رواية عهد الاسود الجزء الثاني "حصري من الفصل الاول 1 الى الثالث والثلاثون 33 " بقلم زهرة الربيع
ايه علشان افهمك انه بينتقم مني مش اكتر
غالب قال بسرعه...ينتقم منك ليه..وايه اللي مش عايزني اعرفه..اكيد لو في سبب اقتنعت بيه هقطع علاقتي بيه..لكن يا بابا انت مش راضي تقولي حاجه عايز تؤمرني وانفذ...بس..بس في الموضوع ده بذات مش هقدر..جبران ملوش دخل بتصرفاتي...هو مش زي ما انتو فاكرين..هو طيب بس عدواني لانو مكسور جدا من اقرب الناس ليه..وانا مش هقاطعو من غير سبب
وفضلو ساكتين لحد ما وصلو القصر
ضرغام نزل ودخل القصر وغالب دخل وراه
وعد كانت خلصت صلاتها ونزلت تاني تستناهم و اول ما شافتهم جريت عليهم وقالت بلهفه...غالب انت كويس
ضرغام اتنهد بياس وطلع على اوضته فورا
غالب ابتسم وقال..احم..انا..انا تمام يا وعد
غالب ضحك بخفه على براءتها وقال..كده احسن كويس انك مجيتيش الدنيا ليل اصلا..و..وانا مكنتش هاتصل عليكي بس الي حصل
وعد ابتسمت وقالت..قدر الله وما شاء فعل الحمد لله انك بخير
ولسه هتمشي مسك ايدها وقال وعد استني
وعد سحبت ايدها بسرعه وقالت..احم..ممكن متمسكش ايدي..قولي استني وانا هستنى على طول
وعد ضحكت بسخريه وقالت..يعني تلت جمل اغبى من بعض في نفس الحوار..بنحب بعض..وهنتجوز..وعادي
اسمع يا غالب..اولا انا مستحيل احبك..وثانيا بقى حتى لو بحبك وهتجوزك مش عادي تمسك ايدي ..وثالثا والأهم للمره المليون ونص هقولك لو خلصت كل الرجاله اللي على الارض ومبقاش غيرك مش هرتبط بيك
غالب بعد بسرعه وقال بتوتر..مفيش..دي من الادويه الي خدتها في المستشفى
وعد قالت پغضب..لا دي مش ريحه ادويه دي ريحه خمر..انت مش هتنضف ابدا..دلوقتي كنت ھتموت كنت هتروح لربك وانت سکړان
غالب قال..بقول لك ادويه يا وعد
كانت هتمشي بس مسك ايدها تاني وغمز وقال..عقبال مانعمل انا وانتي عقد..ويكون مدى الحياه
وعد شدت ايدها پعنف وقالت پغضب..قولتلك متلمسنيش مريض بجد..ومشيت وهي بتمتم وتستغفر
في صباح يوم جديد كان الجميع على الفطار
اسامه قال..بس صحيح يا غالب رجعت امتى
غالب ارتبك و عهد قالت..والله انا ما سالته من فرحتي الصبح لقيته قدامي مصدقتش
اسامه قال بسخريه..معاكي حق الشوق غلاب وده بقاله يوم ونص غايب يعني كتر خيرك الصراحه
عهد قالت بغيظ..بتتريق يا اسامه..طب اسأل شوق كده لو تستحمل ان نديم يمشي وهو زعلان كده وما تشوفوش
شوق قالت بسرعه..لا طبعا ماستحملش
اسامه قال..وايه الجديد..ما كلكم صنف واحد امال احنا ايه اللي مخلينا نترسم عليكم..ماهو من عبطكم ده الواحده لو تسك الواحد على قفاه سواء ابنها بقى ولا جوزها يمشي على العجين ميلخبطوش
شوق قالت بسخريه..شوفو مين بيتكلم..ده انت الوحيد الي بتتسك ليل نهار وحالك مايل اهوه
الكل ضحك عليه واسامه قال...كده برده يا شوشو تشمتيهم فيا..ده انا اللي اخترت ونقيت...وعشقت وحبيت...وظبطت و عديت..وفتحت وحط....
بس شوق حطت ايدها على بقه بسرعه وقالت بتوتر وكسوف..العيال..العيال قاعده والنبي..والنبي شالت ايدها بتردد وقال..راضيني يلا
شوق قالت بسرعه..حقك عليا انا اللي بتسك والله
اسامه ابتسم وقال...يسلملي اللي بيتكسف...اصل يا ولاد شوشو بتتكسف...خلفنا تلت عيال وهيه مكسوفه جيت اخلف العيل الرابع لقيتها برضو مكسوفه..انا اتكسفت من نفسي بصراحه وقلت بارك الله في ما رزق
الكل ضحكو وضرغام وقف وقال...خف كلام وتعالى عايزك
اسامه اتنهد وقال..قلبي بقى يتقبض كل ما يناديني بقى بومه قوي من يوم ماخلف
وراح وراه واول ما دخل المكتب قال بضيق...يا ابني في ايه...هو انا خطيبتك كل يوم ساحبني وراك كده
ضرغام قال بتوتر...مش وقت هزار يا اسامه غالب عمل مصېبه
اسامه قعد وقال بجديه...في ايه قلقتني
ضرغام قال..اتصل على وعد في نص الليل وكان عايزها تروحله على الشقه بحجه انه عمل حاډث واقنعها كمان انها متقولش لحد فينا...لولا ان البنت خاڤت تروح لوحدها وقالتلي كان الله اعلم ايه اللي حصل
اسامه اتسعت عنيه بزهول وقال...وبعدين
ضرغام قال..بس..انا اقنعتها تفضل هنا ورحتلو..كمان خليتها متجيبش سيره قدام ابوها بحجة ان عهد متعرفش انو عمل حاډث..ده اسد لو فهم اللي كان يقصده هيخرب الدنيا
اسامه اتنهد وقال..انا بقى شايف انك غلطان والبنت كان المفروض تروح
بقلم...زهرة الربيع
ضرغام قعد وبصلو بزهول وقال...نعم..انت مش شارب حاجه ولا مسمعتش كويس انت عارف لو راحت كان هيعمل ايه
اسامه قال بجديه..اسمع يا ضرغام..ابنك عاشق البنت وبيحبها..يعني معملش كده لانه هيغدر بيها لا هو عايز يحطها هيه وابوها قدام الامر الواقع مش اكتر
صرغام قال پغضب..ايه التفكير ده..ويحطهم ليه اصلا البنت مش عيزاه خلصنا ايه الحب الي بالشكل ده
اسامه ابتسم وقال...الحب انواع يا ضرغام وكل واحد بيحب على حسب طبعه..يعني مثلا انا متاكد ان لو انت حبيت عهد وهيه لا فانت هتسيبها عادي تكمل طريقها وانت هتكمل عادي..مش لانك مبتحبهاش لا لانك بطبيعتك مسالم بس فيه غيرك لا مش سهله ابدا وما يقدرش يكمل...وابنك مچنون بالبنت لو كنت سبته امبارح يمكن هو نفسه مكانش قدر يقرب لها..ولو عملها يبقى فعلا حل الموضوع..انا بايد الراي ده
ضرغام قعد پغضب مكبوت وقال..وهتأيدوا اكتر لما تعرف مين صاحب الرأي...الي اسمه جبران ده كان هناك امبارح انا متاكد انو هو اللي قاله يعمل كده..الولد ناوي على شړ كان بيهددني عيني عينك انه هيحكي لغالب عن الماضي
اسامه اتنهد وقال يبقى كده مفيش غير خطتي..ليالي هتوصل قريب وهعمل حفله ترحيب ولو اني بتخنق من الحفلات دي..بس هعملها واعزمه عزومه شخصيه وأكيد هيجي..وهندخل وعد ومتخافش عليها على ضمانتي
ضرغام اتنهد بقلق وقال...ربنا يستر.
عند جبران راح عند حنين ودخل عندها وكانت نايمه قرب منها وقال..بنت انتي اصحي يا اختي كفايه نوم
حنين وقفت بسرعه وقالت نعم..نعم
جبران بصلها من فوق لتحت بتقييم وقال مش بطاله يلا معاكي طلعه
بصتلو باستغراب وقالت..طلعة ايه يعني
جبران قرب منها وقال بخبث...فيه راجل اعمال خليجي ملياردير طالب حاجه جامده وانت هتنفعي للطلعه دي..واهو وتعوضي فلوس ابوكي اللي لهفا..
حنين اتسعت عنيها بشده ورجعت لورا پخوف وووو
بصو مش هحكلكم عن روعة الي جاي جامد بجد هنعرف ايه الي هيحصل مع حنين واسامه هيعمل ايه في مواجة جبران وياترى هينفذ خطتو ويدخل وعد في الموضوع
عهد الأسود الجزء الثاني 7
حنين رجعت لورا بړعب شديد وقالت بزهول ..مش..مش فاهمه
جبران بصلها بنظرات مخيفه وابتسم وقال..لا انتي فاهمه ..فاهمه قوي كمان...وشد ايدها وطلع بيها وهو بيقول... متقلقيش قوي كده..الراجل مش بخيل خالص وهيدلعك
جبران بصلها پغضب بطريقه رعبتها وقال ...هتطلعي بالذوق وتروحي مع راجل واحد وغني ومحترم ولا اخلي الرجاله دول كلهم يحفلوا عليكي
حنين قالت پبكاء ..انت.. شغلك كله ممنوع..انا كنت فكراك انسان كويس ومحترم
بصلها بنظرة مخيفه وقال ..لا انا شيطان..وابتسم باستفزاز وقال...شيطان كويس ومحترم
وسحبها من ايدها وطلع بيها وهو بيقول.. دي اقل حاجه بشتغل فيها اسألي ابوكي عني ..ده لو رجعتيله يعني
في القصر كانت روز رايحه الجامعه ولسه هتطلع ابوها قال استني يا روز روحي مع خطيبك فارس هيوصلك النهارده وهتتفاهموا على الطريق
روز اټصدمت وفارس اتنهد بضيق اما نديم فكان هيتجنن ولسه هيتكلم روز بصت له برجاء وعيونها مليانه دموع ..اتنهد بضيق وبص لتاره اخته وكانت جاهزه وهتمشي.. شدها من ايدها على زاويه وقال برجاء..تاره هطلب منك طلب يا جميله
تاره بصتلو و ابتسمت بخبث وقالت... انت عايزني اركب معاهم مش كده
نديم اتفاجئ وقال بارتباك...انت عرفتي ازاي
ابتسمت بخبث وقالت.. انت مفقوس قوي على فكره يا نديم انت والست روز بتاعتك عنيكم بتطلع قلوب يا حبيبه
نديم قال.. طيب هتساعديني
تاره قالت بخبث.. انت وشطارتك ..بابا خاصم من مصروفي زي ما انت عارف علشان خبطت العربيه شغلع جيوبك واوصلهالك لحد الجامعه
نديم اتنهد بفرحه وقال...تمام روحي الحقيهم دلوقتي وهديكي الفلوس اللي تعوزيها كلها
تاره ضحكت وقالت... اوكي
وراحت بسرعه وقالت كويس انك هتوصلها يا فارس عشان عايزه اروح معاكم
بقلم..زهرة الربيع
اسامه قال بضيق...
تروحي فين ما تروحي بعربيتك
تاره قالت بسرعه...اولا عربيتي لسه خبطاها وحضرتك رافض تصلحهالي..وبعدين انتو ليه عايزنهم يمشو لوحدهم .. هما لسه هيتعرفو مهم عارفين كل حاجه عن بعض.. اما بقى لو
مستنيين تأتأه يتكلم تبقى دي المسخره بعينها
فارس اتنهد بضيق ووعد قالت پغضب واندفاع.. ليه كل شويه تقوليله الاسم ده ...عيب عليكي
تاره شافت انها فرصه خصوصا ان غالب موجود وقالت وانتي زعلتي ليه..شيفاكي بتدافعي عنه كتير يعني وبصت لغالب اللي الڠضب بان على ملامحه جدا وكملت وقالت بخبث.. مهتمه قوي يعني بفارس غريبه جدا
وعد بصتلها پغضب وقالت.. فارس من عيلتي وليا حق ازعل عليه.. ثانيا اللي هو فيه ده من التوتر مجرد احساس مينفعش تتريقي
تاره ضحكت وقالت من غير تفكير . لا ده مش من التوتر ده من طنط عهد هو وارثها حتى في دي مش في الشكل بس
تاره نزلت دموعها وقالت بحزن.. انا..انا والله ما كنت اقصد انا كنت بهزر
اسامه قال پغضب..ده مش هزار دي بجاحه ..اعتذري قولت يلا
تاره لسه هتعتذر فارس قال بهدوء...وتعتذر ليه ..هيه مدحتني اصلا... انا طول اورث حاجه من القمر دي..وباس ايد امه وقال بفخر واضح...ده انا لو ورثت تراب من تحت رجليها ابقى ملكت الجنه
عهد ابتسمت بدموع وحطت ايدها على راسه وقالت ربنا يخليك ليا يا قلبي
تاره زعلت قوي وقالت بدموع..والله ما كنت اقصد غير هزار
عهد ابتسمت لها وقالت ولا يهمك يا تاره انا مش بزعل منك يا حبيبتي
اسد حط ايده على كتف فارس وقال بفخر..وهو بيبص لغالب وقاصد يوصلله
رساله...انا علشان كده كنت مصر اجوزك واحده من بناتي ولو ما وافقتش على روز كنت هجوزك عهد ..لانك لو ناسبتني يبقى ده اعظم انجازاتي لما ابقى بجوز بنتي لشاب زيك واخد ربايه البيت كله لوحده
فارس ابتسم وضرغام قال.. هو كمان مش هيلاقي زي بناتك انا من اول ما خلفتهم وانا ناوي اناسبك
اسد قال بضحك.. انا لو ينفع كنت جوزتهملو الاثنين على الاقل اطمن عليهم مع شاب زيه
غالب بصلهم پغضب وبص لاخوه پحقد..وطلع على اوضته بسرعه
فارس بص لطيفه بحزن واسامه كمان اتنهد لانه عارف ان ابنه الوحيد بيفكر في روز
عند جبران وقف العربيه عند نايت كلب وقال... اسمعي الراجل هنا هياخدك تروحي معاه فورا من غير نقاش سمعاني
حنين قالت پغضب... لا لا مش رايحه في اي حته وهصوت وهلم عليك الناس
جبران ضحك جامد وقال.. ناس ايه
اللي هتلميها هنا انتي لو صوتي
هنا مش هتلمي غير معجبين... يلا متتعبنيش معاكي مش كل حاجه
