رواية تحت أمر الحب الفصل السادس والعشرون 26 "بقلم شيماء صبحي"
_يابني انت فاكر نفسك فين دي الصعيد يعني أهل كرم ومش بتاع الحركات دي!
زين بصله بشك وقال_ إنت متأكد!
إسلام هز راسه وقال بجديه_إلا متأكد دنا متربي فيها يا بني !
زين همس بسخريه_امال بيتك ناشف ليه..
زين قال كلمته وبعدها اتحرك وهو بيقول_تعالي ننزل علشان مش هقدر أتحكم في نفسي أكتر من كده لو مكلتش..
إسلام هز راسه ونزل وراه واول ما خرجوا من البيت زين رجع خطوه وقال_بس انا مش مطمن!
زين شد ايديه بغيظ وقال_طيب إمشي انت الاول..
إسلام هز راسه ومشي وبعدها زين واول ما دخلوا الفرح واحد من الرجاله اللي هناك سلم عليهم بترحب معتقد انهم أصحاب العريس وقال _اهلا وسهلا يا رجاله اتفضلوا ..
إسلام بص لزين وغمزله وزين هز راسه ومشوا ورا الراجل اللي جهزلهم طرابيزه مخصصه وبعدها طلب من أشخاص مسؤلين عن الأكل يجيبوا أكل ليهم ويجيبوا فاكهه..
إسلام هز راسه وأول ما الوجبات نزلت فتح الأكل بسرعه وطلع قطعه كفته كبيره حطها في بوقه وبعدها قال وهو بيبص لزين_حلو اوي يا زين.
زين لاحظ نظره الشاب ل إسلام فضړب إسلام علي دماغه وقال_ متتكلمش والأكل في بوقك يا حيوان !!
زين قال بغيظ من إسلام_قولتك أعمل ان مش فارق معاك مش تتسرع اول متشوفه كده!!
إسلام بصله بطرف عينيه بغيظ وبعدها كمل أكل وزين لما شم ريحة الأكل فتحة وجبته بجوع شديد وبدأ ياكل
أصحاب العروسه يتفضلوا معانا علي المسرح..
تمني فضلت تبص لأصحابها بابتسامه واللي اتحركوا بسرعه ولاكن فضلت ملوك واقفه مكانها .
ملوك بصت حواليها وهيا بتدور علي أمها ولما ملقتهاش هزت راسها ومشيت معاهم وأول ما وقفت نده مسؤل الدي چي وقال_أصحاب العريس يتفضلوا علي المسرح..
قام الشباب اللي قاعدين جمب زين وإسلام وكانو اربعه وأول ملاحظ الشخص اللي مسؤل عن الخدمه عددهم الصغير قرب من زين وإسلام اللي بياكلو وقال_يلا يا رجاله قوموا مش سامعين ولا ايه..
الشخص بابتسامه_بيقول أصحاب العريس يتفضلوا علي المسرح..
زين بص لإسلام پصدمه وقالوا الاتنين مع بعض_ بصراحه مش قادرين ..
الشخص بصلهم برفع حاجب واسلام لما لاحظ نظراته قال_اااه هنرقص يلا قوم يا زين..
زين بص لإسلام پصدمه وإسلام مدلوش فرصه يتكلم وشده من ايديه واتجهوا عند المسرح..
كانت البنات بيبصوا لزين بعدما اتاكدوا انه نفس الشاب اللي كان بيلعب رياضه علي السطح ولاكن ملوك كانت بتقرب وتبعد من غير اي حركه واول مرفعت عينيها جت في عين زين اللي كان باصص عليها ومبتسم..
قلبها فضل يدق بطريقه غريبه ونزلت عينيها بسرعه واول م واحده من أصحابها هزتها جامد بهزار ولان فستان ملوك كان طويل كانت هتقع ..
إيه المسخره دي إبعد ايدك دي عنها يا حيوان..دا كان صوت
