رواية ضراوة ذئب الثاني عشر 12 "بقلم سارة الحلفاوي"

عينيها...
و أنا كمان!!
وكملت بإرهاق...
هقوم أعمل عشا...مكلناش حاجة من الصبح!
شدد على حضنها و مسح على شعرها و هو بيقول بهدوء...
زي م إنت متقوميش! هعمل أوردر!!
أومأت و أراحت رأسها على صدره...و بالفعل طلب طلبية أكل تكفيهم النهاردة و بكرة...إتنهدت و ضمت قدميها لصدرها ف بقى جسمها كله في حضنه...هو حاوطها كإنها بنته...ف قالت و أناملها بتعبث بزرار قميصه و بصوت حزين...
ماما و بابا ماتوا لما كان عندي عشر سنين...ماتوا في القطر زي ناس تانية كتير كانوا معاهم...و إتربيت مع جدتي و خدت بالها مني و ربتني...و رغم إنب كنت بحبها أوي و كانت بتعاملني بحنان بس مافيش حد يقدر يعوض وجود أم و أب...كنت قبل م أنام لازم أعيط على مخدتي و أتكلم مع بابا كإنه سامعني...كنت بحب بابا أوي أوي و ماما طبعا بس بابا كان بيعاملني كإني أميرة! عمره ما زعقلي و لا ضړبني ولا كان بيخلي ماما تضربني...لما ماټ عرفت يعني إيه كسرة الضهر...و طلعت إشتغلت من وأنا صغيرة...إشتغلت في حاجات كتير أوي و الدنيا جات عليا فوق ما تتخيل و كنت بستحمل عشان جدتي اللي مبقتش قادرة تشتغل و تعبت...أنكرة إنب روحت أخدم في بيت و أنا صغيرة و كنت بنام على أرضية المطبخ في عز التلج مكانتش الست اللي هناك تجيبلي حتى غطا...و رغم إني كنت صغيرة ساعتها مكملتش ١٤ سنة جوزها كان بيبصلي...و في مرة حسيت بإيده بتمشي على جسمي و آآآ!!!
سكتت للحظات لما حست بإيده اللي محاوطة خصرها بتقسى و كإنه مش في وعيه...أنت پألم و قالت محاوطة رقبته بتستخبى منه فيه...
زين!!
أدرك اللي هو بيعمله...ف لانت قبضته على خصرها و مسد على ضهرها برفق وقال...
كملي!
سا .. ساعتها صوت و طلعت أجري من البيت ده...و من بعدها إشتغلت في محل لبس و كنت بقبض كويس و بجيب علاج لتيتة الله يرحمها وبصرف على دروسي لحد م دخلت الكلية و المحل كان صاحبه راجل كبير كان بيعاملني زي بنته...لحد م غير فرع المحل في محافظة تانية