رواية عود ثقاب ( الفصل 1:10) بقلم ندا سليمان
ف سؤالها
شويه ودخلت خديجه ومعاها أحمد..فرحت داليا لما شافت أحمد كان بقالها فتره ما بتشفهوش ضمته لحضنها وسألته عن دراسته وفكرته بوعده ليها إنه مهما حصل هيشد حيله ويتفوق عشان يحقق حلمه وحلمها ..
إرتبكت خديجه وبصت ف الأرض ...كويس الحمدلله يا حبيبتي هو جالك قبل كده بس كنتي نايمه يعني فهو هو هيجي إن شاء الله هيجيلك
ناصر ...صديقتي الصدوقه وحشتني أوووي
ناصر ...إنتي كويسه دلوقتي يا حبيبتي
داليا ...أه الحمدلله وقبل ما تقولي أسف ومعرفش إيه أنا عرفت إللي حصل ومش زعلانه منك ..
داليا ...لارا كويسه
ناصر ...أه الحمدلله المهم طمنيني عليكي إنتي حاسك عاوزه تقولي حاجه !
ناصر ...كلي آذان صاغيه
وقفت عن الكلام ومش قادره تنطقها لاحظ خالها ...أه أنا إللي كنت هقولك تعملي كده لإني ماتوقعتش من الأساس تسكتي كل ده..كنت متوقعك هتروحي علي طول تبلغي بعد إللي حصل
داليا ...كنت خاېفه علي أبويا أوي يا خالي ومازلت
ناصر ...لا ما تخافيش لما تاخدي حقك أبوكي هيبقي فخور ورافع راسه دايما وهو من الأساس هتفضل راسه مرفوعه عشان عنده بنت زيك Smile خليكي واثقه بنفسك وخدي حقك يا داليا وانا أول واحد هيدعمك ويقف جنبك ف قرار زي ده..أوعي ترجعي فيه
داليا ...ما تقلقش مش هرجع عن قراري ..
ناصر ...يلا يا بت يا رغايه إنتي إديني أمي حبيبتي عشان وحشتني أوي وبعدين نبقي نكمل رغي براحتنا _
داليا ...حاضر ..بس بقولك إيه ماتجيبش لأمي سيرة إني هبلغ لإني لسه ما عرفتش حد منهم ومش هقول دلوقتي عشان خاطري
ناصر ...حاضر ماتقلقيش..مش هقولهم عشان عارف أبوكي لو عرف مش هيسكت
ناولت الموبايل لأمها وكالعاده أول ما سمعت صوته إتفتحت ف العياط..فضل يطمنها بكلامه ويواسيها ع إللي هي فيه
وداليا سندت راسها علي رجل أمها..مسكت إيد علياء وغمضت عنيها _
جاسر كان نايم وصحي علي صوت الموبايل إتناوله وبص لقي أمه..قعد ع السرير وقلب ف الموبايل لقاها متصله عليه 36 مره ...!
بص ف الساعه وكانت 3 العصر بص حوليه لقي البنت إللي كانت معاهم إمبارح نايمه جنبه وخالد ومحمود ع الأرض..قام وماسك دماغه من الصداع..لبس هدومه بسرعه وجري علي تحت ركب عربيته وراح ع البيت
وأول ما وصل أمه كانت مټعصبه منه كانت خاېفه ل يكسر كلام أبوه ومايحضرش العشا..إعتذرلها وإتحجج بأي حاجه كالعاده فنصحته شوية نصايح وكلام يقوله الليله ع العشا !
علي جهز شنطته وراح ع المطار..أول ما الطياره طلعت مد إيديه ف جيب الشنطه وطلع ورق كتير مكتوب فيه لا إله إلا الله بص والإبتسامه مرسومه علي وشه وعيونه بتلمع فيها الدموع ..
إفتكر إن داليا كل ما يسافر كانت بتكتب بخط إيديها لا إله إلا الله وهو بخط إيديه ف نفس الورقه يكمل محمد رسول الله فتقسمها داليا وتديله الورقه إللي بخطها وتاخد إللي بخطه .. ..معاه ورق بعدد كل سفريه سافرها ف حياته بس فيه ورقه ناقصه..هي ورقة إنهارده غمض عيونه وسند راسه ع الكرسي وهو سارح ف أحلامه مع داليا
هاله رجعت البيت وحاسه جسمها متكسر..إتمددت ع السرير وفتحت موبايلها لقت رساله من أمها بتقول إنهم راجعيين بكره من السفر !
قامت هاله مفزوعه من السرير ومش عارفه هتقولهم إيه لما يرجعوا !!!!!
ʚϊɞ ʚϊɞ .9. ʚϊɞ ʚϊɞ
وقفنا الحلقة إللي فاتت عند أما
رجعت هاله البيت وحاسه جسمها متكسر..إتمددت ع السرير وفتحت موبايلها لقت رساله من أمها بتقول إنهم راجعيين بكره من السفر !
قامت هاله مفزوعه من السرير ومش عارفه هتقولهم إيه لما يرجعوا !!
مؤكد لو قالت إنهم هيتطلقوا أهلها هيتدخلوا وهي مش عاوزه الموضوع يتأخر عاوزه تطلق من علي ف أسرع وقت ممكن كمان هتقولهم حجة الطلاق إيه !
هي مش عاوزه حد من أهلها يعرف بموضوع داليا لذلك إما ما تقولهمش أو تدور علي أي سبب مقنع بس لو ما قالتش إنهم هيتطلقوا هيشكوا ف وجودها عندهم خصوصا إن بعد ما يرجع علي من السفر مش هيكونلها حجه ف وجودها ف البيت وبالتالي لازم يعرفوا !
بدأت تدور علي أي حجه أو طريقه تقنعهم بيها بطلاقها..مسكت دماغها وحستها خلاص ھتنفجر من كتر التفكير !!
باقي ساعتين علي وصول أشرف الصايغ وعيلته..دخل توفيق علي جاسر ولقاه بيتفرج علي فيلم
توفيق ...أظن مش ناسي ميعاد العشا
جاسر بعد ما قفل الفيلم ...طبعا يا بابا
توفيق ...أنا مش عاوز الشړاكه إللي هتتم بيني وبين أشرف الصايغ تضيع فاهمني يا جاسر !!!
جاسر ...حاضر ما تقلقش هشرفك إنهارده !
توفيق ...أتمني!
إنهارده لو كل حاجه عدت تمام وعد مني هتستلم إدارة الشركه الجديده بكره والتليفزيون والجرايد مش هيكونلهم سيره غيرك
جاسر ...ما تقلقش
توفيق ...تمام أوي أما نشوف
وقبل ما يخرج إلتفتله ...صحيح إحلق دقنك وماتنساش تقلع السلاسل دي وإلبس بدله محترمه كده بلاش البناطيل الساقطھ دي
جاسر ...حاضر !
خرج أبوه وسابه بيستعد للمقابله
خالد راجع بيتهم..لقي مريم مستنياه ف الصاله..جريت عليه پخوف ...خالد ! إنت كويس يا حبيبي كنت فين !
خالد ...بخير يا مريم بس مصدع شويه إيه يا بنتي القلق ده
مريم ...أنا قلقت عليك أوي ومانمتش من إمبارح
خالد وهو ماسك راسه ...وأنا أول مره أبات بره يعني يا مريم..معلش الله يكرمك إعمليلي كوباية قهوه وتقلي البن أووي حاسس دماغي ھتنفجر
مريم ...حاضر..طيب بس أجهزلك حاجه تاكلها الأول
خالد ...لا لا كلت مع صحابي إنتي بس إعمليلي القهوه ماشي
مريم ...حاضر Smile
دخل خالد أوضته وإتسطح ع السرير..ومريم عملتله كوباية القهوه ودخلتها
مريم ...خالد إنت كويس
خالد ...أيوه يا مريم فيه إيه !!!!!!
مريم ...مش عارفه شكلك مش طبيعي
خالد ...لأ كويس ما تقلقيش
رن موبايل مريم..ردت ...ألو..أيوه يا حبيبتي..بجد والله العظيم ! تمام أووي..اللهم لك الحمد ماتوقعتش صوتنا هيوصل بالسرعه دي الحمدلله أه هجهزهم حاضر طيب تمام تمام يلا مع السلامه
خالد ...إيه فيه إيه
مريم ...إتكلموا عن الحمله بتاعتنا ف برنامج ف التليفزيون..وناس كتيير اوي بدأت تتفاعل معانا ع الفيس بوك
خالد ...حملة إيه دي !
مريم ...لحقت تنسي !!
إتعصب خالد ...أنا مش قولتلك ما تدخليش نفسك ف زفت مشاكل
مريم ...أيوه يا حبيبي بس الموضوع ده مفهوش مشاكل خالص ده حتي كمان بعيد عن السياسه !
خالد ...برده ما تكمليش فيه وانا نبهت عليكي يا مريم ويبقي ألاقيكي بتشاركي فيه تاني ولا بتعملي لوحات هنا
مريم ...خالد مش فاهمه إنت بتزعق ومتعصب أوي كده ليه !!! أنا مابعملش حاجه غلط !
خالد ...إنتي بتعلي صوتك عليا يامريم !!
مسكها من إيديها بعصبيه ...الكلمه إللي أقولها تتسمع ومش هتشتركي ف الزفت الحمله دي يعني مش هتشتركي فيها فاهمه
لمعت الدموع ف عنيها..ساب إيديها ومشي وهو بيقول ...وأهه سايبلك البيت وغاير ف ستين داهيه عشان ترتاحي
مسكت إيديها مكان الألم وبدأت ټعيط وهي مش فاهمه ليه بقي عصبي أوي اليومين دول !!
وهو نازل من ع السلم مسك موبايله وطلب رقم محمود
محمود ...ألو
خالد ...أيوه يا مصلحه
محمود ...عاوز إيه يابني مش لسه كنا مع بعض !
خالد ...بقولك إيه من غير ما ترغي كتير شوفلي أي حاجه دماغي هتتفجر من الصداع مش قادر
محمود ...قال علي رأي المثل أطبخي يا جاريه كلف يا سيدي..لو مالي جيبك يبقي عندي الدوا !
خالد ...أيوه هديك بس إخلص وجهز أي حاجه انا جايلك
وصلوا الضيوف وإستقبلوهم أحسن إستقبال وجاسر لسه بيتشيك ف أوضته..لبس بدله أنيقه ونزل
سلم علي أشرف الصايغ ومراته وجه الدور علي ناريمان..وأول ما شافها زهل من جمالها
طويله ورشيقه عيونها رمادي وشعرها إسود وطويل..لابسه فستان وردي وبتبتسم بخجل
كل ده وأكتر جاسر لاحظه ف دقيقه واحده..الحاجه الوحيده إللي بيعرف يركز فيها ف حياته هي الستات !!
سلم عليها وقبل إيديها كأحد البروتوكولات المتعارف عليها ف وسطهم !
إتكلموا ف الشغل وف الحياه وهو ماشلش عينه من علي ناريمان وهي بتختلس النظرات ليه
خالد رجع البيت وإتأسف لأخته عن عصبيته وقالها إنه إتعصب من خوفه عليها
عيلة الزغبي والصايغ إتعشوا وبعدين جاسر خد ناريمان يتمشوا شويه ف الجنينه
جاسر ...صراحه مامي حكت كتير عن جمالك بس إكتشفت دلوقتي إن مامي مابتعرفش توصف خالص !
ناريمان ...ليه طلعت أجمل من وصفها !
جاسر ...الله أحب الثقه بالنفس أوي ! أيوه وصفت بس إللي قالته مايجيش حاجه ف جمالك
ناريمان .. thanks its kin f yu
جاسر ...دي مش مجامله علي فكره
ناريمان .. ..إنت درست إيه
جاسر ... English cmmerce وإنتي كمان مش كده !
ناريمان ...أيوه
كملوا كلام عن إهتماماتهم وطبعا الحوار كان معظمه غزل..حقيقه هي دي المهنه الأساسيه لجاسر إنه يميل قلب كل واحده من أمثال ناريمان !
مشي أشرف الصايغ ونتيجة إجتماع عقد الصفقه المتخفيه ف صورة جواز دي كانت مبهره وده إللي خلي توفيق الزغبي يقرر يوفي بوعده لجاسر !
وبالفعل تاني يوم تم إفتتاح الشركه وإللي مديرها جاسر الزغبي وزي ما أبوه وعده الإعلام مالهوش سيره غير جاسر وشركته الجديده !
نهال راحت لقريبها عشان تحكيله عن قضية داليا
نهال ...إزيك يا طارق
طارق ...يا هلا يا هلا بخير الحمدلله يعني ينفع كده يا دكتور مانشفكيش غير ساعة القضايا !
نهال ...معلش بقي يا طارق إنت عارف مشاغل الدنيا
طارق ...ف دي عندك حق الواحد ما بيلاقيش وقت حتي يكح
وهم بيتكلموا لفت إنتباههم إللي بيتكلم ف التليفزيون
نهال ...مش ده توفيق الزغبي !
طارق ...بالضبط كده
نهال ...طاب وهو فيه إيه معلش عشان بقالي كتير منعزله عن التليفزيون !
طارق ...إفتتح شركه جديده يا ستي وسلمها لإبنه
نهال ...مش توفيق ده بتاع قضية الأغذيه الفاسده !
طارق ...بس طلع منها زي
