رواية همس الأسر (كاملة حتى الفصل الاخير) بقلم عشق

الاول
كان قاعد برة اوضة العمليات وجمبه اخوه وهو متوتر وخاېف
_اهدي ي شريف باذن الله خير
شريف اهدي ازاي بس ي يحيي هو انا في وضع يسمح ليا باي هدوء
يحيي وليه كدة اكيد هتبقي كويسة
شريف مش مهم هي المهم الولد
يحيي طب ما هي ممكن تكون بنت
شريف لا اكيد بنت
يحيي وليه كدة كل اللي ربنا بيجيبه حلو
شريف انا عاوزه يكون ولد لو بنت مش هتبقي بنتي
يحيي انت اي اللي بتقوله دا انت اټجننت في الحالتين الطفل هيكون ابنك بنت ولد من لحمك اي الكلام دا
شريف انا قولتلها اني عاوز ولد ومش هرضي ببنت
يحيي وهي هتعملها ازاي ان شاء الله كل شيئ بأمر الله وربنا هو اللي خالقها

شريف يارب ولد انا مش عاوز الا الولد
بص يحيي لاخوه اللي كلامه يدل علي التخلف لانه بيفرق بين الولد والبنت ونسي ان كل دا بيد الله بس
بعد فترة خرجت الممرضة من اوضة العمليات وهي شايلة الطفلة في ايدها
الممرضة مبروك جاتلك بنت زي القمر
شريف بنت انا مش عاوزها
استغربت الممرضة من ردة فعله الغريبة وبصتله باستفهام
يحيي الله يبارك فيكي ممكن اشيلها
الممرضة اه طبعا اتفضل بس بالراحة
اخدها يحيي من ايدها والممرضة مشيت وسابتها معاهم وكانت بنت جميلة وحس باحساس حلو اوي اول مرة يحسه لانه لسة متجوزش
يحيي خد ي شريف شيلها
شريف لا انا مش عاوزها انا عاوز ولد مش بنت
يحيي بطل جنان ي شريف وشيل بنتك
شريف هي مش بنتي دي بنتها هي بس
يحيي والله انت متخلف وانت خسارة فيك القمر دي خسارة انها يبقي ليها اب زيك
بص شريف پغضب لاخوه وطلع من المستشفي كلها من غير ما يبص علي مراته حتي كان حاسس بالڠضب من فكرة ان في خلف بنت هو كان عاوز ولد وبس
بعد مدة دخل يحيي الاوضة اللي هي فيها وقعد جمبها وبص عليها وعلي ملامحها اللي تدل علي قد اي هي تعبانة بدات تفوق من المخدر وكانت لسة هتقوم عدلها يحيي بسرعة ورجع مكانه تاني وهي بصت للطفلة
يحيي مبروك جيبتي بنت زي القمر
همس بنت
يحيي ايوة بنت مالك زعلانة ليه
همس لا ابدا مش زعلانة كل اللي بيجيبوا حلو بس شريف
يحيي سيبك منه هو مسيره في يوم هيعرف انه كان غلطان
همس هو فين دلوقتي
يحيي بكذب جاله شغل مهم واضطر انه يمشي
فهمت همس اللي حصل وسبب عدم وجوده وانه اكيد متقبلهاش بصت ليحيي بحزن بان علي ملامحها
همس مش مضطر انك تكذب انا عارفة الحقيقة
يحيي بصي ي همس انتي اختي وهو اخويا بس اللي بيعمله دا زاد عن حده مينفعش كدة
همس وانا اعمل اي ي يحيي هو كان بايدي
يحيي انا مش عاوزك تفكري فيه ولا في اي حاجة تزعلك كل اللي تفكري فيه البنت وبس وازاي هتراعيها ولو المتخلف دا زعلك تعالي وقوليلي وانا هتصرف وانا موجود لو عوزتي حاجة تطلبيها مني
همس انا بجد مش عارفة اقولك اي كلمة شكر قليلة عليك كفاية انك كنت واقف معايا ضده في كل اللي كان بيعمله
يحيي وهفضل كده دايما انا اعتبرتك اختي من اول ما ډخلتي البيت كعروسة لاخويا ارتاحي انتي دلوقتي وانا هروح اسال الدكتور هتطلعي امتي
خرج يحيي من الاوضة وسابها وهي فرحانة ان ربنا اراد وجابت بنت زي ما كانت تتمني وفي نفس الوقت زعلانة بسبب جوزها اللي مش متقبل دا
بعد انتهاء اليوم خرجت همس من المستشفي مع يحيي ووصلت للبيت مكنش شريف موجود وهي استغربت من دا وقالت في نفسها انه فعلا ممكن يكون عنده شغل
في مكان تاني كان شريف مع واحدة في شقة تانية وهو ومش همه مراته اللي خرجت من المستشفي ولا بنته اللي عمرها ساعات
البنت مالك ي حبيبي فيك ايه
شريف مفيش ي دودو متدايق شوية
دودو تدايق وانا موجودة دا حتي عيبة في حقي قولي بس في اي
شريف الهانم جابت بنت حتي العيل اللي كنت مستني تجيبه مجابتهوش
دودو انت بدال كارهها كدة مستحملها ليه
شريف انا مستحمل لاني مفكر انها حامل في ولد انا طول عمري كنت بتمني ولد ولما عرفت انها حامل فكرت انها خلاص هتجيبه بس جابتلي بنت
دودو ما تتجوز وحدة تانية تجيبلك الولد
شريف انا خلاص مبقتش

عاوزها لا هي ولا بنتها لازم اخلص منها واطلقها وبعدها اتلفت لحياتي
دودو ايوة هو دا الكلام الصح خد كاس في صحة الكلام دا
اخد شريف الكاس من ايدها وبدأ يشرب في اللي ربنا حرمه ويعمل الاعمال اللي متغتفرش وساب مراته وبنته لوحدهم
في مكان تاني كان نايم في قصره وبيعاني من كابوس وكان جسمه كله بيجيب مايه وملامحه عليها التوتر
كان في مكان ضلمة وحواليه كتير من الاشجار فجأة سمع صوت بنت بتستنجد بيه راح باتجاه الصوت وشاف بنت ملامحها مش واضحة اوي بس عيونها كانت زرقاء ودي الحاجة اللي شافها
قرب منها عشان ينقذها بس فجأة المكان من حواليه بدأ في الاڼهيار والاشجار وقعت والارض اتشققت من حواليه صحي مڤزوع من الحلم دا وصوت البنت وهي بتصرخ لسة في ودانه
_ياتري مين دي وليه دايما بحلم بيها وبتبقي في مشكلة انا لازم اعرف بسرعة والا هيجرالي حاجة انا مبقتش عارف انام
همس_الآسر
بقلمي_الكاتبة_الصغيرة تاني يوم دخل شريف الاوضة وكانت همس نايمة وتعبانة قرب منها وبص علي البنت اللي جمبها پغضب
شريف انتي ي هانم قومي
قامت همس علي صوته واتعدلت بصتله وعرفت انه كان سهران برة
شريف انتي لسة نايمة قومي حضريلي الفطار واللا انتي ناموسيتك كحلي
همس بس انا تعبانة والبنت مش هقدر اسيبها
شريف متجيبيليش سيرتها وقومي بطلي كسل واعذار
همس مش اعذار بس بجد مش قادرة
شريف وافضل انا جعان عشان سيادتك مش قادرة
همس اتحاملت علي نفسها وقامت عشان تعمل الفطار خرجت من الاوضة ودخلت المطبخ وعيطت من غير صوت وپقهر من معاملته اللي مبقتش متحملاها
دخل يحيي المطبخ ولقاها موجودة هناك مسحت دموعها اول ما شافته وابتسمت له بس هو كان شاف دموعها
يحيي صباح الخير
همس صباح النور
يحيي انتي ايه اللي مدخلك المطبخ انتي لسة تعبانة
همس لا انا كويسة وقولت اقوم احضر الفطار
يحيي شريف هو اللي ضغط عليكي
همس لا ابدا
يحيي طب اطلعي بره وانا هعمل الفطار
همس ازاي لا طبعا مينفعش
يحيى هو اللي مينفعش انتي تعبانه ومش قادره تقفي اصلا روحي وانا هعمل الفطار
همس بس
يحيى مفيش بس اطلعي انتي يلا دلوقتي وكلها دقايق والفطار هيبقى عندك
خرجت همس من المطبخ وهي بتحمد ربنا على وجود يحيى جنبها هو دايما كان واقف معاها ضد اخوه ولانه عارف عمايله وكان بيساندها كتير وفعلا نعم الاخ لها
دخلت الاوضه ثاني لقت شريف قاعد وماسك تليفونه وبيضحك اول ما شافها قلب وشه وبان عليه علامات الڠضب
شريف انت ايه اللي جابك دلوقتي مش قولتلك تعملي فطار
همس يحيى قال ان هو اللي هيعمله واصر
شريف وانت مشغوله للدرجه دي عشان تخليه هو اللي يعمل الفطار
همس هو اللي اصر وانا مقدرتش ان انا امنعه
شريف طب انا خارج وخليكي انتي هنا زي البومه كده
همس طب مش هتشوف بنتك
شريف مسكها من شعرها جامد وشد عليها