رواية عهد الاسود الجزء الثاني (الفصل 13: 18) بقلم زهرة الربيع
منو وقالت...هزر هزر تمام...بنتك الحلوه الصغيره دي متخانقه مع وعد وخلتها شلفطتها والحلوه التانيه دي متخانقه مع جوزها من امبارح وهتطلق
وتقعدلك وابنك الحيله ضايق اسد تاني وضړبو تاني وانا طهقت وهطفش ومش هتعرفولي طريق جره اهم عيالك واتصرف بقى دي عيشه تقصر العمر
قالت كده بمنتهى الڠضب ومشيت وسابتو واقف مصډوم من الي اتقال وظهر الڠضب على ملامحو وقال پغضب..بت ياليالي انتي صحيح هتطلقي يا بت
قال بايتسامه..تعالي ابوكي يا حببتي.. امك دي بومه اصلا مهي فيه اخبار حلوه اهيه
عند روز راحت ورا نديم ولقتو قاعد بيلعب بتليفونو پغضب في اوضتو دخلت وقفلت الباب بسرعه
بقلم..زهرة الربيع
نديم وقف وقال بحزن..بلاش تجيبي لنفسك مشاكل مع ابوكي اخرجي يا روز
روز قربت منه بسرعه وباستو من خده الي اسد ضړبو عليه وقالت بدموع..حقك على قلبي يا قلبي انا ...سامحني يا نديم..انت اتبهدلت قوي من ورايا
بعدت عنه وقالت بدموع..ولا انا هقدر البس دبلة غيرك..وكمان مقدرش اكون مرتبطه بواحد واكون مع غيره انا هحلها متقلقش..بس انا عيزاك تسيبلي فرصه اكلمو انا وان شاء الله هكلمو قبل الفرح
غالب كان عايز يضحك على عصبيتها واول ما وصل عند الباب ضړبو برجلو قفلو وشدها عليه بقوه وبص لعيونها جامد وقال..طلعتي وارثه من جنات بابا وانا معرفش اول مره اشوفك مټعصبه كده
بقت تدفعو بكل قوتها بس كان متمكن منها وقال بدموع..تقدري ټعيطي في حضڼي مش هتلاقي مكان يحتويكي قدو صدقيني اتخلق علشانك يا وعد
غالب ابتسم وسابها وقال بابتسامه...ماشي ياقلب غالب..انا هعمل كل الي تطلبيه..انتي تؤمري قلبي أمر
بصتلو باستحقار وقالت...الأمر لصاحب الأمر اللي انت متعرفش عنو حاجه ...بس انا بقى...عرفاه وبثق في رحمته ومتأكده ان هيجي يوم وياخدلي حقي منك..انا سكت انهارده علشان ابويا ...علشان مينزلش راسو قدام حد...لكن وحياة كسرة نفسو وراسو الي نزلها قدامي ما هعديهالك يا غالب..وبكره تعرف معنى كلامي
قالت بدموع وحسره...للاسف بدعيلك يا غالب..ربنا يكفيك شړ نفسك الي مفيش اسؤ منها
غالب كانت دموعه مش عارف يحوشها من نظراتها سابها وفتح الباب ولسه هيمشي جات روز وهيه بتجري بسعاده وقالت ...وعد وعد الحقي ماما جات يا وعد
وعد بصتلها بزهول وقالت ...ايه
تحت كان الجميع متفاجأ برجوع نتالي الي كانت المفروض هتنزل بعد ايام
اما اسد فكان واقف في
الزاويه والدموع في عيونه ومش عارف هيقولها ايه بالنسبه لوعد..امانتها الي سابتها معاه
نتالي قربت منو بدموع ومدت ايدها ووووووو
عهد الأسود الجزء الثاني 18
كان واقف بيبصلها بدموع ومش قادر ينطق
نتالي قربت منو وقالت بابتسامه...اسد..عامل ايه
اسد حاول يحبس دموعه وقال بحزن..انا بخير يا نتالي انتي تمام
قالت بابتسامه..انا دلوقتي تمام
بصلها وابتسم بحزن وقال...احم..قولتي هترجعي بعد اربع ايام..يعني لو قولتي كنا استقبلناكي حتى
ابتسمت وقالت...حبيت اعملكو مفاجأه ..بس شكلك منبسطتش
ابتسم وقال..ابدا والله..مبسوط جدا ده انتي وحشتيني قوي..احم..قصدي وحشانا كلنا والبنات يعني و
بس قطع كلامو لما نزلت روز وهيه بتصرخ بفرحه وبتقول ..ماما ..وحشتينييييي يا ماما
نتالي بقوه وبقت وقالت..انتي اكتر يا قلبي وحشتيني يا روز قلبي انتي
روز قالت بسعاده انتي اكتر يا ماما وحشتيني قوي
نتالي ابتسمت وقالت..عامله ايه في دراستك تمام..و..ووعد اختك ..صحيح وعد فين
روز قالت بابتسامه ...جايه ورايا على طول
وعد كانت نازله على السلم ونتالي اتقدمت عليها واتفاجأت بمنظرها عيونها دبلانين وواضح انها باكيه كتير ومش بتنام ضعيف قربت منها وقالت بدموع...وعد..اذيك يا حببتي
ةعد سلمت عليها بضيق بس بمنتهى الاحترام وقالت...الحمد لله..حضرتك عامله ايه
نتالي ابتسمت وقالت..مش ماما ولا ايه
وعد ابتسمت بالعافيه وبعدت بسرعه وقالت..عن اذنك تعبانه شويه..عن اذنكم جميعا ومشيت وهيه بتستند على السلم بضعف واحباط
نتالي نزلت دموعها وبصت لاسد وقالت بجديه البنت مالها يا اسد.. فيه ايه بالظبط
عند اسامه كان لسه فوق مع بناتو تاره وليالي بعد اللي قالتو شوق بصلهم بضيق وقال ...تاره انت اطلعي استنيني في اوضتك اخلص مع اختك واجيلك
تاره هزت راسها بالموافقه ومشيت بحزن وخوف
واسامه بص لليالي وقال... ها بقى سيبك من الهزار متضايقه ليه من جوزك
ليالي قالت بدموع ..مش مقدر خالص اللي انا فيه يا بابا انت شوفت احنا من لما جينا هنا والدنيا متلخبطه على الاخر وهو قال ايه انا بتجاهله ومن ساعه ما جينا مش بشوفو ولا بكلمو ابدا
اسامه قال بزهول...ايه الاسباب التافهه دي يعني ايه بتتجاهليه ان شاء الله هو عايزك تلزقيلو ليل ونهار علشان تبقي كويسه
ليالي قالت بضيق ..شوفت قله ذوق و
قاطعها وقال بسرعه دي قلة ضړب مش قله ذوق ما هو لو بيصبحك بعلقھ ويمسيكي بعلقھ مكانش يبقى ده حالك
بقلم..زهرة الربيع
ليالي قالت بزهول ..انت بتقول ايه يا بابا انت معايا ولا معاه
اسامه اتنهد وقال ...مع الحق يا حبيبتي ما هو مفيش راجل بتاعو يستحمل المعامله دي كمان هو ملوش دعوه بمشاكلنا دي اصلا ولا المفروض تدخليه فيها المفروض يبقالو وقتو ومتقصريش معاه.. يعني عندك امك كانت بتخلي بالها من البيت ومنكم كلكم وفي نفس الوقت عمرها ما اتجاهلتني ولا حسيت انها مهمشاني في حياتي
ليالي قالت بحزن ...يعني انا غلطانه
اسامه قال بسرعه ...وعايزه ضړب الجزمه ...بس طبعا مش هنقوله كده بدل ما يسوق فيها ..انتي تيجي معايا وتروحي تصالحيه اي نعم هوغتت وميتقعدش معاه عارف بس ده اختيارك
وانتي اللي جبتيه لنفسك لما اصريتي عليه يلا معايا
و اول ما طلعت من الاوضه اتفاجئت بمرتضى طالع ومعاه شنطه هدومه وقال بسرعه.... هي كلمه واحده هتيجي معايا كان بها مش هتيجي خليكي وهبعت لك ورقه طلاقك يا ليالي علشان انا جبت اخري منك
ليالي لسه هترد اسامه طلع وقال... انت بتكلمها ازاي كده يالا ...زعلان على كام يوم اتجاهلتك فيهم ...انت عارف دي عملت ايه علشانك
مرتضي قال بضيق..عملت ايه بقى ان شاء الله بنتك يا عمي...دي قطعت سفرنا وقالت بابا وحشني قولتلها تمام يا روحي الايام جايه كتير ورجعت معاها..ولحد انهارده مشوفتش اهلي وقولت المهم تبقى مبسوطه...بتفضل طول النهار هنا في البيت مش بتسأل فيا وبقول معلش فيه شويه مشاكل لكن الموضوع ذاد عن حدو دي حتى مش بترجع تبات معايا انا زهقت
اسامه بصلها بدهشه وميل عليها وقال..انتي مش بتباتي معاه
نزلت راسها وهزتها بالموافقه اتنهد وبص لمرتضى وقال..احم...وافرض عملت كده..طبعا ما هو انتي لو تقوليله كنتي ايه قبل ما تتجوزيه .. يفهم الدنيا ماشيه ازاي ...اللي انت شايفها دي اتقدم لها عرسان بعدد شعر راسها وهي رفضتهم كلهم عشان تاخدك انت
مرتضى اتنهد بضيق واسامه كمل وقال .. ليالي دي الي مش عجباك اول ما دخلت الجامعه المدير بتاعها حلف راسو والف سيف ليكتب لها الجامعه باسمها قال ايه علشان ما تدرسش عند حد
ليالي كانت بتبص لاسامه وبتوافقوا على الراي واسامه كمل وقال ...دي لما كانت تشتري من اي ماركه مكانوش ياخدوا منها حقها لانها معنى انها تلبسها ده شرف للمركه اصلا
مرتضى بصلو بسخريه و اسامه كمل وقال ..خد التقيله بقى انا مكنتش عايزه اقولك واعقدك نفسيا بس انت اللي مصر... دفينشي لما جه يرسم الموناليزا فكر في ليالي الاول وكانت اللوحه الاصليه اسمها لوليزا.. بس انا رفضت خفت عليها من الشهره وكده
مرتضى بقى يبصلو بدهشه
وليالي ميلت عليه وقالت... مش واسعه دي شويه يا بابا
اسامه ميل عليها وقال... يعني كل اللي قبلها كان ضيق اسكتي انتي
عند جبران كان بيبص لحنين پغضب لما قالت انها سمعته هو وعمه وقال... سمعتي ايه ها سمعت ايه اتكلمي
حنين بلعت ريقها بارتباك من شكله وقالت..
ابدا مسمعتش حاجه
جبران مسكها من دراعها وقال پحده..انطقي يا حنين سمعتي ايه بالظبط
بلعت ريقها بارتباك وقالت..سمعتو قلك..قلك مخدتش حق ابوك..و...وانت قولتلو يا عمي..هو..هو فعلا عمك
جبران سابها وغمض عنيه واخد نفس عميق وبصلها بصه تخوف وقال...انتي تنسي اي حاجه سمعتيها..صفوان ابويا ولو حد عرف غير كده مش هيعجبك ابدا
ولسه هيمشي مسكت ايده بسرعه وقالت..انا مبقتش اخاڤ منك يا جبران..انا بقيت اخاڤ عليك..انت اطيب اقوي من الشخص الي بتظهره..ولو مصلحتك ان محدش يعرف حاجه من الي سمعتو لو اتقطعت رقبتي مش هنطق حرف
جبران اتفاجأ من
الي قالتو وبصلها وقال بتوتر..ليه.
حنين قالت باستغراب..هو ايه الي ليه
قال وهو مركذ على عيونها..ليه كل ده..ليه بتعملي كل ده يا حنين..ليه عرضتي نفسك للخطړ وجيتي ورايا..ليه طلعتيني واصريتي متمشيش من غيري رغم كل الي عملتو معاكي مش لاقي اي سبب للي عملتيه ابدا
حنين قالت بابتسامه...يمكن لاني شوفت جواك الي محدش شافو يا جبران
جبران ضم قميصه عليه وهو بيبص لنفسو وقال..شوفتي ايه محدش شافو..يا مصبتتتي هو احنا فينا من اخوانه
عند نتالي اسد بص بعيد عنها وقال..هيه..احم..هيه هتتجوز الاسبوع ده..و..وعلشان كده متوتره
نتالي اتسعت عنيها بشده وقالت..نعم...هتتجوز..وعد..هتتجوز..انت..انت ازاي تفكر كده..تتجوز ازاي دي البنت صغيره كتير
اسد قال بتوتر ..احم..ده.. ده عندكم هناك صغيره هنا يدوب... وبعدين هيه خلاص الاسبوع ده هتم ال١٨ و..و
نتالي قاطعتو وقالت..وكنت ناوي تقولي امتى..لما بنتي تتجوز ومشوفهاش..اسد..قول الحقيقه..البنت شكلها مش موافقه..انت جابرها..ها.. انت ضاغط عليها في الجوازه دي
اسد بلع ريقه وسكت بحزن.. وضرغام قال بسرعه..انا اسف اني بدخل..بس..بس مفيش ضغط ابدا البنت متوتره..واصلا العريس ابني يا نتالي انتي عرفاه يعني
نتالي قالت باستغراب..ابنك مين فارس مش كنتو قولتو فارس هيخطب روز
ضرغام قال بارتباك احم..لا..مش فارس.. غالب
نتالي اتسعت عنيها بزهول شديد وقالت..نعم...غالب
ضرغام لسه هيرد نزل غالب وهو بيصفر بانبساط واول ما شاف نتالي قال بابتسامه بارده..حماتي..يامليون اهلا
ابوه قال پخنقه..غالب
غالب قال ..فيه ايه ..بسلم عادي
نتالي قالت پغضب اسد عيزاك لوحدنا لو سمحت
غالب غمزلو وقال..هاصت معاك يا حمايا..يسهلك يا عم
اسد بصلو پحقد نظرات هتحرقه وغالب مشي كان مستعجل عايز يروح لجبران ويوديلو كل الي هيحتاجو
واسد اتنهد پخنقه وقال..تمام يا نتالي ..اتفضلي معايا على المكتب
عند فارس راح لتاره ودخل وقفل الباب وراه من غير استأذان
تاره كانت پتبكي على السرير واول ما شافته اتسعت عنيها بزهول وقالت ..فارس...انت بتهبب ايه اخرج حالا بابا هيجي ورايا
فارس قال بتوتر وسرعه..لازم..لازم نتكلم
تاره قالت پغضب
