رواية عود ثقاب ( الفصل 11:15) بقلم ندا سليمان
جده دفع مصاريف أول سنه وقبل ما تبدأ الدراسه كان جده مېت...بدأ الدراسه ولقاها كلها كورسات ومصاريف وأبوه من زمان قاطع عنه أي فلوس وبالتالي قرر يحول لتجاره عربي لإنه مش هيقدر يكمل للآخر وقبل ما يحول كان إتعرف علي جاسر وخالد إللي علاقتهم ببعض فضلت مستمره حتي بعد ما حول
زفر طارق...بص لداليا ولقاها متحمسه تسمع أكتر...ساب ملف محمود ومسك الأخير...ده بقي البواب عوض إسماعيل الهلالي عنده 50 سنه راجل صعيدي جه القاهره يشتغل بواب ومعاه مراته وبنته الوحيده هنادي عندها 17 سنه إشتغل بواب لعمارات كتيره قبل مايشتغل بواب لفيلا من فيلل توفيق الزغبي وهي الفيلا إللي
.
.
داليا أول ماسمعت إسم عوض علي طول رن ف ودنها صوت جاسر...إقفل البوابه بسرعه يا عم عوض !
بدأ صوت شهقات داليا يعلى لما إفتكرت إحساسها وهي بتتسحل ف أرضية الفيلا بصت ع الملفات ولمحت صوره فيها التلاته بيضحكوا سوا إفتكرت الړعب إللي شافته ليلتها وكل لحظة ألم حستها وبدأت تتشنج...قربت نهال لكن داليا صړخت ف وشها وفضلت تدفع نهال وكإنها بتدافع عن نفسها منها...وقف طارق وهو مرتبك مش عارف يعمل إيه...هو ده إللي كان خاېف منه وخرجه من حالة الإرتباك نهال وهي بتطلب منه يمسك داليا عشان تعرف تديلها الحقنه وأول ماقرب طارق منها إتشنجت أكتر وصړخت...إبعد عنييييي كلكم كلاااااب إبعد عنيييي لأااااااااااااااااااااااااااااااااا
وقفت نهال وهي بتاخد نفسها بعد إللي حصل وطارق بعد ما سند داليا وقف وبصلها بعصبيه...قولتلك يا نهال بلاش تجيبيها معاكي كنت متوقع هيحصلها كده
إتناول الجاكيت بتاعهه...حطه علي داليا ورجع قعد علي مكتبه كمل كلام ل نهال عن المتهمين والإجراءات إللي هيبدأها وبعد ساعه فاقت داليا من غير كلام قربت منها نهال بصت داليا حوليها بتحاول تفتكر...وأول ما إفتكرت إللي حصل إعتصرت دماغها بإيديها وهي مش قادره تقاوم الصداع بصت ل نهال بوهن...ممكن نمشي !
طارق...لحظه وهاجي أوصلكم
نهال...لا لا يا طارق خليك ف شغلك إنت وماتقلقش أنا معايا عربيتي
مشيت داليا نهال سانداها لحد ما ركبوا العربيه ورجعوا ع المصحه وداليا طول الطريق ساكته...طلعت أوضتها وإترمت ع السرير بصت للسقف شويه...إفتكرت كلام طارق عن المتهمين...كورت نفسها وبدأت نوبة البكا اليوميه .............
علي من وقت ما طلق هاله وهو حاسس بالذنب أووي وبدأ حنينه لداليا يعذبه إتجمعت عليه كل أحزانه وفضل يفتكر ف داليا وحياته معاها وحاله دلوقتي ودموعه نازله صڤعات علي خده
هاله منتظره شهور العده عشان تسافر...جهزت كل الإجراءات وأبوها موافق علي كل حاجه تعملها المهم تكون سعيده...جهزت كل حاجه وقررت ترجع تاني تستقر بره زي ما كانت قبل جوازها
داليا هديت بعد ما راحت ف نوع عميق وصحيت منه علي صوت هنا بنت علياء علياء راحت لداليا المصحه ومعاها هديه إتناولتها داليا وهي مبتسمه وأول ما شالت الغلاف وشافتها إيديها إرتعشت فوقعت الهديه من إيديها وبصت ل علياء رجعت بصت للهديه والذكريات بتدور ف دماغها ماقدرتش تقف قعدت ع السرير...مسكت الهديه بإيدين مرتعشه ونزلت دموعها وهي بتتأملها مش عارفه تبتسم ولا تبكي من الحسره والقهره ..
.
.
.
وإنتهت حلقتنا هنا إنهارده .. يا تري إيه الهديه إللي جابتها علياء لداليا خلت حالتها كده ! وإيه إللي هيحصل ف قضية داليا طارق هيقدر يوفي بوعده ليها ولا لأ ويا تري فيه مفاجآت تانيه ف حياة علي وهاله
13
وقفنا الحلقة إللي فاتت عند أما
داليا هديت بعد ما راحت ف نوع عميق وصحيت منه علي صوت هنا بنت علياء علياء راحت لداليا المصحه ومعاها هديه إتناولتها داليا وهي مبتسمه...
يا سلام يا سلام بقالي كتير أوووي محدش فاجئني بهدايا .. !
تفحصتها وهي بتقول...أممممم أخمن قبل ما أفتح
علياء...خمني بس أنا واثقه إنها هتعجبك إن شاء الله
داليا...هي أيا كانت هتعجبني لإن أبسط حاجه منك بتفرح قلبي وتخميني بيقول إنه كتاب أو يمكن بتمني كده أصل مدمنة قرايه زيي بقالها كتيير أوي ما قريتش بتتمني يقع ف إيديها دلوقتي أي كتاب
علياء...طاب إفتحي الغلاف يا دودة الكتب
داليا...دوده برده ماشي ماشي أنا بس عامله إحترام لهنوش لولاها كان هيبقي ليا تصرف تاني معاكي يا بت إنتي
بدأت تشيل الغلاف وأول ما شالته لقت كتاب إبتسمت بفرحه لكن إختفت الإبتسامه دي فجأه و إيديها إرتعشت فوقع الكتاب وبصت ل علياء رجعت بصتله والذكريات بتدور ف دماغها ماقدرتش تقف قعدت ع السرير...مسكت الكتاب بإيدين مرتعشه ونزلت دمعه حيرانه وهي بتتأمله مش عارفه تبتسم ولا تبكي من الحسره والقهره ..
علياء...داليا إنتي كويسه
هزت داليا راسها بأيوه من غير ما تبصلها بصت ع الغلاف
Dnt give up .... لا تستسلم
للكاتب ريان_المصري
علياء...أنا عارفه إنتي أد إيه بتحبي كتابات ريان المصري وعرفت إنه منزل كتاب جديد قلت أجيبهولك أكيد مشتاقه للقراءه
بصتلها داليا وهي بتبتسم بإمتنان .. ...تأملت الكتاب...لمست حروف الإسم بإيديها وكإن اللمسه دي رجعتها للذكريات......
لأيام ماكانت طالبه ف الجامعه...قاعده ف الكافتريا منتظره علي وبتتسلي ف روايه لنفس الكاتب...وأخيرا ظهر علي من باب الكافتريا دخل وقعد وداليا مندمجه ف القرايه ومش حاسه بيه...نتش الكتاب من إيديها ف إلتفتت
داليا...إخص عليك يا علي جاي تنتشه ف حته مهمه زي دي
علي...أه أقوم أمشي يعني وجودي ملهوش لازمه
داليا...لأ طبعا إيه إللي بتقوله ده !!! ثم أنا مستنيه حضرتك بقالي ساعتين هه وتقولي أقل من ساعه وهكون عندك صح !!!
علي وهو بيقفل الكتاب ويحطه قصادها...معلش يا حبيبتي الدكتور رخم علينا وطول شويه ڠصب عني والله
إبتسمت داليا...خلاص ولا يهمك مش زعلانه الأهم عندي مصلحتك
إبتسم علي...هو أنا مش بقول أحن قلب ف الدنيا يا ناس تشربي إيه
داليا...م إللي إنت هتختاره
إبتسم علي بخبث...طاب أنا هشرب بيريل تشربي معايا !
داليا...يععععععععععععععععععععععععع
علي وهو بيضحك...ليه ده حتي طعمه لذيذ
مسكت الكتاب وهتضربه بيه علي...ههههههههه خلاص خلاص ده طعمه إستغفر الله العظيم انا عارف الناس دي بتشربه إزاي أنا بقول نخليها كوكتيل
داليا...إذا كان كده ماشي
جاب العصير ورجع لقاها بتقرا ف الروايه
علي .. يا ربي مش عارف إيه حكاية الكتب دي الراجل ده بيستفزني
داليا...ليه بس هو عملك إيه وبعدين إنت قريتله إمته يا بكاش عشان يستفزك !!
علي...قريتله نص الكتاب إللي حضرتك جبتهولي هديه الشهر إللي فات بصراحه ومعرفش السبب ايه اتقفلت من القرايه ليه وماكملتش الكتاب وبعدين إنتي ليه بتقري كل كتبه بشكل مستفز كده
داليا...مستفز ! كاتب وبحبه و
قاطعها علي...نعم نعم قولي تاني كده كاتب وإيه !!!!!!!!
داليا...إحم كاتب وبحب أقرا الكتب بتاعته أسلوبه ساحر بالفعل بحسه كده بيتكلم عني وسبحان الله لما أقع ف مشكله ألاقي كتاب جديد نازل ليه وكإنه رساله ليا بتوجهني للصواب وتديني دفعة أمل معرفش إزاي بس بجد بلاقي نفسي بين سطور رواياته وكتبه العاديه كمان
علي...أممممممم يمكن بس أنا سمعت إنهم ملقبينه بالكاتب الغامض !
داليا...أها...لقبوه بالكاتب الغامض لإن محدش يعرف شكله ولا أي معلومات عنه غير إسمه حتي دور النشر مابيتعاملش معاهم بشكل مباشر وصرح قبل كده ف كتاب من بتوعه إنه حابب الأسلوب ده إنه مايعلنش عن نفسه و يكفي إسمه بيحب الغموض وشخصيته بطبيعتها غامضه فحابب حياته لجمهوره والناس اللي بتقراله يعني تكون غامضه كمان
علي...أممممم ما شاء الله ما شاء الله إلا قوليلي بقي هو بيحب ياكل إيه وإيه لونه المفضل
داليا...إيه السؤال الغريب ده بقولك محدش يعرف غير اسمه تقولي معرفش لون وأكل !
علي...لأ أصل شايفك بتتكلمي عنه بحماسه زايده يعني !
داليا...عادي يعني وإيه المشكله !!!!
علي...أممممم إيه المشكله دي بالنسبه ليكي لكن بالنسبه ليا تختلف !!
داليا...مش فاهمه !
علي...طيب يا داليا أبسطهالك أنا مابحبكيش تتكلمي عن أي راجل تاني ف وجودي ولا غير وجودي خلاص !!!
ضحكت داليا...هههههههههههههههههههههه علي إنت مچنون !! غيران من إيه !!!! من واحد مانعرفش حاجه عنه غير كلماته إللي بنقراها وبع
قاطعها...داليا خلص الكلام لو سمحتي ويلا بقي حطي الزفت الكتاب ده ف الشنطه وماتقفلنيش أكتر من الراجل ده
حطت داليا الكتاب ف الشنطه وهي بتضحك وتقوله...يا مجنووووون !
.
.
علياء...ها يا داليا إيه رأيك ف الموضوع ده
إلتفتت داليا...هه رأيي ف موضوع إيه !!
علياء...لا ده إنتي ماكنتيش معايا خالص !
داليا...معلش يا عليا مش مركزه عشان حاسه بصداع شويه
قربت علياء منها...سلامتك يا روح قلبي طيب خلاص إرتاحي وإحنا هنجيلك وقت تاني
داليا...لأ ما تمشيش أرجوكي خليكي جنبي مش عاوزه أقعد لوحدي ما تقلقيش أنا كويسه
علياء...طيب يا حبيبتي أنا هفضل جنبك بس مددي ع السرير عشان ما تتعبيش
إبتسمت داليا...بجد مش عارفه أشكرك ع الهديه دي إزاي ربنا ما يحرمني منك أبدا
علياء...ولا يحرمني منك يا دولي يا قلبي إنتي
حطت الكتاب تحت المخده وبدأت تطرد كل الأفكار من دماغها...مددت ع السرير جنب هنا إللي راحت ف سابع نومه وعلياء قعدت جنب داليا بتمسح على شعرها ويحكوا سوا
بدأت حفلة الخطوبه..... هناك ف ركن ف القاعه خالد واقف وجنبه محمود إللي ماسك كاس وبيتفرج علي بنات الطبقه الأرستقراطيه !
محمود...أووووف يالا يا خالد شايف إللي أنا شايفه ! إيه الصوارخ دي يا جدع يخربيت كده !
خالد...يا شيخ إتلهي كل دول قشره يعني منظر من بره لكن هتلاقيهم فارغين من جواهم وأصلا إللي عاملينه ف نفسهم ده عمليات تجميل بلا نيله
محمود...إحياة أبوك ما تعملي فيها فيلسوف دلوقتي مش وقتك خليني أملي عيني من المزز دي آآآآآخ يا بختك يا جاسر يا ابن المحظوظه وبعدين انا واقف جنبك ليه جتك القرف أنا أروح أتفرج براحتي بعيد عنك
خالد...مصلحه أوعي تنسي نفسك وتعمل حاجه كده
