رواية ضراوة ذئب زين الحريري الفصل العشرون 20
إديتهم أجازة النهاردة..لما مشيوا دخلت المطبخ و تملتله الأكل اللي عارفة إنه بيحبه و حطته على السفرة..نثرت جنبها ورود حمرا و شموع عطرة..بصت في الساعة ف لقت إن فاضل ساعة على ميعاد رجوعه..قطبت حاجبيها بضيق و قررت تكلمه!
مسكت تليفونها و كلمته..قعدت على الكرسي و أول ما الخط إتفتح و رد بهدوء..
..أيوا يا يسر!!
قالت بصوت مرهق زائف..إبتسمت بمكر لما لقته بيقول بقلق شديد..
..مالك في إيه!!
همست ب صوت مهزوز..
..مش عارفة يا زين..تعبانة أوي!!
..طيب أنا جايلك!!
قال بلهفة و قفل معاها..إبتسمت بنجاح مخططها وسقفت بفرحة..لتشهق بخضة مدركة إنها لسة مجهزتش..كانت هتجري على السلم إلا إنها مشيت خطوة خطوة و هي بتقول بشكل مضحك..
و طلعت على السلم بهدوء وصلت لجناحها..خدت شاور على السريع و لبست فستان أحمر غامق مفتوح من الجنب اليمين و صدره مفتوح على شكل قلب..لبست كعب و حطت خلخال و إبتدت تحط لمسات خفيفة من المكياچ على وشها..رتبت خصلاتها سريعا و فردتهم على ضهرها..نثرت عطرها المفضل و مسكت إختبار الحمل في إيديها و نزلت على السلم..خبته تحت مفرش السفرة..سمعت صوت عربيته برا ف ربتت على قلبها و هي بتقول..
و إبتسمت بفرحة مش طبيعية..قرت من الباب و فتحتله هي قبل ما يدخل..مخدش باله من شكلها و أسرع محاوط وجنتيها بيقول بلهفة قلق عليها..
..في إيه! حاسة بإيه!!!
إبتسمت و هميت بلطف...حاسة إني بحبك!
عينيها نزلت لفستانها و طلعت تاني ل شعرها و وشها..بص وراها لقى السفرة و الشموع و أكل ريحته واصلاله..إتنهد و بعد عنها بيرجع خصلات شعره ل ورا بإيديه و هو بيقول بضيق....طب و ليه وقعة القلب دي!!
إبتسم..ف إبتسمت له و مسكت إيده شدته للسفرة و قعدته على الكرسي المترأسها.. ومسكت المعلقة بتمليها بالأكل و بتأكله..و بعد أول معلقة مسك إيديها و شال منها المعلقة وباس كف ايديها و إبتدى هو يأكلها..أكلت و هي مبتسمة وهمست ب حب..كنت واحشني النهاردة أوي!!
إزدردت ريقها و بعدت وشها عنه و همست مغمغمة..
..أنا عايزة أقولك على حاجة!
..قولي على عشر حاجات!
قال و عينيه بتمشي على ملامحها ب بطء..ف مسكت كفه و حطتها على بطنها و قالت ب رجفة...زين..أنا حامل!!!
إتصدم..لدرجة إن الصدمة ظهرت على ملامحه و نزل بعينيه لبطنها و رجع بصلها و هو مش مصدق اللي سمعه..إبتسمت بسعادة و هي بتومئ براسها..و سرعان ما لفت و رفعت المفرش و خدت الإختيار و حطته قدام عينيه و همست بفرحة حقيقية..
..أهو..النتيجة Positive!! لما نزلت بعت الحجة رحاب تجيبهولي و لما جربته لقيت إني حامل!!
مسكه
