رواية عهد الاسود الجزء الثاني (حصري من الفصل 1 الى الخامس والعشرون 25) بقلم زهرة الربيع

بقلق وقالت... عايز ايه متخلينيش اندم اني ساعدتك وجيت معاك هنا
جبران ابتسم وبص لعيونها جامد وقال... عايزك قريبه مني قوي لو اقدر اخبيكي جوايا كنت عملتها معرفش ايه اللي بيشدني ليكي للدرجه دي... بس مش عايزك تبعدي دقيقه
حنين ابتسمت بسعاده وقالت... مش فاهمه يعني عايز ايه
قربها ليه اكتر وقال... عايزك يا حنين.. عايزك قوي مسألة حياه او مۏت...و لسه هيقرب منها تاني دفعته پغضب وقالت... انا مش فاهمه يعني قصدك ايه بالكلام ده كله لو متخيل انك ممكن تقربلي تبقى بتحلم انا قلتلك الكلام ده قبل كده لما كنت
خاطفني جديد فاكر ولا لا
جبران سابها وابتسم بسخريه وقال... انا وقتها كنت اقدر اخد كل اللي انا عايزه ودلوقتي كمان اقدر اخذه ...بس انا سبتك لاني عمري في حياتي ما جبرت واحده عليا بالعكس ده انا كل الي عرفتهم كانو هما الي بيتمنوني...وزي ما سبتك يومها دلوقتي برده هسيبك... على راحتك.. مفيش حاجه مستاهله التعب اصلا
ولسه هيمشي مسكت ايده بسرعه وقالت ...بس انت ممكن تقرب لي عادي جدا ومن غير اي تعب
جبران بص لها بزهول وقال ...يعني ايه
حنين قربت اكتر وقالت.. زي ما سمع اعمل كل اللي انت عايزه بس بشرط
جبران شدها عليه وقال بلهفه...انتي تؤمري مش تشرطي 
حنين قالت بتردد ...نتجوز 
جبران رمش بعيونه بدهشه وهو مش مصدق الجمله اللي قالتها وقال...نعم يا روحي.. نت إيه
عند اسامه طلع جري مع فارس بعد ما قاله ان شوق تعبت
دخل الأوضه بسرعه وقعد جنبها وقال پخوف .. ايه اللي حصل ..كانت كويسه دلوقتي.. كانت معايا
غالب قال بسرعه ...اهدى يا عمي هي.. هي كويسه تلاقيها بس مفطرتش كويس
اسامه قال بقلق..لا ..لا فطرت معايا وكانت كويسه شوق حبيبتي قومي ردي عليا...و بص لمرتضى پغضب وقال... انت قولتلها حاجه اتكلمت معاها ...انا عارفك تعلي ضغط البارد
مرتضى قال بسرعه.. وانا مالي يا عمي ...والله ما جيت جنبها ولا قلت لها حاجه
اسامه كان بيحاول يفوقها ومخضوض جدا وبص بنديم وقال هو بيبص لها پخوف... اتصل بالدكتور بسرعه يا نديم بسرعه
نديم كان واقف بتوتر شديد ودموعه على خده
اسامه بصلو بشك وقال.. في ايه بالظبط ..هو حصلت حاجه اما معرفهاش
نديم لسه هيتكلم غالب قال بسرعه...لا ابدا يا عمي... بس مخضوض على امه... روح انت اتصل بالدكتوره يا نديم ولا أقولك انا جاي معاك يلااا...واخده ومشي بيه
اسامه شك اكتر وبص لمرتضى وقال.... مرتضى حبيب عمو... ايه اللي حصل هنا بالظبط
مرتضى ارتبك وبقى يبص شمال ويمين وقال.. ها بتكلمني انا يا عمي
اسامه ابتسم بسخريه وقال ...لا يا حبيب عمو.. مدام اتفرجت على ديكور الاوضه كده يبقى شكي في محله 
تاره قالت پخوف... بابا هي ماما مالها
اسامه اتنهد وقال... دلوقتي هنعرف كل حاجه يا حببتي.. الدكتوره زمانها على وصول ..ومسك ايد شوق وقال شوق شوق يا حبيبتي ردي عليا يا رب
بره كانو كلهم واقفين قدام اوضه شوق وكشفت عليها الدكتوره واديتها حقنه وابتدت تستعيد وعيها وخرجت الدكتوره وقالت ضغطها علي فجأه... يمكن اتعرضت لانفعال او حاجه زعلتها
اسامه كان بيبص لنديم الي دموعه مش بتقف واتنهد وقال ...طيب حضرتك هتكتبي لها ادويه
الدكتوره قالت..اكيد هكتبلها على شوية ادويه هتساعدها وربنا يشفي ..وادت الروشته لغالب ومشيت
نديم اتقدم على الاوضه ولسه هيدخل عندها اسامه بصله پحده وقال... محدش هيدخل عندها.. انا هدخل اتكلم معاها
نديم قال بسرعه وخوف ...
بس يا بابا عايز اقولها حاجه و
اسامه بصله پغضب وقال... هادخل انا الاول يا نديم
نديم رجع واتنهد بيأس وبقى يستني قدره المحتوم
اسامه ميل على ضرغام وقال بهمس... في مصېبه جديده
ضرغام بصله وقال...يا ابني اتفائل خير
اسامه اتنهد وقال...دي شوق يا ضارغام عمرها ما هزتها حاجه..معنى انها تقع كده يبقى فيه كرسه... حاول تسرب الجمع ده كله علشان نعرف نلم الموضوع
اسامه دخل عند شوق وضرغام بص لعهد وقال ...احم خلاص يا قلبي انا هخليكي تطمني عليا شويه بس دلوقتي اسامه دخل لها يلا ..يلا يا اولاد كل واحد يروح أوضته
وبالفعل كل واحد راح على أوضته الا نديم فضل واقف بتوتر
غالب استنى لحد ما ابوه مشي وطلع تاني راح لنديم
نديم بصله بدموع وقال...هتقوله ..هتقوله على كل حاجه دي عمرها ما خبيت عنه
غالب اتنهد وقال...صدقني كله في صالحك ..اصلا عمي اسامه مش متهور زيهم وبيوزن الامور زينا بالظبط ومتاكد انه هيقف معاك..و كمل بمرح قاصد يخرجوا من الحاله اللي هو فيها وقال...بس هو الجواز ده من امتى قبل الدروس ولا بعد
نديم ابتسم على كلامه وقال ...ده وقته غالب بقى..اكيد قبل الدروس يعني
غالب ضحك وقال..والله مطلعتش ساهل انت و
بس قطع كلامو لما جات رز ووقفت جنبو وقالت بتوتر..احم..نديم..ان شاء الله هتبقى كويسه متقلقش
غالب بصلهم وابتسم ومشي وهو بيغمز لنديم
نديم بصله بيأس ورجع بص لروز وقال بتوتر... ان شاء الله يا حبيبتي
روز قالت بارتباك... هي سمعت ايه علشان تتعب كده
ناديم خاف يقولها انه قال على جوازهم قدام الكل لانو عارف انها هتتوتر تاني وتتعب قال...احم.. ابدا يا روحي تلاقيها بس مفطرتش او حاجه انتي روحي نامي ان شاء الله هتبقى كويسه وانا هبقى اطمنك عليها
روز استغربته وراحت على اوضتها بعد اصرار منو انها تمشي ..وهو فضل واقف قدام الاوضه بقلق شديد
عند غالب لقى وعد رايحه على اوضتها جري وراها بسرعه وقال...وعد ...في حاجه كنت عايز اقولهالك
وعد بصتلو پحده وقالت ....مفيش بينا اي حاجه تتقال
غالب وقف قدامها علشان ما تمشيش وقال ...لا فيه وموضوع مهم كمان... انتي عارفه ان فرحنا اتحدد بعد بكره..وكنت حابب ننزل انا وانتي يعني من بعد اذنك نشتري شويه حاجات هتحتاجيها ...وعايز اشتريلك فستان الفرح... واشتري لك هدوم كمان
وعد بصتلو بزهول وبعد كده ضحكت جامد ضحكه جميله رغم الالم اللي جواها لكن خطفت قلبه.. بصتله وقالت.... عارف رغم كل ده بجد... لكن اوقات بشفق عليك.. اهلك سايبينك يا حرام انت المفروض تتعالج
غالب اتنهد بضيق وقال.. ليه يا وعد.. ما انتي هتلبسي فستان فرح عادي فيها ايه لما نختاره سوا
وعد كانت عايزه تضحك على كلامه وقالت بضحك..صدق اللي قال شړ البلية ما يضحك... وفاجئته وقالت بجراءه شديده متوقعهاش ...ايه رايك تشتري لي قمصان كمان
..بما اننا هنتجوز يعني وكده
بقلم...زهرة الربيع
غالب اتفاجئ جدا وفضل يبص لها بزهول وقال..يا ريت..احم.. لو توافقي نروح ونشتري انا ذوقي في الحاجات دي حلو قوي
وعد قالت بمنتهى الڠضب ...لاخر مره هقولك ما تتكلمش بصيغه الجمع في اي موضوع بيني وبينك.. وانسى ان يكون بنا اي حياه او اي كلام حتى انا مش هحتاج لجوازتنا المقرفه دي غير فستان مقرف البسه لواحد مقرف زيك... ومتتعبش نفسك يا غالب باشا ..لان حتى لو عايزه اشتري معاك مش هينفع..لان لبس الرقاصات اللي بيعجبك مبيمشيش معايا ...وكملت بزعيق وڠضب وقالت...فخليك في حالك وانسى اني ابقى ليك في يوم من الايام او اشاركك في اي حاجه انا مستحيل ابقى لواحد ۏسخ زيك مستحيل تجمعنا اي حاجه و
بس قطعت كلامها لما شدها بقوه عليه بدون اي مقدمات
عند اسامه دخل لشوق ولسه هتقعد قعد جنبها وقال بسرعه... زي ما انتي يا قلبي خليكي مرتاحه
شوق بقت تبص له بدموع وحاولت تبعد عيونها عنه
اسامه ابتسم و رفع وشها ليه وبص لعيونها وقال.. اذا حابه تتكلمي معايا زي العاده ..انا جاهز اسمعك واذا حابه تخبي عني لاول مره انا معاكي برضو...بس في الحالتين ما تبعيديش عيونك عني ده الي مش هسمح بيه ابدا
شوق نزلت دموعها بغزاره وبقت تبكي بشده وقالت ..انا مش هقدر اخبي عنك انت بذات... فيه مصېبه يا اسامه مصېبه
اسامه قلبه بقى يدق پخوف من لهجتها وبص لها وقال بجديه سامعك ووووووو
ولللللللعت يا مصيبتك يا نديم عايزه
عهد الأسود الجزء الثاني 22
ابننا يا اسامه طلع متجوز متجوز واحنا منعرفش مصېبه مصېبه سوده
اسامه اتسعت عنيه بذهول ووقف بسرعه وقال... انتي بتقولي ايه ..متجوز ازاي
شوق قالت بدموع ..سمعتو بوداني كان پيتخانق مع فارس.. قلو متجوز وكاتب كتابه عليها
اسامه قعد جنبها وقال بارتباك... روز مش كده
شوق هزت راسها بالموافقه وقالت... ايوه متجوزين ..احنا هنقول لاسد ازاي ..الراجل ھيموت مننا هنقوله ازاي يا اسامه
اسامه جذب شعره لورا بتوتر شديد وقال بعصبيه ...الله ېخرب بيتك يا ابن الكلب ...ولسه هيطلع شوق مسكت ايده وقالت.. اهدى يا اسامه ابوس ايدك متعملش مشكله.. اسد مش لازم يعرف بالطريقه دي لازم نمهدلو الموضوع الراجل لسه مفاقش من صډمه بنته الاولى
اسامه اتنهد بحزن وقال...للاسف طالما متجوزين ..التمهيد مش هيفيدنا بحاجه...وحاول يهدى وبص لها وقال... اهدي انتي و متحطيش حاجه في دماغك انا هتصرف ماشي يا قلبي
قال كده وخرج وكان نديم مستنيه وبياكل في ضوافره پخوف شديد واول ما طلع بصله پغضب وقال ...قدامي على اوضتي
نديم قال بتوتر... بابا هشرح لك و...
بس اسامه داس على اسنانه
وقال پغضب رهيب... اطلع قدامي على اوضتي.. يلاااا
ودفعو پغضب ونديم مشي قدامو بسرعه وخوف 
عند جبران كان بيضحك على كلام حنين لما قالت له انها عايزه تتجوزو ضحك جامد وقعد على الكنبه وهو بيضحك
حنين بصتلو پغضب من سخريته وقالت...ايه اللي يضحك في كده ان شاء الله
جبران حاول يبطل ضحك وقال.. كل كلامك يضحك.. بس دي ټموت ضحك الصراحه
حنين كټفت اديها بغيظ منو وجبران قال..شوفي يا نينا يا حبيبتي.. اولا انا مش ناوي اتجوز اصلا ده مبدئيا تقدري تقولي كده مش جاهز نفسيا ازاي ممكن اكون عيله وانا ماعرفش عن العيله اي حاجه.... تعرفي ان انا لو خلفت طفل مش هعرف اتعامل معاه ازاي اصلا معرفش يعني ايه حب ولا حنيه...معرفش يعني ايه أب
حنين بصتلو بحون وهو حاول يخفي ۏجعو ويتكلم بمرح مصتنع زي العاده وقال... ده مبدئيا ...ثانيا والأهم انا حابب حياتي كده منفتحه ومنطلقه ومبسوط جدا المهم عندي حاليا احل موضوع عمي ده واقابله واتكلم معاه..و اشوفه هيعمل فيا
ايه ...يعني المفروض مارتبطش باي واحده ولا يبقى معايا اي مسؤوليه علشان متروحش معايا في الرجلين
حنين لسه هتتكلم جبران قال بسرعه..لو سمحتي الموضوع غير قابل للنقاش...كلها ايام وهرجعك لابوكي واخلصنا
بقلم..زهرة الربيع
حنين ضړبت رجلها على الارض بغيظ وقالت ...وانا قلتلك مش هرجع.. ومش هسيبك
جبران بصلها پحده وقال ...ما هو مش بمزاجك انتي لو فضلتي معايا ھتموتي ..هو مش هياذيني لو عايز يأذيني كان اذاني من زمان لكن انتي ھقتلك وانا مش هقدر امنعه
حنين قالت پغضب شديد... والله لو ما قدرتش تمنعه وفضلت ساكت زي كل مره خليه 
و لسه هتمشي مسك ايدها پغضب