رواية همس الأسر (كاملة حتى الفصل الاخير) بقلم عشق

وقال پغضب دي مش بنتي دي بنتك انتي بس انا مليش بنات
همس انت بتقول ايه دي بنتك ومتقدرش انك تنكرها
شريف لا اقدر واقدر اخلص منك انتي وهي في لحظه
اڼصدمت همس من كلامه ومفهمتهوش ولا كانت عارفه هتقول له ايه
شريف انا ماشي ومش عاوز اشوف وشك خالص
خرج شريف من الاوضه وراح المطبخ وكان اخوه في المطبخ بيعمل فطار اول ما شافه زعق له بسبب انه خلاها تدخل المطبخ وهي تعبانه
يحيى هو انت ايه بالظبط انت مش بني ادم انت عارف انها تعبانه ومش قادره ازاي تخليها تيجي تحضر الفطار وهي مش قادره
شريف يعني افضل جعان يعني عشان خاطر مش قادره
يحيى انت بجد مش بني ادم اهو انا هعمل لك الفطار بعدها متتكلمش وتشوف انت رايح فين
شريف هو انت بتطردني من بيتي
يحيى لا مش بطردك ده بيتك زي ما هو بيتي بس انا عاوزك انك تتغير انت عارف ان هي تعبانه وبردوا بتضغط عليها وده مينفعش
شريف وانت بقى هتعلمني اللي ينفع واللي مينفعش
يحيى انا دلوقتي بعمل الفطار تقدر تاكل وتروح شغلك زي ما انت عاوز ومتقلقش على حاجه انا موجود
شريف بسخريه ما انا عارف انك موجود بردوا
خرج شريف من غير ما يفطر وساب يحيي وهو هيتجنن من تصرفاته ومستغرب من عمايل اخوه ومبقاش فاهمه
في مكان تاني كان في شركته ويشتغل وفي

نفس الوقت بيفكر في الحلم اللي بقاله شهور بيشوفه ومش عارف من البنت اللي بتظهر في حلمه دائما بتبقى محتاجه مساعده منه ومبيقدرش يساعدها لحد ما سمع صوت خبط على الباب كانت السكرتيره
السكرتيره فيه واحد عاوز يقابل حضرتك يا فندم
اسر مين او اسمه ايه
السكرتيره هو مقلش اسمه
اسر طب خلاص دخليه
دخل الشخص ده واول ما شافه اسر قامله بسرعه وحضنه وسلم عليه وهو مبسوط
اسر بقى كده يا جزمه متجيش تسال عليا طول المده دي
الشخص والله كنت مشغول واول ما فضيت جيت لك على طول
اسر ايوه بقى على الناس اللي مشغوله الايام دي بتعمل ايه
الشخص مش ناوي اعمل حاجه جديده بس ممكن اعمل مشروع وكنت جاي لك بخصوص الموضوع ده
اسر طب اتفضل اقعد 
قعد اسر على كرسي مكتبه والشخص ثاني قعد على كرسي قدامه
الشخص انا ناوي ان انا اعمل مشروع ومحتاج حد يشاركني فيه ومجاش في بالي غيرك انت
اسر تمام انت دلوقتي تقدر تشرح لي اللي في بالك وانا اشوف كده
الشخص تمام
عند يحيى كان خلص الشغل في المطبخ ونزل يجيب شويه طلبات كانت ناقصه عندهم وقرر ان يروح مول كان لسه بيعدي الشارع لكن فجاه جت عربيه وخبطته محسش بنفسه الا وهو واقع على الارض ومغمى عليهم ونزل الشخص ده من العربيه بسرعه وهو خاېف ومتوتر
الثاني
همس_الاسر 
بقلمي_الكاتبة_الصغيرة
بالليل كان الكل في المستشفى ومتوترين وكانوا مستنيين الدكتور يخرج من أوضة العمليات ويتطمنوا علي يحيي اللي نقلوه علي المستشفي اللي البنت اللي خطبته نقلته علي المستشفى
كانت البنت قاعدة وبتعيط لانها خاېفه يجراله حاجه وهمس واقفه جنبها وشايله بنتها اللي سمتها حور
همس بهدوء للبنت طب انت بټعيطي ليه دلوقتي
البنت انا والله مكنتش اقصد انا لقيته فجاه معدي و مقدرتش اوقف العربيه وخبطته والله ما كنت اقصد
همس قعدت جنبها وقالت هو احنا دلوقتي عملنا حاجه ما احنا متكلمناش اهو انت ليه خاېفه دلوقتي باذن الله هيبقى كويس والدكتور هيطلع يطمنا عليه اهدي انتي بس
اما شريف فكان واقف بعيد عنهم وبيفكر في حاجه بس الاكيد انها بعيده كل البعد عن انه يكون خاېف على اخوه اللي أوضة العمليات دلوقتي
طلع الدكتور من اوضه العمليات واول ما شافوه راحوله بسرعه
البنت ها يا دكتور طمنا حالته عامله ايه
الدكتور الحمد لله العمليه نجحت وهو اتعدى مرحله الخطړ وبقى كويس
همس طب محصلوش حاجه صح
الدكتور هو حصل له كسر في رجله الشمال وكان عنده ڼزيف بس احنا قدرنا نوقفه وهو دلوقتي كويس
همس طب هنقدر نشوفه امتى
الدكتور مش دلوقتي هو النهارده هيفضل طول الليل في العنايه لحد ما نتاكد ان بقى كويس وباذن الله على بكره هننقله لاوضه عاديه ووقتها تقدروا تشوفوه براحتكم
البنت شكرا يا دكتور
الدكتور العفو
مشي الدكتور من جمبهم والبنت حضنت همس بفرحة شديدة لدرجة ان همس رجعت لورا وضحكت عليها وعلي تصرفها دا
البنت هو كويس انا مش مصدقة بجد
بعدت همس عنها وقالت مش انا قولتلك مفيش حاجة كبيرة علي ربنا
همس دلوقتي هو بقي كويس روحي انتي الوقت اتأخر وبكرة لو حابة تيجي تعالي
البنت برفض لا انا مش همشي
همس مينفعش كدة عيلتك هتقلق عليكي والوقت اتأخر
البنت متقلقيش انا معنديش عيلة انا يتيمة وعايشة لوحدي
قالت الكلام دا بصوت واطي جدا وكان باين عليها الحزن زعلت همس عليها وعلي انها ذكرت الموضوع دا فحبت انها تصلح الوضع
همس خلاص ي ستي اقعدي معايا انا انا كدة كدة هقعد لوحدي
البنت لوحدك ازاي وجوزك
همس هتعرفي دلوقتي
فعلا قرب شريف منهم في نفس اللحظة وهو ماسك الفون في ايده وباين عليه بيكلم حد ومركز اوي بص شريف لهمس پغضب
شريف انا ماشي
همس علي فين ويحيي لسة في المستشفى
شريف هو مش الدكتور خرج وطمنا عليه عاوزة اي تاني انا همشي وهرجع بكرة
مسمعش شريف ردها لأنه مكنش هيسمع كلامها وخرج من المستشفى وهو مش همه انه سايب مراته وبنته اللي عمرها يوم واحد بس
بصت البنت باستغراب شديد لهمس اللي كانت بتبتسم پانكسار ومش قادرة تقول حاجة هي عارفة هو رايح فين بس مش هتقدر تتكلم
البنت هو انا ممكن اسالك سؤال
همس اتفضلي بس الاول تقوليلي انتي اسمك اي
البنت لينا
همس اسمك حلو اوي انا همس
لينا طب تعالي

اقعدي انتي باين عليكي التعب
قعدت همس علي كرسي من الكراسي ولينا قعدت جمبها وهي لسة بتبصلها باستغراب بصت لها همس بمعني اي هو سؤالك
لينا هو انتي مستحملاه ازاي وهو بيعاملك كدة
همس تقصدي اي
لينا انا مش قصدي اتدخل بس بجد عاوزة افهم واحدة في جمالك ازاي عايشة مع واحد زي دا وواضح جدا ان دي معاملته معاكي دايما
همس بصي ي لينا احيانا كتير الواحد بيكون مضطر انه يتحمل عشان يعيش انا هقولك السبب اني متحملة ومش هقول لاني بحبه او عشان احافظ علي بيتي من الخړاب بالعكس لانه هو اللي نهي كل حاجة ما بينا من الاول السبب الحقيقي والوحيد هو اني مليش غيره انا يتيمة ومليش حد غير هو
لينا بس انتي باين عليكي طيبة اوي وهو غير كدة ليه بيعاملك كدة
همس هقولك 
عند شريف وصل لشقته التانية ودخل كانت دودو قاعدة بهدوم مش ساترة منها حاجة ابدا اول ما شافته راحلته علي طول وحطت ايديها حوالين رقبته
دودو بدلع انت اتاخرت ليه يا حبيبي
شريف على ما قدرت ان انا اسيبهم في المستشفى وجيت لك على طول
دودو طب تعالى يلا اقعد عشان ترتاح شويه
اخذته دودو وقعدته على كرسي وهي قعدت تحت رجله وقالت انت باين عليك زعلان قول لي بقى ايه اللي مزعلك
شريف مفيش
دودو وتخبي على حبيبتك دودو بردوا
شريف الدكتور خرج دلوقتي من اوضه العمليات