رواية تحت أمر الحب الفصل الثالث والثلاثون 33 "بقلم شيماء صبحي"

يعني لما أبنه او بنته يشوفوه يقولوا بكل فخر لأصحابهم دا بابا وفي نفس الوقت يقولوا دي ماما نفسي يشوفنا قدوه ليهم ويتفاخروا بينا وبشغلنا وبمركزنا فاهمني..!
رشاد بصلها وابتسم وقال انتي عارفة اني عمري متخيلت في يوم من الأيام اني هحب او هتعلق بشخص للدرجادي عشت حياتي بحمي نفسي وبخاف علي اخويا ولاكن عمري مآذيت شخص او قټلت بس الفتره الأخيرة دي
دنيا وقالت ايا كان اللي حصل ولا اللي عملته ايه مش هيغير حاجه يا رشاد لاني حبيتك زي منت ومش هعرف أكرهك فمدام عملت ذنب ممكن تستغفر ربنا وتطلع حاجه لله رغم اني عارفة ان دي من الكبائر بس مش هعرف اكرهك يا رشاد اكيد اللي ماتوا كانوا يستاهلوا بس دا ميمنعش برضوا انك غلطت..
رشاد بصلها وعيونه مليانه دموع وقال انا ندمان ومستحقر نفسي لدرجه انتي متتخيلهاش بس اللي قټلتها دي كانت هتقتل داليدا!! 
دنيا فتحت عينيها من الصدمه وقالت ايه!
رشاد بصلها وقال بحزن كان في ناس بعتينها تخلص عليها ولحسن الحظ ان عمار صحي ولحقها بس انا مكنتش قادر استحمل اشوف عمار پيتألم لان داليدا كانت في خاله خطړ ف..
قولت خلاص يا رشاد..دنيا قاطعة كلامه بصوت عالي وقالت مش عايزه اسمع التفاصيل دي
رشاد بصلها بحزن وقال انا جبتك هنا علشان اعترفلك بكل اللي حصل لاني مش مسامح نفسي علي اللي عملته خصوصا انك عايزة أبو اولادك يكون كويس ومحترم وقدوه بس انا مش الشخص دا يا دنيا..
دنيا دموعها نزلت وقربت منه حضنته وقالت لا متقولش كده اسكت يا رشاد انت كويس.. 
رشاد غمض عينيه وضغط علي حضنها بكل حب وقال اعمل ايه دلوقت مش عارف أسامح نفسي ولا عارف أسيبك لشخص احسن مني قوليلي يا دنيا أعمل ايه  
دنيا حطت ايديها علي دماغه ومسحت علي شعره وقالت اهدي يا رشاد اهدي كل حاجه واكيد ليها حل ..!
رشاد بعد عنها وبص في عيونها وقال متأكدة
دنيا دققت في ملامحه وهزت راسها بالإيجاب..
رشاد اخد نفس طويل وقال في حاجة أخيره عاوز اقولك عليها بس كل اللي طالبه منك انك متعمليش اي ردة فعل غريبه..
دنيا رفعت حاجبها وهو قال البنت اللي هجمت علي داليدا دي كانت كتمت نفسها بمخدر فلما اغمي عليها والدكتور كشف عليها اكتشف انها مش حامل وطلع عندها سړطان في الرحم!
دنيا فضلت تبصتله وساكته وهو كمل وقال هيا دلوقت عرفت وموافقه علي العلاج فأنا قولت أعرفك علشان لو عاوزه تروحي تطمني عليها 
دنيا كانت لسا ساكته فقرب منها وقال دنيا انتي كويسه
دنيا انتبهت ليه وقالت انت قولت ايه..يعني ايه طلعت مش حامل
رشاد مسكها من كتفها وقال دنيا اهدي وافهميني داليدا بخير ولسا في المرحلة الاولي وعمار معاها مش هيسيبها وهيا موافقه علي العلاج يعني واجبنا معاها اننا نشجعها ونقف جمبها مش نعيط فهماني!
دنيا هزت راسها وقالت صح مش لازم نعيط لازم نقف جمبها ونشجعها تتعالج و!
رشاد هز راسه وهيا وقفت وقالت خليني اروح اشوفها واطمن عليها
رشاد حس انها مش علي طبيعتيها فقربها منه وقال دنيا انتي كويسه
دنيا بصتله وابتسمت وقالت ايوا وهكون يعني مصدومه او متأثرة باللي سمعته النهاردة..
عمار حضنها وقال طيب اهدي متخلنيش اندم اني حكيتلك حاجة..
دنيا بعدت عنه وقالت صدقني انا كويسه بس بفكر هنعمل ايه..رشاد هز راسه وقال هنعمل ايه..
دنيا حطت ايديها علي وشه وقالت هنروح لداليدا الاول وبعدها هقولك.. 
يتبع بقلمي شيماء صبحي