رواية عود ثقاب ( الفصل 11:15) بقلم ندا سليمان
ولا كده تطينها وماتنساش أم جاسر عنيها علينا ومش مرحبه بوجودنا هنا خالص
طنشه محمود ومشي ووقف خالد يتفرج علي صاحبه وهو شارد خرجه من شروده صوت موبايله ولقاها مريم بتطمن عليه...قفل معاها والإبتسامه علي وشه...بيتمني حاجه واحده بس...بيتمني يجي اليوم إللي يشوفها فيه عروسه ويسلمها بإيديه لعريسها Smile
وهي بتبصله بفرحه وهو بيقبل إيديها...ولحظة ما لبسها الخاتم حست إنها أسعد واحده ف الكون وفلاش الكاميرات حوليهم ماوقفش لحظه واحده من أول ما بدأت الخطوبه ......
.
وهناك ف جو هادي من الحفله توفيق الزغبي وأشرف الصايغ رافعين كاساتهم إحتفالا بالشړاكه إللي بدأت ولسه موقعين ورقها من دقايق .....
إفتكرت علي لما كان پيتخانق معاها بسبب الكاتب ده وإزاي إنقطعت فتره كبيره عن قراية أي كتاب ليه لمجرد إن علي ما بيحبهوش
من كتر حبها ليه كانت بتلغي شخصيتها وتتخلي عن أي حاجه مهما كانت بتحبها عشان بس ترضيه...حست بۏجع ف قلبها وقبل ما الحزن يسيطر عليها قامت بسرعه إتوضت وبدأت تطرد الحزن والهم بصلاة الفجر ....
Dnt give up .... لا تستسلم
للكاتب ريان_المصري
أول ما خلص المحاضره...ركب عربيته وهو بيفكر ف داليا رجع بذكرياته ليوم ما جابتله هديه وكانت كتاب
علي وهو ماسك الكتاب...يووووه مالقتيش غير الراجل ده يا داليا .. !
داليا...ما أنا شايفه إن كتبه قيمه جدا عشان كده جبتهولك
علي...ماشي يا ستي أي هديه منك أصلا عندي بالدنيا _
فاكر إبتسامتها الخجوله يومها إفتكر إزاي كان بيغير من الكاتب لمجرد كلام داليا عنه !!!!!
ولقي نفسه رايح علي أقرب مكتبه وطلب كتب ريان المصري
_ حضرتك عاوز الروايات ولا كتب علم النفس ولا ال
علي...كله كله عاوز أي كتاب لريان المصري
إشترا كل كتبه ورجع ع البيت بفرحه أصله إفتكر داليا لما كانت بتقوله بلاقي نفسي بين سطور الكتب دي من كتر إشتياقه ليها قرر يدور عليها بين سطور الكتب إللي بتحبها .....
داليا قضت يومها ما بين جلسه مع نهال...قعاد مع منار وقرايه لكتاب لا تستسلم للمره التانيه
.
.
.
علياء راحت لعلي تطمن عليه...رنت الجرس كتير ومحدش بيرد...لسه هتنزل من ع السلم ولقته فتح الباب وواضح إنه كان نايم _
علياء...أنا أسفه ما عرفش إنك نايم
علي...محصلش حاجه كويس إنك صحتيني...تعالي إدخلي
دخلت علياء وهو شال منها هنا وبيلاعبها...لقت كركبة كتب ف الصاله بدأت تلمهم من الأرض وإستغربت !
علياء...غريبه ! من إمته يعني بتقرا ل ريان !
علي...عادي يعني كنت غلطان ف الحكم عليه بس لقيت كتبه تستحق Smile
علياء وهو بتلم الكتب...أمممم طيب كويس أخبار هاله إيه
علي...وبتسأليني ليه خلاص إتطلقنا هعرف منين يعني أحوالها !!
علياء...إنت للدرجه دي ماكنتش طايقها .. !!
علي...أنا كنت بحترم هاله جدا يا علياء ومازلت بس إني أحبها كزوجه وشريكه ليا ف حياتي حاولت وماقدرتش !
علياء .. ده بابا علي آخره منك...روحتلهم من يومين وكان متضايق ومكسوف من إللي عملته مع بنت صاحبه بس قدر الله وما شاء فعل خلاص مابقاش له لازمه الكلام ف الموضوع ده
سكتوا لدقايق وعلياء ملاحظه علي عاوز يقول حاجه بس مش متردد
علياء...عاوز تقول حاجه يا علي !
علي...علياء بصي أنا أنا عاوز أتجوز داليا
سابت الكتب من إيديها ووقفت بدهشه...نعممممممممممممممممم !!! إحنا هنهزر يا علي !!!
علي...والله ما بهزر بتكلم جد خدي رأيها وأقسملك بالله أنا ندمان ومستعد أعوضها عن كل لحظة ألم شافتها ف حياتها أنا فعلا حاسس قلبي مش مخلوق لبنت غير داليا
علياء...بس ف حالة داليا ندمك مش هيفيد ولا هيرجعلها إللي إتكسر جواها يا علي وسبق وقولتلك إصرف نظر عن الموضوع ده
علي...أرجوكي يا عليا أقفي جنبي إتكلمي معاها واقنعيها
علياء...أنا !!! مستحيييل الله يكرمك ماتدخلنيش ف مواويلك الفاضيه دي !
علي...مواويل فاضيه !!!
علياء...أيوه مواويل فاضيه ! بسهوله تكسر قلبها وتبيعها وعاوزها ترجعلك بسهوله برده !!! ثم إنت لسه واجع قلب واحده تانيه يا اخي ومدمره حياتها ده انا قلت نفسيتك هتتعب عشان خاطرها بس ما شاء الله جيت ولقيتك بتفكر تتجوز تاني اهه بس قبل ما تتعمق ف ففكرتك دي أحب أقولك شيلها من دماغك...داليا عمرها ما هترجعلك وياريت تسيبها ف إللي هي فيه بقي
علي...بس يا عليا أنا م
قاطعته...كويس إني إتطمنت عليك...مع السلامه
رمقته بنظرة ڠضب...خدت هنا ومشيت .....
طارق كان بيتناقش مع مجموعه من أصحابه إللي وافقوا يساعدوه ف قضية داليا...خلص شغل معاهم ورجع البيت لقي أمه مجهزاله الغدا إتغدي معاها وقعد يشرب الشاي وهو بيقرا الجرايد...وأول ما شاف صور خطوبة جاسر إفتكر داليا وحالتها وكل إللي حصلها...إتعصب ولقي نفسه بيقطع الصفحات إللي فيها الصور بغل .
أمه...إنت كويس يا طارق
إلتفت لأمه وإبتسم...كويس الحمدلله يا ست الكل Smile
_ طيب خد ......... إتناول منها الصور وهو بيسأل...إيه دول
أمه...طنط مني عدت عليا إمبارح وجابتلي الصور دي تشوفها يمكن تلاقي واحده تعجبك فيهم
إتعصب طارق وحط الصور ع التربيزه...تاني يا أمي !!! مش كفايه بقي أنا بجد زهقت وقلت مليون مره مش هتجوز بالطريقه دي .
بدأت أمه تبكي...ما أنا نفسي أفرح بيك وأشوف ولادك قبل ما أموت
لانت ملامح طارق وقرب منها...قبل جبينها ومسح دموعها...بعد الشړ عنك يا أمي خلاص يا حبيبتي أنا أسف
أمه...ريحني الله يريح قلبك يا حبيبي ده أنا حتي بجيبلك صور أجمل البنات ومن عائلات محترمه كمان...طيب بلاش دول قولي لو فيه واحده ف بالك وأنا أخطبهالك
طارق...يا روح قلبي وعمري كله مفيش واحده ف بالي ومفيش واحده من إللي ف الصور هفكر حتي بس مجرد إني أبصلها لإني مش هتجوز بالطريقه دي إنتي إللي مربياني يا أمي المفروض تفهمي طريقة تفكيري أنا مش عاوز شكل ولا منظر ولا واحده مجرد أنتيكه أتفرج عليها...أنا عاوز جمال روح وكيان عاوز واحده تخليني أحبها وټخطف قلبي وتجبرني أعشق تفاصيل ملامحها مهما كانت درجة جمالها...عاوز واحده تشاركني همومي وتحس بيا وتقدر...وبعدين أنا عاوز واحده شبهك ف كل حاجه مع إني مش هلاقي ف الكون زيك يا جميل ..
أمه وهي بتمسح دموعها وتضحك...أيوه يا ولا كل بعقلي حلاوه ماشي ماشي كان مالها بس نهال بنت خالتك أدب وذوق وعلم وجمال
طارق...نهال متربيه معايا وزي أختي وبس يا أمي ثم إن حضرتك عارفه إن نهال ودكتور أحمد زميلها هيتخطبوا قريب إن شاء الله أول مايرجع من السفر...عشان خاطري بقي ماتخديش الموضوع ده بعصبيه كده وإن شاء الله أول ما ألاقي إللي ټخطف قلبي يا ست الكل هبلغك علي طول Very Happy
أمه...ماشي أما نشوف مع إني أشك ف كده إنت عاوزلك واحده تفصيل .. ...أما أقوم أحسن مرارتي مابقتش مستحمله .
مشيت وسابته بيضحك Very Happy ....بيحب أمه أووي أبوه إتوفي وهو لسه صغيره وأمه رغم إنها كانت صغيره رفضت تتجوز تاني وقررت تتفرغ لتربية إبنها وبس...ربته وكبرته وبقت بتتمني اليوم إللي تشوفه فيه عريس وتشيل ولاده...بتدورله علي عروسه وهو كل ما تجيبله واحده يرفض يتجوز بالشكل ده وفيه كام مره سمع كلامها عشان يرضيها ويريحها وراح معاها وقعد مع بعض من البنات دول ومارتحش هو مش بيدور علي جمال هو بيدور علي واحده أد المسئولية واحده يحس معاها بمعني الحب بجد ويحبها من غير سبب مش عشان شكل !!!
ولحد دلوقتي مش قادر يلاقي إللي ټخطف قلبه وتخليه يوافق أخيرا إنه يتجوز !!!
هاله من يوم ما إتطلقت وهي حابسه نفسها ف أوضتها أبوها وأمها حاولوا كتير أوي يخرجوها من حالة الإكتئاب دي لكن هي مازالت علي حالتها
أمها كانت ف المطبخ لما رن الجرس...فتحت الباب ولقت تقارير وورق مبعوتين لهاله...إستلمتهم وقبل ما الأكل يتحرق رمت الملف علي كنبة الأنتريه وجريت طفت ع الأكل خرجت ف الصاله وأول ما عنيها وقعت ع الورق إتصدمت...!
مسكته وبدأت تقلب فيه وتقرا التقارير وبسرعه جريت علي أوضة هاله ولقتها لسه صاحيه...وقفت أمها بعصبيه وهي ماسكه الورق وقالت...أقدر أفهم إيه ده . !!!
مسكت هاله الورق من أمها وماردتش !!
أمها...أممممم مابترديش ! طيب يا هاله يا تري إللي فهمته من الورق ده صحيح !!!
ردت من غير ما تبص لأمها...أيوه يا ماما مانزلتش الجنين ... أنا لسه حامل !!
14
وقفنا الحلقه إللي فاتت عند أما
كانت أم هاله ف المطبخ رن الجرس...فتحت الباب ولقت تقارير وورق مبعوتين لهاله...إستلمتهم وقبل ما الأكل يتحرق رمت الملف علي كنبة الأنتريه وجريت طفت ع الأكل خرجت ف الصاله وأول ما عنيها وقعت ع الورق لمحت صوره من سونار فإتصدمت !
مسكت الورق وبدأت تقلب فيه وتقرا التقارير وبسرعه جريت علي أوضة هاله ولقتها لسه صاحيه...وقفت أمها بعصبيه وهي ماسكه الورق وقالت...أقدر أفهم إيه ده !!!
مسكت هاله الورق من أمها وماردتش !!
أمها بتردد...أممممم مابترديش ! طيب يا هاله يا تري إللي فهمته من الورق ده صحيح !!!
ردت من غير ما تبص لأمها...أيوه يا ماما مانزلتش الجنين ... أنا لسه حامل !!
أمها مندهشه...هاله إنتي إنتي بتتكلمي بجد !
هاله...أيوه يا ماما
أمها...طاب إزاي ده إنتي كنتي راجعه والبنج لسه أثره عليكي ووشك أصفر أنا أنا مش فاهمه حاجه !!!!!!
هاله...أقعدي يا ماما وأنا هفهم حضرتك كل حاجه
قعدت أمها علي حرف السرير بتسمعها...وهاله بدأت تحكي
رجعت فلاش باك ليوم العمليه......
فاقت من البنج ولقت نفسها ف عيادة يسرا ولما إفتكرت إنها نزلت الجنين إنهارت...دخلت يسرا وحاولت تهديها لكن هاله مازالت پتبكي بحرقه لحد ما سمعت يسرا بتقول...الحمدلله إني إتخذت القرار السليم ومانزلتش الجنين لإني كنت واثقه إنك هتندمي
وقفت هاله عن البكا وبصتلها بدهشه ومش فاهمه أي حاجه !!!!!
إبتسمت
