رواية عهد الاسود الجزء الثاني الفصل الرابع والثلاثون 34 بقلم زهرة الربيع

عهد_الأسود_الجزء_الثاني_34
كان هيتجنن لما قرى الرسالة فضل متجمد مكانه ومش فاهم وعقله مش قادر يستوعب الفيديو ولا اللي قراه ودموعه بتلمع في عيونه حس الزمن اتوقف والتليفون وقع من ايده ومقالش لاي حد حاجه ركب عربيتو وطلع بسرعة البرق على المينا
شوق كانت بتتكلم معاه بس في واحده نادت لها واول ما شافته من بعيد بيجري استغربت جدا وجريت عليه بقت تناديلو بس مسمعهاش ومشي بسرعه

شوق قالت باستغراب ..هو فيه ايه... ماله ده ... ولسه هترجع شافت التليفون وواقع على الارض قلقت جدا واخذت التليفون بزهول
جبران في الوقت ده كان واقف مع حنين اللي كانت مصدومه لما اعترفلها بحبه ببساطه قالت بسعاده وارتباك... قلت ايه قول اللي قلته تاني كده
جبران قال بمشاكسه مش فاكر اني قولت حاجه
حنين قربت عليه وقالت بسعاده.... والنبي تقول اللي قولته يا جبران انا ھموت واسمعها تاني
جبران ابتسم وشدها عليه وقال ..قولت ب..ح..بك...يا بختك يا بت قدرتي توقعي واحد عمره ما وقع ولا فكر حتى
حنين ابتسمت بسعاده وجبران بص لعيونها جامد وقال...ها يلا..انا طبعا عارف انك واقعه من اول يوم بس معنديش مانع اسمعها
حنين ضړبتو في كتفه بخفه ونزلت عيونها بكسوف
وجبران رفع وشها ليه وقال...يا بت قوليها بقى متتقليش عليا انا جايب اخري
حنين ضحكت برقه و لسه هتتكلم جاتله رساله من صفوان سابها فورا وبعد وقرأ الرساله وكانت بتقول ....اطلع على العنوان ده بسرعه ..اسامه هناك خلص عليه
جبران اتنهد وغمض عنيه بحزن وبص لحنين وقال ...انا..احم رايح مشوار صغير وراجع
ولسه هيمشي حنين مسكت ايده وقالت... في ايه يا جبران ليه قلقت كده فجاه
جبران سحب ايده من ايدها وقال بتوتر... متتحركيش ماشي شويه وراجع ومشي خطوات بس رجع بصلها وقال.... هتوحشيني قوي يا حنين هتوحشيني قوي
قال كده ومشي بسرعه قبل حتى ما تفهم منه اي حاجه فضلت واقفه مكانها بقلق شديد وقلبها بيدق بسرعه وخوف من جملته الاخيره
عند اسد بص لنتالي پغضب وقال... انا مش فاهم انتي ازاي بتتصرفي بالسهوله دي
نتالي بصتله بضيق وقالت ...سهوله ايه احنا بقلنا وقت كبير قوي متطلقين فين السهوله في كده... هفضل لامتى لوحدي احنا اتكلمنا في الموضوع ده وقفلناه صح ولا لا انا همشي الليله بعد الحفله
و لسه هتمشي مسك ايدها پغضب وقال ...مش هسيبك تمشي تاني مش هسيبك تسافري مش كل حاجه بمزاجك
نتالي بصت له پغضب وقالت.. فوق لنفسك يا اسد احنا مش متجوزين عشان تخنقني زي زمان وتقولي اعملي دي وما تعمليش دي
ومشيت خطوات بس وقفت مكانها پصدمه لما اسد قال...بس انا لسه بحبك زي الاول يا نتالي
نتالي اتجمدت في مكانها لما قال كده وبصت له بزهول 
اسد قرب عليها و بصلها بدموع وقال ...ايوه بحبك وجربت ۏجع البعد ومش عايز اجربه تاني.... مش هقدر اجربه اصلا وكلو كوم وانك تكوني لحد غيري كوم ثاني... متعمليش فيا كده
نتالي نزلت دموعها ولسه هترد.... جات شوق جري وقالت بصوت عالي ...ضرغااااااام اسد الحقوني بسرعه
ضرغام واسد جريو عليها باستغراب و ضرغام قال بقلق.... في ايه في ايه اهدي اهدي يا شوق في ايه
شوق كانت مش قادره تاخد نفسها وقالت پخوف... اسامه.. اسامه جالو تليفون او رساله مش عارفه حاجه في التليفون فضل مركذ فيها واتغيرت ملامحه ووقع التليفون من ايده وجري بسرعه مش عارفه ماله
اسد قال باستغراب... انتي بتقولي ايه يعني مكالمه من مين اهدي يمكن فيه معاه مشوار او حاجه
ضرغام قال بقلق...بتقولك مبايلو وقع