رواية حماتي بقلم ليان محمد كاملة
وشى من محمد
_ يعنى كنتى عايزه تموتى البنت وكمان قليله الادب وكدابه
_ كنت فاكره انك هتكون واثق فيا كنت انا مش هقعدلك فى البيت ده
_ فى ستين داهيه تاخدك
دخلت اوضتى الم هدومى وانا مڼهاره وانا بدخل الهدم فى الشنطه سمعت جرس الباب بيضرب ولقيت حماتى داخله عليا الاوضه وتعتذر وتقولى حقك عليا يابنتى انا غلطت فيكى محمد بص لامه فيه ايه ياماما
وفضلت حماتى تعتذر وقالت هتنزل تتطمن على اسماء تحت ..... يتبع
الجزء_الرابع
بعد ماحماتى نزلت محمد قرب منى يحضنى ويعتذر زقيته بعيد عنى
_ كان نفسى تكون واثق فيا وتبقى عارفنى على ايه ولا اتهنيت زى اى وحده لسه متجوزه وفوق ده كله ولا واثق فيا ولا عاملى اعتبار وفى الاخر بتمد ايدك عليا
_ انا غلطت اوعدك مش هتتكرر عشان خاطرى ماتمشيش
_لا انا همشى يامحمد
قرب منى وحضنى ڠصب عنى
رغم محاولاته فى الاعتذار الا انى كنت مصممه امشى لكنه مسك فيا وصمم ماامشيش
_ انا هقعد بس ياريت مالكش دعوه بيا ومن هنا ورايح تنام فى اوضه وانا فى اوضه يااما اروح بيت اهلى
_ خلاص ماشى اللى يريحك
اسماء طبعا فضلت عند حماتى بعد اللى حصل على اساس انها تعبانه تانى يوم حماتى طلعتلى فوق الشقه بعد مامحمد نزل
_ لا مش زعلانه ياماما خلاص
_ طب ماانزلتيش ليه ده حتى اسماء بتسأل عليكى
_ معلش ياماما مش هقدر انزل انهارده عشان تعبانه
_ يعنى يابنتى يرضيكى انا اللى اجهز وانا ست كبيره وتعبانه
_ خلاص ياماما شويه وهنزل وراكى
انا ماكنتش قادره اصدق ان اللى حصل ده غاصبعنها بس معقوله هتأذى بنت اختها
اخدت السجاده الحمام وفضلت اغسل فيها وانا هطق من الغيظ طلعت من الحمام عشان اقولها تشيلها قصادى لكنى سمعت حماتى واسماء بيتكلموا عليا وقفت من غير مايشوفونى اسمع بيقولوا ايه
_ كويس ياخالتى انك ماكترتيش من السم ولا كنت روحت فيها
_ بس مامشيتش زى ماتوقعنا
_ لو مامشيتش المره دى هتمشى المره الجايه ومحمد يرجعلك وانا اخلص من البومه دى
_ طب وهنعمل اللى جاى امتى
_ لا اصبرى شويه عشان مانتقفش
_ انا والله ياخالتى بكرهها ونفسى اۏلع فيها
_ وانا والله يابنتى بس اللى جاى تقيل مش هتقدر تطلع منها
اټصدمت من الكلام اللى سمعته وقولت هخرج اشتمهم وامسك فيهم بس متأكده انهم هينكروا وبعد مافكرت اقول لمحمد رجعت فى كلامى لأنه خذلنى مره ف اكيد هيخذلنى تانى
مسكت نفسى وخرجت على حماتى وقولتلها تيجى تمسك قصادى السجاده ومسكنا السجاده وقصاد بعض واستأذنتها عشان تعبانه
وطلعت الشقه عندى فوق وانا هتجنن من اللى بيحصل وياترى ناويين على ايه
اتصلت بأمى وحكتلها
قالتلى احاول احرص ولازم اقول لجوزى على اللى سمعته
مااقتنعتش بكلام امى لانى عارفه ان محمد هيخيب املى فيه
لا بقى تبقى حرب وانا مش هسمحلها هى والكلبه اللى تحت دى تخربلى بيتى
وهحاول اعرف بتخطط لأيه ..... يتبع..
الجزء_الخامس
نزلت تانى يوم وانا بفكر ياترى بيخططوا لأيه ومتوقعه منهم اپشع الافكار
دخلت كلمتهم واتكلموا معايا عادى جدا وقولتلهم هدخل عشان اجهز اكل الغدا
بعد شويه لقيت اسماء داخله ورايا المطبخ
_ مريم هو احنا ممكن نبقى صحاب
سمعت جملتها دى كان نفسى اغزها بالسکينه اللى فى ايدى ابقى صحبتك برضوا اكيد بتخططى لحاجه ياحربايه
_ اكيد طبعا يااسماء
_ يعنى انتى مش شايله منى بسبب الموضوع القديم
اتعمدت اغيظها فى الكلام
_ لا خالص وبعدين محمد عمره ماحبك ومن قبل مايخطبك انا وهو بنحب بعض وامه اللى غصبت عليه يخطبك وبرضوا فى الاخر رجعلى انا
