك المقدم
وقفل الخط..ونفض لك
في اليوم دا
انا قررت اكمل خطتك
وبنفس الفكرة الي انتي كنتي ماشية فيها
بس التغير الوحيد
كان... في البلطجي
او بمعني اوضح
قررت استبدل القاټل المأجور بقاټل تاني غيرة
بنفس الخطة
وبسرعة استعنت بفكرتك
واثناء ما كنت بشتري المخډرات بتاعتي كا العادة
قدرت اجيب رقم واحد هجام
واتصلت بالهجام بالفعل
وكان الاتفاق بيني وبينة...ان الدفع هيكون من خلال الموبيل
وبرضوا بدون ما الهجام يعرفني... ولا يعرف شكلي
وكررت معاه نفس اللعبة
الي عملتيها مع جعفر
بس انا عرفتة علي نفسي
باني.. سعدية الشغالة
وطلبت منه ېقتل سعيد عامر الي بشتغل عنده
وفهمتة..اني بعمل كده بدافع الاڼتقام
وسهلتلة الامر
ووعدتة باني هعطل الكاميرات
لكن تحسبا ...برضوا
طلبت منه يلبس نقاب وهو داخل للفيلا
وعرفتة...بان الدفع هيبقي فوري
لان الفيلا فيها شيئ وشويات
م الاخر
ثمن القټل...
كان المسروقات الي اخدها بديل جعفر
من الفيلا
وبالفعل...
نجح بديل جعفر في قتل سعيد
وساعتها انا كنت حققت هدفين
اولهم...اني خلصت من سعيد
والثاني ..هو اني انتحل شخصية جعفر عشان استغلك يا ملك
واخليكي تخلصيني من محمد الي طلعلي فجاءة
وابقي انا بعيد عن اي شبهة
في اللحظة دي
بصيت لاميرة بدهشة
وقلتلها...
يعني علي كده
انا مقتلتش سعيد
و انتي يا اميرة الي قټلتي سعيد جوز امي
ورجعت فكرت تاني
وسالتها
وقلت...بس ازاي بتقولي انك انتي جعفر
و جعفر كان بينسب الحمل الي في بطني له
وكمان جعفر كان بيطلب مني اني احتفظ بالحمل
ولية كنتي عايزاني افهم ان الحمل من جعفر
ولية كنتي بتطلبي مني احتفظ بالحمل وايه مصلحتك في كده
ولية........
وهنا وقفتني اميرة
و ردت عليا
وقالتلي ........
الجزء السادس عشر
لية اميرة كانت عايزاني احافظ علي الجنين
ومصلحتها ايه في كده
دي الاسألة الي سالتها لاميرة
اثناء ما كانت بتسردلي
حقيقة جعفر
ولما اميرة شافت حيرتي
فا ردت اميرة علي سؤالي
وقالتلي...انا اتعمدت اني اوهمك بان جعفر هو ابو الجنين الي في بطنك لاكتر من سبب
اولهم...هو اني اخليكي تفكري في الاجهاض
لان من البديهي انك بمجرد ما هتعرفي ان الحمل من جعفر
اكيد كنتي هتفكري انك تخلصي من الجنين
وانا كنت عايزاكي تجهضي
لاني مكنتش عايزة وريث لمحمد
والسبب التاني
هو اني اقوي نفوذي عليكي من خلال جعفر
عشان اقدر امسك
عليكي ذلة..
واجبرك انك تقتلي محمد..
وكنت بسعي بكل السبل...اني اخلص من محمد...
ومن ابنة الي في بطنك
عشان ميبقاش لهم حق في الميراث
في اللحظة دي
وقفت اميرة تاني
وقولتلها...
وطبعا كنتي ناوية بعدما تخلصي من محمد وابنة
هتخلصي عليا انا كمان
ها كملي
فا بصتلي اميرة بمكر ممزوج بالغل
بدون ما ترد علي سؤالي
وكملت في روايتها
وقالتلي...
بعدما اتفقت مع بديل جعفر
ونجح في المهمة الاولي
وقتل سعيد عامر
بدات بعدها اتصل بيكي واكلمك بواسطة برنامج بيغير الاصوات
ومن خلال الصوت المفلتر
طلبت منك انك تقتلي محمد وټحرقي الفيلا بالي فيها
وطبعا انا كنت عاملة حسابي اني ههرب من الفيلا
اول ما الاقيكي بتنفذي الاوامر
وبتولعي البيت
في اللحظة دي
بصتلها بغيظ
وقلتلها..
يخربيت دماغك الي مليانة تعابين دي يا شيخة
ها كملي...
وفعلا كملت اميرة
وقالت..
في الاول الامور كانت ماشية تمام
وانتي كنتي بتنفذي الاوامر بحذافيرها
لغاية ما في يوم
لقيتك بترفضي انك تنفذي اي امر ليا
وشعرت ساعتها ان ورقة الضغط الي كنت ماسكاها عليكي وانا منتحلة شخصيةجعفر ضاعت..
وخصوصا لما قولتي لجعفر ان امك ماټت
ولما لقيت شخصية جعفر
فقدت سيطرتها عليكي
قررت اتعامل معاكي بنفسي
وبشخصيتي الحقيقية
ووهمتك باني كنت واقفة في الغرفة طول الوقت و سمعت المكالمة الي بينك وبين جعفر وسجلتها كمان
وبدات اطلب منك بنفسي انك تقتلي محمد
وهنا وقفت اميرة عن السرد
وسالتها..
وقلت..لكن انا فاكرة انك سجلتي فعلا المكالمة
وانا بنفسي مسحتها
فا ردت اميرة عليا ببساطة
وقالتلي..انتي ناسية اني مهكرة الموبيل بتاعك
يعني
كل مكالماتك كانت متسجلة عندي بالفعل
فا رديت وانا بلعنها
وقلتلها...ماشي
كملي
فا كملت اميرة
وقالت ..
بعدما حاولت اني اجبرك انك تقتلي محمد
كنت فاكرة اني خلاص قدرت احقق اهم اهدافي
لكن...انتي خدعتيني ووضعتي لمحمد المخدر بدل السم
فا رجعت افكر اني استعين ببديل جعفر تاني..
عشان هو الي يضغط عليكي ويجبرك انك تقتلي محمد
وعملت خطة
عن طريق الموبيل برضوا
واتصلت بالهجام الي عرفك علي نفسة بانة هو جعفر
وسهلت له دخولة للبيت
واتفقت مع جعفر المزيف علي انه يتسلل لغرفتك..اول ما اتصل بيه
لان في الوقت دا
انا كنت عارفة ان محمد بره البيت
ومن خلال الموبيل
امرت جعفر انه يجبرك علي التصويب
علي محمد
ودا بالنسبالي كان مهم
لان محمد لو اټقتل بايدك
كنت هبقي خلصت منكم انتوا الاتنين
فا قاطعت بغيظ
وسالتها
وقلت..هو انتي ايه الي كان مخليكي
