رواية عهد الاسود الجزء الثانى 2 الفصل الثاني والثلاثون 32 بقلم زهره الربيع
انت في الصفحة 1 من 6 صفحات
عهدالأسودالجزءالثاني
اسد بص لها بزهول بعد اللي قالته وقال پغضب نعم يا نن عين خالتك تتجوزي ده ايه انتي فاكره نفسك عيله
نتالي بصتله بزهول من كلامه ووقفت وقالت انا عارفه انك تحت تاثير البنج دلوقتي ومش واعي بتقول ايه لولا كده كان بقالي تصرف تاني على كلامك واسلوبك ده انا ماشيه
ولسه هتمشي مسك ايدها بسرعه وقال طيب طيب انا اسف اندفعت اكيد مكانش قصدي هتكلم بهدوء اهو تتجوزي ازاي اذا كنتي عايزه تتجوزي ما اتجوزتيش كل العمر ده ليه
نتالي استغرابت من طريقته وقالت انا كنت بالفعل هقول لك اول ما جيت بس اتفاجأت بالي حصل مع البنات ومجاتش فرصه واديني بقولك اهوه فين المشكله بقى
اسد كان حاسس بۏجع شديد في قلبه ومش عارف يقول لها ايه وقال طب وانا قصدي والبنات يعني
نتالي ابتسمت وقالت انت والبنات في قلبي بس ده مش هيعطل حياتنا و انت كمان تقدر تتجوز انت مبقتش صغير يا اسد عشان تضيع من عمرك اكتر من كده
نتالي استغربت طريقته وقللت انت زعلت ليه كده يا اسد ما انت من وقت ما اتطلقنا وانت عارف اننا هنتجوز وكل واحد هيبدا في حياه جديده بعيد عن بعض
اسد قال بزعيق بس عدى كل السنين دي وانتي معملتهاش وانا كمان رفضت اعملها لما لقيتك مش راضيه تتجوزي لان كل ده خلاني افكر ان انتي عايزه
نتالي ابتسمت وقالت افتكرت ان انا وانت ممكن نرجع مش كده طب قولي انت ازاي يا اسد هو لو كان ينفع نرجع كنا اتطلقنا واتعذبنا العمر ده كله ليه اسبابنا لسه موجوده انت مستحيل تسيب هنا وتيجي معايا وانا يستحيل اسيب شغلي وحياتي الي اتعودت عليها هناك واجي اقعد هنا صعب عليا انا مش قادره استحمل الكام يوم دول
نتالي بعدت عيونها وقالت انا معنديش اسباب تانيه
اسد بصلها بسخريه وقال عهد مرات ضرغام يا نتالي فهمتك بدل المره مليون انها بقت زي اختي مش زي بقت اختي حرفيا انتي متوقعه ان انا ممكن اؤذي ضرغام وابص لمراته انتي شيفاني ايه يا نتالي
نتالي بصتله بدموع وقالت شيفاك انسان بيحس وحب حياته الاول موجود قدام عينيه 24 ساعه جايز عقلك بيقول الكلام اللي انت بتقوله ده لكن القلب عمرنا ما قدرنا نتحكم فيه للدرجه اللي تخليني اطمن انت لو كنت وافقت تيجي معايا المانيا كنت اكدتلي ان كل كلامي غلط وكنت ضحيت علشانك يا اسد وحاولنا نلاقي حل
اسد قال بانفعال كل كلامك غلط غلط والله غلط انا مستحيل افكر
