رواية مكتوبة على اسمي الفصل الخامس والثلاثين 35 "بقلم ملك ابراهيم"
سيد بصتلها وقالت پغضب...انتي كان في حاجة بينك وبين سيد وكنتوا بتتقابلو هنا صح
صباح كانت في عالم تاني ومش سامعه ولا حاسه بلي حواليها.
الشرطة وصلوا ودخلوا الشقة وصباح كانت بتلفظ اخر أنفاسها واخدوها بسرعه في سيارة اسعاف للمستشفى واخدوا الخفير ومرات سيد وصاحب الشقه اللي تحت ومراته.
رواية مكتوبة على إسمي بقلمي ملك إبراهيم.
شريف رجع الشركة بعد ما وصل عامر المطار وكان قاعد في مكتبه ومركز في ملفات مهمة.
دخلت هاجر مكتبه واتكلمت بهدوء...باشمهندس شريف ممكن ادخل.
شريف رفع عينيه عن الملفات وابتسملها وقال...اتفضلي يا انسه هاجر.
هاجر دخلت ووقفت قدامه...انا جايه اسألك عن آيات لانها مجتش الشركة النهاردة وبكلمها ومش بترد على الموبيل وكمان الباشمهندس عامر مجاش عشان اسأله عليها!
هاجر...طب هي ليه مش بترد على موبايلها
شريف...مش عارف بس ممكن يكون موبايلها فيه مشكله انا هديكي رقم البيت تكلميها عليه.
واخد شريف ورقه عشان يكتبلها رقم بيت عامر لكن دخول ميرنا وصاحبها كوكو وقفه وبصلهم پصدمة لما شافهم بيقتحموا المكتب عليه وميرنا داخله ببرود وماسكه ايد كوكو صاحبها اللي لسه جسمه كله كدمات وقعدته قدام شريف وقالت...هااي يا شرشر.
شريف اټصدم لما ميرنا قالتله كده قدام هاجر وميرنا قعدت قدامه قصاد كوكو وقالت...هو عامر مش في مكتبه ليه !
رد شريف عليها بغيظ...عامر مسافر.
ميرنا كلمته برقه...أهدى يا كوكي بلاش تتعصب..
وبصت ل شريف وقالتله...شريف احنا محتاجين فلوس عشان علاج كوكو وكنا جاين ل عامر عشان يساعدنا.
شريف بصلها بغيظ...وهو في حد قالكم ان عامر فاتح جمعيه خيريه هنا!!!
رد عليه شريف پغضب...عامر مش هيدفع حاجة وبطلوا استغلال بقى مش عشان هو إنسان محترم وعمل معاكم كام موقف انساني هتطمعوا فيه!!
ميرنا مكانتش شايفه هاجر وكانت فاكره انها موظفه عاديه في الشركة وشاورت لها ب أيديها بتكبر وقالتلها...انتي...روحي هاتيلي الكوفي بتاعي وهاتي ل كوكي عصير.
اتكلمت ميرنا بتكبر...هتيله غدا.
هاجر اتغاظت من طريقتها وزعقت فيها بعصبيه...مين دي اللي تجيبلكم عصير وغدا انتي شكلك اټجننتي ومش عارفه بتكلمي مين!
ميرنا انتبهت لصوتها وبصتلها وقامت وقفت پصدمة لما عرفتها وقالت بدهشة...انتي!! مش انتي البنت اللي خبطت عربيتي...هو انتي وأصحابك احتليتوا الشركة ولا ايه...! واحدة منكم تتجوز عامر والتانيه اجي الاقيها هنا!
ردت عليها هاجر بعصبيه...أولا انتي اللي خبطي عربيتي مش انا...ثانيا آيات وعامر ملكيش دعوة بيهم ابدا يا بتاعه انتي وتبعدي عنهم خااالص...عايزة ايه من راجل متجوز وجايه لحد شركته وساحبه البطريق ده وراكي وجايين بكل بجاحة تطلبوا منه فلوس!!
اتكلم كوكو بعصبيته الناعمه...احنا بنتهزق ولا ايه يا ميرو!!
ردت ميرنا
بعصبيه...البنت دي لازم تترفد حالا وتخرج برا الشركة!
شريف وقف ميرنا وقالها بصوت قوي...انتي اللي هتخرجي برا الشركة يا ميرنا انتي واللي سحباه وراكي ده.
ميرنا اټصدمت من رد شريف عليها وهاجر بصت ل شريف وابتسمت جواها لما وقف في صفها هي ضد ميرنا.
ميرنا من الصدمة معرفتش ترد وقالتله...انت بتطردنا من شركة
