رواية عود ثقاب ( الفصل 1:10) بقلم ندا سليمان
انت في الصفحة 1 من 15 صفحات
الساعه 7 بالليل عربيات الزفه ماشيه ف الشارع بتتمايل ب فرحه والعروسه ف الكوافير خلصت من ربع ساعه و ف إنتظار عريسها عشان ياخدها لقاعة الفرح وبعدها على بيتهم ..قاعده ف توتر ممزوج بفرحه وقلق أحاسيس مختلطه بتحسها كل عروسه ف اللحظه دى.
إيه يا باشا سرحان... يلا يا عم وصلنا إنزل عشان تاخد عروستك يا بختك ليك حق تسرح تلاقيك بتغني إنهارده فرحي يا جدعان
يلااااا يا جدع هتنح كده كتيير !!
فتح باب العربيه بكسل ونزل وقف جنب صاحبه..بيحاول يبتسم مش قادر
الضيق باين على وشه قربت منه وهمست ...
علي ...مش قادر يا علا حاسس إن بموافقتى على قرار زى ده ومطاوعتكم بنتحر
مسكت أخوها من إيديه وراحوا عند باب الكوافير..خرجت العروسه بفستانها الأبيض..جمالها وإبتسامتها إللى بتحاول تدارى بيها قلقها منوره وباينه من تحت طرحتها إللى نازله على وشها
وبعد زغرودتها إنطلقت الزغاريد من البنات إللى حولين العروسه لولولوولوولولولولولي لولولوولوولولولولولي
مسك إيديها وهو حاسس إنه رايح لحكم الإعدام..سامع الزغاريد وكأنها صرخات قلبه بيستنجد بيها..حاسس إنه طفل بيبعدوه عن أمه عاوز يجري عليها ويترمي ف حضنها ..حاول يرسم الإبتسامه المزيفه زى ما علا طلبت منه..ركبت العروسه وركب جنبها وإتحرك الموكب ل الأستوديو عشان يتصوروا
وقف جنبها ف الأستوديو وكل شويه المصور يقوله إبتسم لكنه مش قادر
هى أكتر واحده عرفاه وعارفه إنه مابيحبش يتصور وهومتضايق ....أصل الصور دايما بتخلدلنا اللحظات وهو بيكره الحزن ومابيحبش الصور تخلدله لحظات حزنه وضعفه ودلوقتى هو ف قمة ألمه بصتله هاله بتعجب وهمست ...مالك !!!
بدأ يتصنع الإبتسامه من تاني عشان محدش ياخد باله ولا حد يسمع صرخات قلبه
خلصوا تصوير وعملوا زفه وراحوا ع النادى وطول الطريق هاله ملاحظه ضيقه !
مسكت إيديه خرج من شروده وإبتسملها ردت عليه بإبتسامه صافيه مليانه فرحه
وصلوا قاعة الأفراح..مسكت ف إيديه وزفه وزغاريد حوليهم لحد ما دخلوا..وقف العريس ف إيديه عروسته عند الكوشه..إشتغل ال J وبدأت أسماء الله الحسني بصوت هشام عباس والمصور بيصورهم وعلي بيحمد ربنا إن الكاميرا ماتقدرش تصور إلا الظاهر بس وإلا كانوا كل الناس إللى بتتفرج ع الشاشات الصغيره دى شافوا حالة قلبه وبكوا وإنقلب الفرح لعزا
وبمجرد ما إنتهت أسماء الله الحسني إنتهت الأجواء الدينيه وبدأ الصخب والرقص كعادة الأفراح المصريه...
تبدأ بأسماء الله الحسني أو أغنية دينية ! قال يعني أغنية البداية دى هتبارك الليله وإللى هيتم بعدها ساعة فرحه ف ليلة العمر وبس...!!
المهم أول ما إنتهت أسماء الله الحسني طلب بتاع ال J من علي وهاله يستعدوا ل رقصه سلوو..بدأت الموسيقي
حطت إيديها على كتفه وهو ضم خصرها بإيدين مرتعشه..حاسس إنه بيعمل حاجه غلط أصله من يوم ما حبها وهو معتبر كل البنات محرمين عليه هى وبس حلاله داليا بدأ صوت مغني ..
سيبى روحك وارقصى
بين ايديا والمسى
حضنى بايديكى واضحكى
وعلى ودنى مييييييلى واهمسي
بص ل هاله وإندهش شايف داليا قصاده إبتسم ب فرحه معقوله انا بحلم والحقيقه إنى ضامم دلوقتى داليا...!!
من كتر فرحته ضم هاله لحضنه أووى شالها ولف بيها وسط تصفيق وتصفير الحاضرين وهاله طايره من الفرحه..أما عن علا فهى واقفه مستغربه وبتقول لنفسها كويس علي مثل الدور ببراعه يا رب الليله دى تعدي على خير !
نزلها ع الأرض وهو لسه مبتسم وعيونه بتلمع قرب وهمس ف ودنها ...أنا ما أقدرش أبعد عنك لحظه واحده يا عشقي الأول والأخير ..
وهاله الفرحه مش سيعاها فاكره إن كل الكلام ده ليها لكنه دلوقتى مش شايفها هى شايف قصاده داليا
وأم علي قاعده جنب أبوه مكشره وحاطه إيديها على خدها
أبو علي ...إفردي وشك إنتي ف فرح إبنك !
زوجته ...هه فرح !!! يا حسره على إبني إللى عيونه كلها حزن وألم طول عمرك ماتحبش داليا معرفش عملتلك إيه دي مفيش أطيب ولا أنقي منها !
أبوعلي...أطيب وأنقي ...إنتي إللى طيبه اسكتي بس وقفلي ع السيره دي خلاص بلا داليا بلا زفت إبنك إتجوز دكتوره هاله المحترمه بنت الناس إللى الست داليا بتاعتك دي ماتجيش حاجه جنبها ! والحمدلله إن ربنا رحم إبني منها ورزقه بالأحسن
حرام عليك إتقي الله ده إنت عندك بنات عمرك ما شفت حاجه وحشه من داليا ومع ذلك بتكرهها انا داليا عندي أحسن من مليوم بنت وإنت عارف إن كل اللى حصل ملهاش يد فيه
بقولك ايه انا مش ناقص نكد وقرف ف فرح إبني ثم إنتي عارفه إبنك علي إللى ف دماغه بيمشيه لو كان عاوز يكمل معاها بعد إللى حصل كان هيكمل ومش هيهمه حد بس عشان راجل من ضهر راجل وماينفعش واحده زى دى تكون مراته وام عياله سابها
حرام عليك د
قاطعها ...بس خلاص ولا كلمه زياده ومش عاوز السيره دي تتفتح تاني ولا اسم البت دي يجي قصادي عشان بتخنق
إنتهت الأغنيه وفاق علي من أحلامه على تصفيق الحاضرين بص ل داليا ومالقهاش لقي هاله ...إتصدم وعرف إنه لسه الکابوس ماخلصش ..بدأت الأغنية التانيه...
حبيبي علي نياته
كل البنات اخواته ده مكنش كده
بس انا غيرت كل حياته
مسكوا البنات هاله من إيديها وحوطها وبدأوا يرقصوا سوا زى ما الشباب سحبوا علي وبدأوا يرقصوا معاه إعتذر بحجة إنه مابيعرفش يرقص ووقف يصقف ويتفرج عليهم وهم بيرقصوا ومازال راسم بسمه مصطنعه على وشه ..
بص حوليه شايف ..... ملامح داليا ف المكان..هناك أهه بتبتسمله وتقرب منه..إبتسم..غمض عيونه وساب طيفها يحضنه .. ..سمع صوت صرخه..فتح عيونه وشاف داليا بتصرخ قصاده وتندهله وتستنجد بيه..صوت الأغاني والصخب بيعلي وصرخات داليا بتعلى ..حاسس إنه مش قادر ياخد نفسه ..بدأ يلاقي طريق وسط الزحمه يخرج منه بره القاعه مسكه واحد صاحبه من إيديه وقرب
على ودنه ...رايح فين يا علي إنت كويس شكلك مش طبيعي !!!
علي ...رايح الحمام
قدر يفلت منه وخرج من الإتجاه التانى ل النادى فك الكرفته وبدأ ياخد نفسه..هدي وبص ل السما
غمض عيونه وشاف داليا وهي جايه عليه مبتسمه ...علي علي علي
علي ...عيوون علي وكل حياته
داليا ...لسه جايه من عند سماح الفستان خلاص خلصت تفصيله بقي روووعه ما شاء الله بس باقي لمسات أخيره هبقي أروحلها بكره عشان آخر بروفه بقي إن شاء الله
علي ...إن شاء الله لسه مش ناويه تفرجيني ع الفستان برده ?
داليا ...لأ ...عاوزاها تبقي مفاجئه
علي ...طاب إفرضي ماعجبنيش ولا طلع ضيق ... _
داليا ...أنا عارفه إن حضرتك بتثق ف ذوقي زى ما أنا عارفه إنك واثق إني مش هختار حاجه مش محتشمه ...
علي ...مممممممم سكتيني ب ردك كالعاده... ماشي ماشي عموما نستني يوم الفرح خلاص هااانت مع إني واثق إنك هتعجبيني بأى حاجه هتلبسيها أصلا محدش غيرك سكن جوه قلبي وعيوني 3
بصت ف الأرض بخجل وردت بإرتباك ...وبعدين بقي مش إتفقنا مفيش الكلام ده لحد ما يتقفل علينا باب إن شاء الله بقي
علي ...إرحميني يا داليا..كنا وإحنا صغيرين زى الفل كبرنا وخطبتك حطيتي حدود ومعرفش إيه وقال لما نتجوز يا بت ده يعتبر انا مربيكي ..
داليا ...هههههههههه يعني زى بابا أو أخويا الكبير خلاص ماينفعش نتجوز بقي ..
علي ...لا يا شيخه ... عشان اټشل انا صح !!! ده انا ماصدقت خلاص اليوم ده قرب ..
داليا ...ربنا يتم فرحتنا على خير يا حبيبي
علي ...اللهم آمين بس إنتي قولتي إيه
داليات ...ربنا يتم فرحتنا علي خير
علي ...لأ إللى بعدها بقي على خير يا إيه
داليا ...ربنا يتم فرحتنا على خير يا علي...
علي ...علي مين ده إحنا هنهزر بقي خلصي قولي كنتي بتقولي إيه
إبتسمت بخجل وإتوردت خدودها...خلاص بقي الله
علي ...ماشي ماشي بكره إن شاء الله نتجوز وهعملك عقاپ تقوليها كل يوم 3.. ..كل يوم ايه ده !!!
كل ساعه هقولك كرريها 10 مرات قبل الفطار والغدا والعشا
داليا ...ههههههههههههههههههههههههههههههههههههههههههههههههههههه
لسه سامع صوت ضحكها ف ودانه حط إيديه ف جيبه وطلع الموبايل..قلب ف الأسماء ووقف عندها حب عمري ضغط إتصال وجاله الرد ..
الهاتف الذي طلبته غير متاح حاليا من فضلك حاول الإتصال في وقت لاحق
زفر بضيق ...أوووففففففففففففف
قلب ف الأسماء تانى وجاب خالتي خديجه داس إتصال وسمع جرس ساب الموبايل على ودنه مترقب ردها پخوف
خديجه قاعده جنب جوزها الحزن كاسي ملامحهم..حاطه إيديها على خدها والدموع ف عنيها
رن موبايلها أول ما قرأت الإسم إرتبكت بصلها جوزها ...مين إللى بيتصل يا خديجه !!
خديجه ...ده ده دى أم إبراهيم كانت عاوزه تسألني على دكتور عنين كويس
رد پغضب ...وده وقته إحنا فايقين لدكاتره !! سيبينا ف المصېبه إللى إحنا فيها
خديجه ...
كنسلت فرن الموبايل تانى
زوجها بعصبيه...فزى ردى ع الزفت ده أنا مش عاوز ۏجع دماغ جنبي جتكوا القرف بيت يجيب الهم
خديجه وهى قايمه ...حاضر حاضر ما تزعلش نفسك هقوم أهه
دخلت أوضتها وردت بهمس وضيق...ألو أيوه عاوز إيه
علي ...خالتي أنا عارف إنك مش طايقه حتي تسمعي صوتي بس أبوس إيديك إديني داليا أكلمها
خديجه ...إنت إتجننت ولا جرا لعقلك حاجه !!! خلاص مابقاش فيه داليا وبعدين إنت مش المفروض ف فرحك دلوقتى بتتصل هنا ليه عاوز إيه من داليا مش إنت بعتها زى باقى اللى باعوها ولومتها وإتخليت عنها ف أكتر وقت إحتاجتلك فيه !!! هو ده إللى بتسميه الحب
