أرث العادات بقلم ډفنا عمر(كاملة)
جدد صدمتي فيها ومنها.
طيب خاطرها وتمتم عشان خاطري سامحيها واعذريها.. امي روحها كانت في ابراهيم.. عقلها هداها ان دي الطريقة الوحيدة ان ريحته تفضل حواليها.. لكن صدقيني يا شروق ماما بتحبك.. بالله خليكي تسامحيها.
واستطرد بنبرة أمل وبكرة تتعافى وسطينا وترجع أحسن من الأول..لما تلاقي الكل حواليها سعيد وراضي بحياته زي ما هي هتفهم.. وحور وولادها أمانة اخويا اللي مش هفرط فيهم ابدا بس بالاصول والعدل.
جاء تساؤلها موافق رغبة ما في نفسها كأنها تضعه في اختبار أخير لترى تأثير قولها عليه ليجيبها بصدق حاسم وصلها صدقه بقوة
_ بالعكس يمكن وقتها ارتاح من ناحيتها..حور من حقها تعيش حياتها وهكون سعيد لو قابلت إنسان يعوضها..والتؤام هيفضلوا ولادنا ولينا.
تنهدت براحة عارمة.. الآن نحرت بقايا مخاوفها ولم يبقى في نفسها شيء..ستبدأ معه مرحلة أكثر استقرارا وسعادة..فليديم الله عليهم سعادتهم من بعد بؤس وشقاء.
بثبات من تدرك قرارها جيدا قالت مفيش داعي تنتظر لانه على الفاضي انا خلاص زهدت في الدنيا ولادي هما كل حياتي دلوقت مش هفكر في غيرهم والجواز اتحرم عليا بعد ابراهيم مفيش راجل هيقدر يملى مكانه انت شوف حياتك يابدر وشكرا لوقفتك معايا ودعمك خلينا اخوات وانا اتمنالك تلاقي بنت الحلال اللي تسعدك وتعوضك وتهنيك انت تستاهل كل خير .
خلاص ياحور اللي يريحك اعمليه ولو مفيش نصيب نكون زوجين بس احنا ولاد عم ودمنا واحد اوعي تتردي تكلميني لما تحتاجي حاجة ارجوكي توعديني بكده ..
_اوعدك يابدر.
هكذا طوت تلك الصفحة للابد .. ستبدأ بعهد أخر لا يشغلها سوى صغارها وحسب ..هم كل عالمها الأن . . .
غمغمت ايوة يا شروق ..حرام يتعشم فيا أكتر من كده .. خليه يشوف حياته ويعيش انا وهبت عمري لولادي ربنا يقدرني واربيهم زي ما كان ابوهم بيتمنى .
_ ان شاء الله ياحبيبتي هيتربوا احسن تربية. الأيام بتعدي وبكرة يكبروا ويبقوا سندك وعزوتك ..وربنا يجبر خاطرك بيهم ياحور .
_نفسي حد من ولادي يطلع دكتور ياحور ..وابقا ابو الدكتور..
تنهد قائلا ربنا يقدرنا ويطلعوا زي ما بنحلم واحسن.. واستطرد عارفة كمان حلمي يبقا ليا
عمارة صغيرة واعمل لكل واحد فيهم شقة.. وكلنا نكون سوا.. وبكلما يكبروا ويتجوزوا يملوا الدنيا علينا بولادهم.
شاكسته وقتها هتكون خلاص عجوز وكركوبة ياهيما .
_ ايه يعني عشان افضالك ياجميل وادلعك بقا .
_ علي اساس انا هبقا شباب منا هكبر زيك .
_ لا يا اخويا ما انتم يا رجالة كل اما بتكبروا عيونكم بتزوغ اكتر وبتطبقوا الشرع بحذافيره ..واخدلي بالك ياهيما . بس وربنا وقتها هموتك مش هتكلفني غير كيلو بطاس .
قهقه بقوة حتي سعل.
كأنها تسمع صدي ضحكاته الأن .. ابراهيم هنا ..روحه تعبا المكان .. أطياف ذكرايتهما معا تصاحبها في كل وقت ..لا تتركها وحيدة ..هي تتأنس برصيدهما القصير هذا ..
_ حور معلش انزلي لحماتي وغديها انا خلصت أكلها
الأول عشان تاخد
