رواية عود ثقاب ( الفصل 1:10) بقلم ندا سليمان
الشعره من العجينه كعادته محدش بيعرف يمسك عليه حاجه !
نهال ...هي المشرحه ناقصه قټله ولا البلد ناقصه فساد رايحين يفتحوا شركه جديده !!!!
طارق وهو ماسك الريموت وبيوطي التليفزيون ...ياستي سيبك منهم يتحرق ده علي ده المهم ندخل ف موضوع قضيتك إحكيلي بقي فيه إيه !
طارق ...كويس جدا إنها هتقدر ترسم المغتصبين بالشكل ده هتسهل علينا القضيه وهنقدر بكل سهوله إن شاء الله نمشي ف الإجراءات
نهال ...تمام أوي هي خلاص قربت تخلص رسم اللوحات أول ما تخلصهم هجيبها عشان تقدم بلاغ رسمي بقي وتبدأ القضيه
نهال ...هستأذنك أنا بقي عشان عندي شغل
طارق ...طيب تمام الله يعينك
نهال ...ويعينك أبقي سلملي علي خالتو
نهال ...أوك مع السلامه
علياء أخدت بنتها هنا لداليا عشان تشوفها..أول ما شافتها إبتسمت وضمتها لحضنها
علياء ...حماتي هتتجنن عليها ومش عوزانا نسافر تاني..مش مدياني فرصه حتي أقعد مع بنتي شويه ليل نهار حطاها ف حضنها
داليا ...هي أصلا هنوش روح قلب خالتو تتحب أوي
ضمتها داليا ...يا روح قلب دولي إنتي بمووووت فيكي ..
علياء ...لسه جدتها مشغلالها الفيديو بتاع فرحي إمبارح تصوري البت مش عرفاني هههههههه
ووقفت علياء عن الكلام لما لقت نفسها هتجيب سيرة علي..رفعت داليا الحرج عنها وسألت ...حماتك كويسه صحيح
علياء ...أه الحمد لله بخير
كملت علياء كلامها وداليا ف عالم تاني داليا سرحت ف يوم فرح علياء
كانت لابسه فستان بنفسجي أنيق أوي..علي هو إللي إختاره بنفسه بعد ماكانت مختاره واحد وماعجبهوش وهو كان لابس كرفته بنفس لون فستانها
كانوا لسه ما لبسوش دبل بس علي معتبرها مراته وملزمه منه من وهم صغيرين !!
مش ناسيه يوم الفرح بكل تفاصيله يومها علي إتحداها إنه يقدر يعمل أي حاجه مجنونه عشانها وهي قبلت التحدي وطلبت يغنيلها
ورغم إن صوته مش حلو تماما إلا إنه ما إتكسفش علي طول مسك المايك وغنالها رغم إن إللي ف الفرح إعتبروها فقرة كوميديه وفضلوا يضحكوا عليه بس داليا هي الوحيده إللي كانت بتسمعه مبتسمه وعيونها بتلمع زي ما قلبها كان بيرقص علي صوت غناه
ماكنتش سامعه صوت النشاز إللي كان بيغني بيه لإنها كانت سامعه صوت إحساسه وقلبه بيلحنله سيمفونيه مع كل دقه والتانيه ..
إفتكرت لما علياء رمت بوكيه الورد ولإن علي أطول منها هو إللي قدر يمسكه وعلى طول راح إداهولها
داليا لما إفتكرت ماقدرتش تمسك دموعها علياء كانت بتتكلم وفجأه لقت داليا پتبكي ضمتها من غير كلام وإنهارت داليا ف حضنها
هاله راحت تستقبل أهلها من المطار وحاطه إيديها علي قلبها..وصلوا وسلمت عليهم وكل مايسألوا عن علي تجاوب بإجابات مختصره..رجعوا البيت ولما أمها سألتها عن السبب إللي مخليها قاعده عندهم إتحججت بسفر علي !
مروا يومين وأم هاله حاسه إن فيه حاجه مش طبيعيه بينها وبين علي وهاله مازالت بتنكر لحد ما تلاقي حجه تقولها !
داليا قربت تخلص الرسومات وعلياء كل يوم بتروح تزورها وتقضي معاها اليوم..طول النهار هنا بتشغلها عن الألم لكن بالليل مابتعرفش تنام من الكوابيس إللي بتشوفها Sa ونهال بتحاول علي أد ما تقدر تساعدها تتخطي المرحله دي
علي عايش ف غربه فوق غربته..أول مره يحس بمرارة سفره بالشكل ده..حاسس إنه فقد طعم الحياه..مش لاقي سبب يعيش عشانه أصله خلاص إتخلي عن إللي كانت بتديله أمل ف الحياه
هاله جهزت عشان تروح العياده..إتناولت شنطتها وقبل ما تخرج من الأوضه..دخلت مامتها
أنا بجد يا هاله مش مصدقه إنك لسه عروسه وتنزلي شغلك كده ! يا ماما إنتي لسه ماكملتيش شهر !
هاله ...ماما أرجوكي مش هنرجع تاني للكلام ده الشغل علاقته ايه يعني!! إنتي عرفاني بحب شغلي جدا
بس عرفاكي برده بتحبي علي أكتر
قلبها ۏجعها..بقي مجرد سماع اسمه بيسببلها ۏجع وحسره
هاله ...ماما لو سمحتي شغلي ملهوش علاقه بأي حاجه تانيه وبعدين من فضلك سيبيني أمشي عشان ما أتأخرش..سلام ..
هربت من أسئلة أمها وراحت ع العياده .....خلصت شغلها وهي قايمه وقعت كل حاجه من ع المكتب..لمتهم من الأرض وفجأه لمحت حاجه صډمتها ...!
ʚϊɞ ʚϊɞ .10. ʚϊɞ ʚϊɞ
وقفنا الحلقة إللي فاتت عند أما
هربت هاله من أسئلة أمها وراحت ع العياده .....خلصت شغلها وهي قايمه وقعت كل حاجه من ع المكتب زفرت بملل ونزلت تلمهم من ع الأرض حطت الدفاتر والأقلام ومسكت النتيجه لسه بتحطها وإتصدمت لما شافت التاريخ !
مسكت النتيجه ووقفت باصه فيها پصدمه..حطت إيديها علي فمها وتمتمت ...لأ مش ممكن يحصل !
إتناولت شنطتها بسرعه ونزلت عند دكتوره صحبتها عيادتها ف الدور الأرضي والحمدلله لحقتها قبل ما تمشي..سلمت عليها
الدكتوره ...يا هلا يا هلا العروسه جتلي يبقي شكلها بشړي خير
هاله بتوتر ...مش عارفه يا يسرا أنا حاسه بس جايه عندك أتأكد
يسرا ...طيب إهدي مال وشك أصفر كده ليه !! إن شاء الله خير يا حبيبتي
علي رجع من السفر قبل ميعاده بيومين..راح ع البيت حط الشنط ورمي نفسه ع السرير
راح ف نوم عمييق بقاله فتره مابينامش لا ليل ولا نهار !
صحي علي صوت جرس الباب قام بكسل فتح الباب ولقاها قصاده
علي ...مش ممكن عليا !!
علياء ...كويس إنك لسه فاكرني ولا هتفتكرني ليه صح ما إنت بعت واحده كنت بتقول عليها هي نفسك وماكنلكش خير فيها يبقي هيكونلك خير فيا !!!
بص ف الأرض وكإنه كان ناقصه كلام علياء كمان فوق همومه..سابها ع الباب ودخل قعد علي كرسي الأنتريه..دخلت علياء وقفلت الباب وراها..قعدت ع الكرسي إللي قصاده
بصلها علي وسأل ...داليا عامله إيه يا عليا !
علياء ...ويهمك أوي تعرف !
علي ...عليا لو سمحتي ماتقسيش عليا بالشكل ده إنتي عارفه انا بعشق داليا ازاي
علياء ...ما هي المصېبه إني عارفه كويس أوي يا علي وده السبب إللي مخليني هتجنن ومش قادره استوعب لحد دلوقتي ليه حالكم وصل لكده يا علي ليه إتخليت عنها !
علي ...عليا كفايه أرجوكي أنا بمۏت ف اليوم ألف مره ف بعدها ما تزوديهاش عليا
عليا ...
علي ...أكيد شوفتيها مش كده ! هي كويسه !
عليا ...يعني إلي حد ما الحمدلله بقت أحسن هنا خرجتها شويه من حالتها خصوصا إني باخدهالها من الصبح ونقضي معاها اليوم كله ف المصحه
علي ...مصحه !!! مصحة إيه دي !
عليا ...ياه كمان ما تعرفش دي !! داليا ف المصحه بقالها فتره بعد ما حاولت ټنتحر
إنتفض علي من ع الكرسي ...إنتي بتقولي إيه داليا حاولت ټنتحر إمته وإزاي !
عليا ...يوم فرحك تحديدا حاولت تقطع شرايين إيديها والحمدلله لحقوها علي آخر لحظه ومن يومها وهي موجوده ف مصحه نفسيه
علي ...مش ممكن !!! لا حول ولا قوة إلا بالله العلي العظيم ليييه كل ده يحصلنا يا رب لييه أنا بجد تعبت..انا حاسس إني بضيع بل بالفعل انا ضعت خلاص
بص ل علياء ...يلا بينا نروح عند داليا
علياء ...داليا مين لأ إستنه إنت ماينفعش تقربلها خالص ظهورك ممكن يخلي حالتها تنتكس بلاش يا علي عشان خاطري إلا صحيح أنا مش شايفه مراتك هنا يعني هي فين !
بص علي ف الأرض ...هاله عرفت كل حاجه وهنتطلق بعد يومين إن شاء الله
علياء ...إيييييه مش ممكن !
دكتوره يسرا عملت لهاله شوية إختبارات وبعد إنتظار ردت يسرا وهي فرحانه ..
مبروك يا ماما هاله إنتي حامل
هاله ...لأ لأ مش ممكن يحصل أرجوكي يا يسرا إتأكدي !!
يسرا ...والله متأكده إنتي حامل..عارفه فرحة أول خبر بتبقي الأم مش مستوعبه
هاله ...لأ ده مش ممكن يحصل..مستحييل ماينفعش أصلا !!
يسرا ...هو إيه ده إللي ماينفعش !! أنا مش فاهمه حاجه يا هاله مالك !!!
هاله ...أنا أسفه يا يسرا بس لازم أمشي حالا متشكره جدا
يسرا ...هاله طاب إستني يا بنتي شكلك مش طبيعي إنتي كويسه !! هاله هاله !!!
مشيت هاله من غير ما ترد عليها..ماقدرتش تسوق فنزلت من عربيتها وركبت تاكسي لبيتهم..دخلت بسرعه وقفلت الباب علي نفسها..بصت ف المرايه وصوت يسرا بيتردد ف ودنها ..
مبروك يا ماما هاله إنتي حامل إنتي حامل..إنتي حامل
حطت إيديها علي ودنها وصړخت ...لأااااا ماينفعش..رحماك يا رب
.
.
أمها إستغربت إنها دخلت علي أوضتها وماردتش عليها ولا رضيت تفتح باب الأوضه..لقت التليفون بيرن ردت وكانت يسرا بتطمن علي هاله لإنها لقت موبايلها مقفول وأمها عرفت من يسرا إنها حامل وفرحت جدا عشانها
فضلت تخبط ع الباب وبعد إلحاح منها فتحت هاله وعيونها حمرا من كتر البكا
هاله حبيبتي مالك يا روح قلبي !
إترمت ف حضڼ أمها ...أنا تعبانه اووي يا ماما إنتوا ليه جوزتوني ليييييه
ليه كل ده يا روح قلبي فيه واحده لسه عارفه إنها حامل وتعمل كده !!!!!!
هاله ...الجنين ده مش لازم يعيش
إيه إللي بتقوليه ده يا هاله إنتي إتجننتي إستغفري الله يا ماما
هاله ...إستغفر الله العظيم وأتوب إليه..يا رب
ليه بتقولي الكلام ده يا حبيبتي !!
هاله ...
شكل شكي ف محله إنتي متخانقه مع علي !
سكتت هاله شويه وبعدين ردت ...أنا وعلي هنتطلق بعد يومين
إييييييييه ......!! إنتي بتقولي إيه إنتي إتجننتي ...!!
هاله ...ماما لو سمحتي من غير أسئله كتير انا وعلي إكتشفنا إننا مش مناسبين لبعض وإتفقنا ع الطلاق بعد ما يرجع من السفر إن شاء الله
إنتوا إتهبلتوا هو لعب عيال ده جواز !!!!!
هاله ...ماما أرجووكي ما تزوديهاش عليا انا بمۏت ف اليوم ألف مره ومحدش حاسس بيا
نزلت دموع أمها وهي بتضمها لحضنها ...بس يا روح قلبي طيب إستهدي بالله وهنتكلم ف الموضوع ده بعدين
إتسطحت هاله ع السرير وأمها بتمسح علي شعرها وتقرالها قرآن لحد ما نامت _
بصتلها پألم لحالها وحيره نفسها تعرف حصل إيه يوصلهم للطلاق !
هي عارفه كويس أوي إن بنتها بتحب علي من قبل ما تتجوزه وهاله بطبيعتها صبوره أكيد إللي يخليها توصل للحاله دي حاجه كبيره اوي تمتمت وهي باصه لبنتها إللي نايمه ودموعها علي خدها ...يا تري عملت إيه يا علي كسر بنتي بالشكل ده !
جاسر وناريمان إتقربوا من بعض جدا وكل ما تتقرب المسافات
