رواية عود ثقاب ( الفصل 1:10) بقلم ندا سليمان
انت في الصفحة 15 من 15 صفحات
بينهم أبوه ينبسط منه أكتر وبالتالي يديله صلاحيات وأملاك فقرر إنه يقبل بقرارهم ويخطب ناريمان وتوقيع عقد الشړاكه إللي بين الزغبي والصايغ هيكون يوم الخطوبه إحتفالا بالشړاكه والنسب مع بعض
صحيت هاله ولقت أمها مجهزالها كوباية لمون شربتها وإبتسمت لأمها عشان تطمنها..إتكلمت مامتها معاها شويه وحاولت تفهم سبب الخڼاقه إللي بينها وبين علي !
جت نهال لأوضة داليا وهي متحمسه جدا ومبسوطه
نهال ...وأخيرا يا داليا خلصتي
هاله ...تمام بس معلش هننتظر ساعه لحد ما طارق يكون موجود هناك ولحد ما نروح إيه رأيك ندردش شويه مع بعض وتفرجيني علي رسوماتك
قلبت نهال ف اللوحات وبصت لداليا ...هو المتهمين 4
داليا ...لأ..أول 3 دول إللي إرتكبوا الچريمه فعليا والرابع ده البواب الشاهد الوحيد علي إللي حصل ويعتبر مشترك ف الچريمه بصمته
داليا ...فاكره إسم البواب كويس أوي إسمه عوض وتالت واحد كمان هو الوحيد إللي سمعت اسمه يومها نادوه ب مصلحه !
نهال ...كويس جدا ..حقيقي بجد بهنيكي علي شجاعتك دي يا داليا
نهال ...ليه !
داليا ...عاوزه أطمن ع البنات إللي فيه
نهال ...طيب يلا بينا Smile
داليا ...لأ عاوزه أروح لوحدي
نهال ...خلاص زي ما تحبي روحي وانا هنتظرك تحت
نزلت داليا للعنبر وبصت لساميه وإفتكرت قصتها شافتها وهي بتصرخ لحظة ألمها ..وبسرعه حولت نظرها علي لبني تخيلت كل ليله وجوزها بيضربها ويغتصبها وهي مكسوره وضعيفه
ولا عبير إللي لسه بتتلفت حوليها پخوف..تخيلت صډمتها لما فتحت عيونها ولقت كل شيئ إنتهي
وأخيرا وقفت عند منار تأملتها وتخيلت الحاډثه بكل تفاصيلها..سمعت صرخات الطفله منار ف ودنها إتمنت لو لحظتها كانت معاها تحميها وتطمنها قربت منها بهدوء وضمتها لحضنها أووي ونزلت دموعها رغم إنها متأكده إن منار مش هتفهمها بس فضلت تشكيلها وتقولها ...أنا خلاص قررت أخدلك حقك إنتي وباقي البنات اللي هنا..هاخدلك حقك من إللي إغتصبك وقتل طفولتك وأردلك إعتبارك وحياتك يا منار ما تخافيش أنا جنبك وحاسه بيكي أوي يا حبيبتي
وزي ما تكون منار فهمت بصتلها بكل براءه ونامت ف حضنها
فضلت داليا تربت علي كتفها لحد ما جت ممرضه وبلغتها إن دكتوره نهال ف إنتظارها..فودعت منار وباقي البنات وقبل ما تمشي بصت علي السرير الفاضي وتمتمت ...قريب أوي هتتشال من هنا..قريب أوي العنبر ده هيفضي يا رب قويني
أم هاله وابوها كلموا علي وطلبوا منه يجي البيت عشان يشوفوا حل لمشكلته هو وهاله !
راح علي ولما سألوه عن إللي حصل ماعرفش يقولهم إيه
أنقذته هاله من الموقف ده وطلبت منهم محدش يتدخل ده قرارهم النهائي..أمها كانت علي وشك تقوله عن حملها لكن هاله وقفتها..مشي علي بعد ما هاله أقنعتهم إنها خلاص مصممه علي قرار الطلاق
أم هاله ...طيب وإللي ف بطنك يا هاله ثم إن علي من حقه يعرف !!
هاله ...مفيش داعي يعرف يا ماما لإني هنزل الجنين
أم هاله ...يا نهارك مش فايت إنتي خلاص إتجنيتي ...إزاي تفكري ف حاجه زي ده
هاله ...ماما عشان خاطري سيبوني براحتي
هو لبس هتشتريه ولا أكله دي حياتك يا ماما !!!
هاله ...وانا عرفت إن مفيش خطړ علي حياتي حاليا الجنين لسه ف بداية أيامه مش هيأثر عليا صحيا..وكده كده أنا وأبوه هنتطلق خلاص وانا مش عاوزه أي حاجه تربطني ب علي بعد الطلاق إن شاء الله هسافر بره وأرجع لحياتي الطبيعيه إللي كانت قبل الجواز
يا حبيبتي بس
قاطعتها ...ماما أرجوكي أنا مش مستحمله اي كلمه أنا مستحيل هرجع عن القرارات إللي أخدتها دي وإنتي وبابا عودتوني من صغري إنكم تحترموا قراراتي فأرجوكم تسيبوني علي راحتي أنا فاهمه انا بعمل إيه ومعلش يا ماما من فضلك انا تعبانه وعاوزه انام شويه ممكن تسيبيني لوحدي
حاضر يا حبيبتي
خرجت وسابتها لوحدها..بصت هاله للمرايه وهي حاطه إيديها علي بطنها..إفتكرت إزاي حلمت باليوم ده ودلوقتي بعد ما جه اليوم إللي حلمت بيه هتدمر كل حاجه بإيديها ل لحظه فكرت ترجع عن قرارها وتربي هي طفلها لكن إفتكرت إنها مش عاوزه حاجه تربطها ب علي..فضلت ماسكه بطنها وپتبكي
فتحت شنطتها وطلعت الموبايل أكدت ع الحجز بكره عشان تنزل الجنين
نهال وداليا وصلوا القسم..داليا أول مره تدخل قسم فأول ما دخلت من البوابه إرتبكت مسكت نهال إيديها وضغطت عليها بلين وهي مبتسمه عشان تطمنها ..سمت الله وكملت مشي..وصلوا ل مكتب طارق..رحب بيهم جدا وشكر داليا علي شجاعتها ف إنها إتخذت قرار زي ده
طلب من داليا تحكيله الحاډثه بالتفصيل..بدأت تحكي ومن العصبيه والألم لما إفتكرت الحاډثه بقت بتضغط علي إيديها بأظافرها
نهال لاحظت حركتها دي لما لقت إيديها مچروحه فسحبت إيد داليا وضمتها بينإيديها وهي بتحاول تهديها..خلصت داليا ودموعها نازله من غير صوت
وجه وقت الرسومات مسك طارق اللوحات..نهال شرحتله زي ما داليا قالتلها ف المصحه بس أضافت ...أول واحد ده يا طارق من وقت ما شفت اللوحه وانا حاسه إني شفته قبل كده بس مش قادره افتكر فين !!
سكت طارق شويه وهو بيتأمل الصوره ...أها شوفتيه لما كنتي عندي هنا يا نهال
نهال ...إزاي . !!!!!
طارق ...ده جاسر الزغبي كنتي عندي هنا لما كان ف لقاء ف التليفزيون
نهال بتحاول تفتكر .. نهال ...أيوه أيوه صح إييييه مش ممكن .. ..معقوله يكون هو واحد من ال .. أه يا حقېر يا قذر
داليا مش فاهمه حاجه..فتح طارق اللآب توب وشغل النت كتب إسم البرنامج وتاريخ الحلقه ع اليوتيوب وجتله..بص لداليا وقالها ...داليا أنا دلوقتي هعرض عليكي فيديو وعاوزك تركزي كويس أوي وتشوفي الشخص إللي فيه واحد من إللي إعتدوا عليكي ولا لأ ماشي
هزت راسها بالموافقه
طارق ...جاهزه
إتنهدت داليا وردت ...جاهزه
شغل الفيديو وحطه قصاد داليا ....
وإنتهت حلقتنا هنا إنهارده يا تري داليا لما تشوف جاسر هتكون ردة فعلها إيه ! وعلي هيعرف إن هاله حامل منه ولا لأ !
