رواية هل للعمر بقية(كاملة) بقلم نرمين همام

عندك 
_ياختى ودا عرف من اين بقى ايه النصايب دى الى بتدحدف عليكى انتى ناقصة نصيبه لو جوزى شافه لحسن يقولى دا مين الى بيبص دا 
ردت عليها صفا وعلامات التعجب على وجهها 
_الله دا جوزك جه اهو وواقف معاه ياختى هو يعرف من اين بقى 
دخل حودة زوج ناديه من باب الشقة ومعه يونس وجلسو فى حجرة الضيوف الجانبيه 
فى هذا الوقت نظرت صفا لناديه وقالت لها 
_هو كل واحده فينا ليها حكايه تلاقى جوزك جرا وراه علشان فلوسه وطبعا انتى لسانك متبرى منك كنتى حاكيه لجوزك كل حاجه 
ردت عليه ناديه بتلعثم والنبى يا ختى ما اقصد انتى كنتى صعبانه عليه وبفضفض بس معاه معرفش ان ديل الكلب يعنى لامؤخاذة اصل حوده تلاقيه راشق فى اى حاجه فيها مصلجة 
_ ربنا يسمحك هو انا ناقصه انا حسه ان رجلى مش شيلانى افرضى بكر ولا اخويا عرفو اعمل ايه ساعتها حرام عليكى حتفضلى هابله لامتى 
_والنبى ما تزعلى ابدا
_انا عمرى ما ازعل منك لانى عارفه ان جوزك هو الى جابه هنا لكن المفروض اختك او صحبتك تقولك سرها بتفضفض معاكى ماينفعش تكشفيها لحد حتى لو جوزك غلط يانادية . اتفضلى بقا ناديلى ادهم من برا علشان اخرج واروح مش عاوزة اقابلو دى الحاجه والدته بقالها فترة بتشوفنى بتدور وشها منى مع انها لسة من قريب كانت منادياني عندها معرفش ايه الي غيرها كدا دي بقت بتبرق وتقلب وجهها عموما ليها حق انا معاها هي كام خاېفة على ابنها الوحيد من اخويا 
_تعالى ولا اقولك حخرج افضيلك السكة هما قاعدين فى اوضه الضيف بيتكلمو مع عرفش في ايه وايه ال لم الشامي على المغربي ياخبر بفلوس .
تخيلى وانا اقول حوده فرش الاوضه دى ونضفها ليه دا حط فيها كنب دمياطى مفروش بالاطيفة كنت عاوزة افرجك يالا معلش الجيات كتير 
_يا لتاته ارحميني بقى ويالله اخرجى وشفيهم عاوزة اروح وامشي من هنا بسرعة 
خرجت ناديه من الحجرة ونادت بهمس على ادهم الا انها لم تجده
ودلفت صفا من الحجرة حتى تاخذ ابنها وتنصرف 
الا ان باب الحجرة الجانبيه المجاورة لباب الشقة فتحت وخرج منها يونس نفسه ومعه ادهم ممسكا بيده 
تلاقت النظرات وتلعثمت الكلمات كانت خلالها صفا تنكمش فى نفسها كانت تتمني ان لا تشاهده ابدا عن قرب احساسها بقلة جمالها وملابسها القديمة بل حتي وزنها الذي ذاد جعلها تتمني ان لا تقابله عن قرب وقالت نظراتها كلام كثير فقد نظرت ليونس واحست انه لايوجد احد اخر تكلمت نظراتها بالكثير الا انها احست انه يفهمها 
ابتدأ هو بالكلام 
_عامله ايه يا صفا ابنك نبيه وذكى ما شاء الله 
تدخل حوده بالكلام ونظر لزوجته 
_اتفضلو واقفين ليه اتفضلى يا ام ادهم واقفه ليه انتى لاحقتى تأنسينا 0 ناديه ادخلى جيبى حاجه من المطبخ حلوة كدا واعملى دور شاى فى الطقم الجديد الا لسه جايبه امبارح 
تكلم ادهم بفرح 
_ماما لوسمحتى ممكن نفضل هنا شويه عمو صاحب عمو حوده كان حيحكيلى عن معالم الاسكندريه انا ما رحتش رحله المدرسه الى طلعوها اصحابى عاوز اعرف عن معالم بلدى يا امى 
_ربنا يحفظه مع انه صغير لكن نبيه ذى ما قولتلك شويه وروحى اكون حكتلو الى هو عاوزه
وبالفعل دخلت جلست بحجرة الضيوف التى رات بداخلها اربعه كنبات اسيوطى مفروشين بالقطيفه بلونه موج البحر كما قالت لها ناديه مفروشين فى الحجرة بشكل مستطيل ناقص ضلع فامامها كنبتان جانب بعضهما وعلى اليمين كنبه وعلى شمالها كنبه اخرى وفى المنتصف منضدة من الرخام موضوع عليها صدفه كبيرة كالصدفات التى تباع على طول شط البحر 
وفرش على الارض سجاده لونها ازرق اما امام باب الحجرة من الداخل فقد وضع صوف لخروف كبير الحجم 
نظر حودة وقال 
_ابويا ربنا ما يحرمنيش منه كل سنه بيدبح كبش كبير ويدينا انا او اخواتى الفروة بالدور والعيد السنه الى فاتت كان الدور عليا لكن بقى لما جبته وكان لسه الخروف مذبوح ورميت الفروة على ظهرها فى السطح فوق حطيت ملح كتير اوى علشان تنشف ونفرشها 
جارتنا الى فوق شافتنا وال ايه قرفت ههههه ستات عقلها 000000 
لم يكمل كلامه لان زوجته زغرت له وقالت مش واقته ياحودة حجهز الشاى وحجيبه اتفضلى ياختى بيت اختك
جلست صفا على الكنبه على يمينها وجلس كلا من فهمى وادهم وحوده على الكنبتان فى المنتصف 
تكلم يونس
_اخبارك ايه دلوقتى 
_الحمد لله بخير عندى ادهم اهو ربنا يحفظه قرب اهو يقفل عشر سنين وشاطر في المدرسة بتاعته و فيه مدرسة ست محترمه بتعتبره زى ابنها بيروح البيت عندها وبتذاكرله مع ابنها وبتحكلهم كل حاجه حتى بتشرحلهم أي حاجه بتحصل فى مصر وقالتلى ان كدا يخلى الطفل مداركه تتوسع هى قالت كدا 0
وعندى امل لسه صغيره ومعايا بنت اخويا مامتها اټوفت وهي بتولدها ربنا يرحمها كانت طيبة وحنينة 
_رد عليها انا ربنا اكرمنى بفريدة وهى اسم على مسمى فريدة هى اميرتى الصغيرة اتجوزت مامتها بعد ما سفرت بسنتين كانت اخت صديق اتعرفت عليه واكتشفت بعدها ان طباعنا مختلفة ودايما في خلافات هي بتحب السهر والرحلات والخروج المستمر ودايما في خلافات واخوها كان بيصبرني لانها اصغرهم وبيقولي عادتنا مختلفة لاننا من بلدين مختلفين حاولت كتير فعلا لكن اهتمامها بنفسها على حساب بنتها خلاني الجأ للطلاق بعد ما اتسببت في كسر لبنتي سابتها تلعب وعربية خبتطها لما عدت الشارع وامها كانت مشغولة عنها فضلت شهور وشهور في الجبس جسمها كله ساعتها حلفت اني انزل مصر تاني واربي بنتي طالما ان الحمد لله الحال متيسر 
_ربنا يحفظهالك ويسعدها وتربيها احسن تربية بمساعدة الحاجة الكبيرة ربنا يطولنا في عمرها لكن حتعرف تربيها في منطقة شعبية والحاجه عيانة ومابتقدرش تتحرك وتجري وراها وتاخد بالها منها 
_ فعلا انا اول ماجيت فكرت في كدا علشان كدا اشتريت فيلا صغيرة في كفر عبده 
_ بسم الله ماشاء الله اسمع انها منطقة للناس الاغنيا وفي حته حلوة هناك حتلاقي مدارس خاصة للبنات انا سمعت كدا من ابلة محاسن في حضانة امل اصلها عايشة هناك جوزها موظف كبير ومقتدر 
كل ذلك ويونس ينظر لها بتمعن فعلا اختلفت عن زمان حتي طريقة كلامها للاسف اخوها وجوزها كان ليهم يد ودايما باصة للارض كانها مکسورة لو اعرف اغير الزمن كنت ما استسلمتش وخۏفت من واحد بلطجي الحقد والكره مالي قلبه بعد ماحرق مكتب ابويا كان مفروض اقف واثبت اني علي اد المسؤليه 
كل ذلك كان يجول بخاطره وهو ينظر لها 
ثم تنهد ونظر لادهم وقال قول بقى يابطل عاوز تعرف ايه بالظبط من معالم الاسكندريه 
_ عاوز اعرف
عامود السوارى شكله ايه وهو فين وايه دا الى جنبو بيقولو سرداب اصحابى نزلو ولما جم حكولى ونفسى اروح
_طب يابطل وانت ما روحتش ليه مع اصحابك 
_ نظر الولد لوالدته وقال ماما قالت ماعهاش فلوس للرحلة وقالتلي لما ربنا حيسهل بفلوس حتفسحني في كل منطقة نفسي ازورها دا انا كمان نفسي اروح رشيد واركب مركب في النيل اصحابي راحو هناك كمان 
_ نظر له يونس بحنية وقال حاضر شوف يا بطل حنبتدى بعمود السوارى 
عامود السواري هو من أشهر معالم الإسكندرية الأثرية العمود فوق تل باب سدرة بين منطقة مدافن المسلمين بكرموز علشان كدا المدافن هناك اسمها مدافن العمود وبين هضبة كوم الشقافة الأثرية ويصل طولة حوالى 27 متر ومصنوع من حجر الغرانيت الأحمر تم بناء العمود تخليدآ للإمبراطور دقلديانوس فى القرن الثالث الميلادى وهو أخر الأثار الباقية من معبد السيرابيوم ويعتبر أعلى ڼصب تذكارى فى العالم ويعود إلى العصر الرومانى وتعود تسميتة إلى العصر العربى نتيجة أرتفاع هذا العمود الشاهق وسط 400 عمود أخر وهو يشبة فى أرتفاعة صوارى السفن لذلك اسماه العرب لما قامو بفتح مصر ودخلو الاسكندريه ا بعمود الصوارى لكن طبعا الناس بعد كدا قالو عليه السوارى بدل الصوارى 
_الله ياعمو حضرتك عرفت دا كله من اين 
_ هههههههه شوف يا بطل عرفته من ايام المدرسه فى الاعدادى وكمان كل اسبوع مدرستنا كانت بتطلعنا رحله لمكان مختلف يعنى مرة قلعة قايدباى ومرة عمود السوارى ورحنا كمان شوفنا البحر المېت الى فى ابو قير وعلى فكرة البحر المېت الاساسى الكبير مش فى مصر لكن علشان فى حته فى ابو قير فيها البحر مافيهوش ولا موجه فسموه كدا 
خلينى اكملك يا بطل تحت عامود السوارع فيه ممرات سريه اول ما تيجى تدخل حتلاقى باب المصريين عندنا هنا مترجمين الكلام الى على الباب ل كلمه قدس الاقداس 
الممرات بقى فى الدخل ضيقه والاكسجين صعب اننا نتنفسه يعنى بنتنفس بصعوبه وخلى بالك دى ممرات متفرعه مش اى حد ينزل لها لازم يبقى فيه مرشد سياحى على درايه كامله بالمكان وعادتا بيبقى فيه من اهالى المنطقه ناس عارفه الممرات وحفظاها كويس المهم الجو فى الممرات رطب جدا بطريقه كبيرة كمان الممرات فيها سلالم بتنزل اكتر لتحت الصراحة يابطل افتكر انى واصحابى جرينا من هناك وخرجنا ومكملناش ههههههه
عموما لازم تعرف ان المعبد دا فيه ملك من ملوك روما امر بهدم المعابد الوثنيه القديمه فى هذه المنطقه فلم يتبقى غير اطلال وممرات مخيفه بها تماثيل افتكر شوفنا تمثال لبقرة فوق راسها قرص للشمس اكيد ليها معنى وتفسير 
_الله نفسى ازور المناطق دى واشوفها يا ريت بس اروح مع مين وبابا عيان وماما بتبقى فى الشغل وانا يابلعب كورة فى شارعنا او فى بيت الابله بتاعتى انا بحبها اوى دى حنينه عليا وبتحكيلى حاجات كتير وعارف حاجات حلوة احكيهالك يا عمو 
نظرت صفا لابنها ويونس وتمنت لو عاد العمر بها ولم تكن ضعيفه امام جبروت اخيها فقد تمنت والد مثل يونس لابنها بدل من والده العاشق للشتيمه والكلام السئ والصړاخ والسب حتى وصل به الامر للسب بالدين بل واطلاق الاشاعات عليها بصوت مرتفع حتي انه قال لها من يومين انها لم تكن عذراء حينما تزوجها والله يعلم بكذبه الا انها قالت له وقتها انها ستقوم بخزق عينه ساعتها سكت فادركت انه جبان وتمنت ان يكون اخيها رجل وعلي اد المسؤليه ويقف امامه الا انه صديقه بكل اسف 
_ معلش يالا بقى يا ادهم نروح لسه حنروح لطنطك سعديه ناخد منها حبيبة ونروح اصلها تبقى خالتها وطبعا ما اقدرش احوشها عنها . معلش يا ناديه ادخل اوضتك وحجيب باقيه حاجتى واشيل امل من السرير دى زمانها شبعت نوم 
_حاضر ياختي .انتي ما مدتيش ايدك على الفاكهه ولا شربتى الشاى 
_ليه ياعنى ما انا شربت اول ما جيت انا