رواية مكتوبة على اسمي الفصل الخامس عشر 15 "بقلم ملك ابراهيم"
انت في الصفحة 5 من 5 صفحات
بترحاب شديد وقعدوا اتكلموا مع بعض كتير عن ايام الجامعة ومواقف كتير كانت بتجمعهم وعامر كان بيتكلم وعقله مشغول ب آيات واتكلم مع امجد بفضول وسأله...البنت المحجبه اللي كانت مع اختك في القسم إمبارح شوفناها وإحنا طالعين دلوقتي!
امجد...ااه.. آيات تبقى موظفه عندي وتبقى صحبة هاجر أختي.
أمجد...لا بقالها شهرين او تلاته بالكتير.
شريف وعامر بصوا لبعض وأمجد اتكلم مع عامر بنبرة عتاب...بس انا زعلان منك يا عامر.. كده تخطب ومتفكرش تعزم أصحابك!
امجد هز راسه بتفهم لانه شايف ان خطيبة عامر مش مناسبه له ابدا واحتفظ برأيه لنفسه حفاظا علي مشاعر صديقه وقال بنبرة مرحة...انتوا نورتوني في الشركة النهاردة.
امجد ابتسم وقال...احنا مفيش بينا الكلام ده يا عامر.. انا قولت كده قدام خطيبتك إمبارح عشان اعرفها ان غلطها مش سهل لكن أختي انا هجبلها عربية جديدة هتفرح بيها وتنسى اللي حصل.
أمجد بإصرار...شكرا يا عامر وصدقني الموضوع مش مستاهل وكفايه انهم كانوا سبب اني اشوفكم.
عامر بص ل امجد بتفكير وقال...طب علي الاقل اهدي اصحابها بأي حاجة ويبقى اعتذار ليهم علي اللي حصل.
عامر بصله وقال...كنت بفكر اني اقدملهم هدايا مميزة ويكون مكتوب عليها اسمائهم.
امجد بصله وقال...بصراحة انا معرفش اسمائهم.. معرفش غير آيات لانها موظفه عندي وباقي البنات أصحابهم معرفهمش بس ممكن اكلم هاجر اختي وأسألها.
امجد كتبله اسمائهم وكتب اسم آيات معاهم.
آيات عرفان.
عامر اول لما شاف الأسماء وقرأ اسم آيات عرفان واتأكد انها هي مراته رجع ضهره ل ورا براحة وكأن كان في هم تقيل على قلبه وخف.
قام وقف هو وشريف وشكروا امجد ونزلوا في الاسانسير وشريف سأل عامر بفضول...ايه اتأكدت
عامر بسعادة...هي مراتي.
شريف ابتسم وقاله...طب وناوي على ايه... بقلمي ملك إبراهيم.
.. يتبع
