رواية "عامر وايات" الفصل الثاني والعشرون 22
الاسورة من ايديها وبتديها ل ميرنا وبتقولها بيعيها وخدى فلوسها!
شريف وقف مصډوم من اللي بيحصل ومش فاهم ليه خالته بتعمل كل ده وبتسمح للعيلة دي يستغلوها!!
ميرنا اخدت منها الاسورة وحضنت ميسرة وقالتلها...كده اتفقنا يا طنط وبابا مش هيعرف اي حاجة من اللي حصلت هنا.. لا هيعرف اللي عامر عمله معانا ولا الاسورة اللي انا هاخد فلوسها.
رواية مكتوبة على إسمي بقلمي ملك إبراهيم.
عند عامر وآيات.
وقف بالعربية قدام العمارة وآيات اتفاجأت لما شافت عربيته وهو بينزل منها.
آيات بعناد...شكرا انا بعرف ارجع لوحدي ولما تكون حضرتك مشغول مع بنات مش ضروري تشيل همي وتبعتلي السواق بتاعك!
ردت بتلقائية...مين قال كده!!
آيات اتوترت وحست بالخجل وقالت بارتباك...لا..
ضحك وقال...عرفتي بقى انا بعت السواق ليه
عامر...انتي بتظلميني على فكرة.. لو كنت مشغول مع واحدة تانيه زي ما بتقولي مكنتيش هترجعي تلاقيني هنا.
آيات بعصبيه...اومال مين اللي سمعتها جمبك وبتقولك عامر حبيبي مش دي خطيبتك برضه انا عرفتها من صوتها على فكرة.
عامر...هي فعلا وكانت جايه مع امي وانا سيبتهم وجيتلك انتي.
آيات بصتله بتفكير وعامر اتكلم معاها مرة تانيه وقال...آيات.. الوضع اللي احنا فيه ده مش هينفع يطول اكتر من كده.. انا مش هسمح ان مراتي تبقى عايشه في مكان وانا في مكان تاني ولما احب اشوفك او اقابلك يبقى في الشارع كده!!
آيات بصتله بتوتر وخجل وقالت...وعايزنا نتقابل فين
عامر...في بيتنا يا آيات.
آيات بعصبيه...قولتلك انا هفضل عايشه مع البنات هنا!
عامر بصلها اوي وقال...لحد امتي
آيات بارتباك...مش عارفه.
عامر بثقة...بس انا بقى عارف.. فاضل أسبوع علي إمتحانات اصحابك وبعد ما الامتحانات تخلص هياخدوا الاجازة وكل واحدة فيهم هترجع تقضي الاجازة مع عيلتها وانتي هتبقي لوحدك وانا مش هسمحلك تعيشي في الشقة لحظة واحدة لوحدك.
آيات بصتله پصدمة وعامر هز راسه بثقة وقالها...فكري كويس يا آيات.. مكانك معايا وفي بيتنا.
آيات فكرت في كلامه پصدمة لأنها فعلا كانت ناسيه امتحانات البنات والاجازة وهي هتخاف تقعد في الشقة لوحدها ومفيش
