رواية عود ثقاب ( الفصل 16:20) بقلم ندا سليمان
انت في الصفحة 1 من 8 صفحات
علي لما كان قاعد ف الشقه كالعاده ونيسه الحزن والحسره...مابقاش بيروح الجامعه ولا بيطلع من البيت...طول اليوم بيكلم داليا كإنها موجوده معاه ولو أي حد شافه هيقول عليه إتجنن !!!
دخل عمل كوبايتين نسكافيه واحده ليه وواحده لداليا فتح التليفزيون وفضل يقلب بلا هدف لحد ما لقي فيلم كارتون داليا كانت بتحبه أووي فإبتسم وبصلها...شفتي سبحان الله أهه لسه بيبدأ تعالي بقي ف حضڼي عشان نسمعه سوا
رجع فلاش باك لداليا لما كانوا ف المصيف...نزلوا يشتروا شوية حاجات وهي عجبتها ميداليه علي شكل برج إيفيل
علي...عجباك
داليا...جدا
علي...ف يوم من الأيام إن شاء الله هتشوفي البرج الحقيقي بنفسك وأنا وإنتي هناك سوا
داليا...يا سلام
علي...طاب والله ما بهزر نروح شهر العسل هناك
علي...إيه شاور لقلبك دي !!!
داليا...شاور لقلبك وأوعدني
علي...أيوه أعمل يعني
داليا...شاور لقلبك كده وأوعدني
علي...إيه الحركه الجديده دي !
داليا...شفتها ف فيلم UP
علي...إيه الفيلم ده
داليا...فيلم كارتون بحبه أوووي إيه رأيك نسمعه إنهارده
علي...لا لا إنتي عرفاني مليش ف الكارتون والكلام ده أنا هعيل
علي...ههههههههههههه شكلك بيبقي تحفه وإنتي مكشره
داليا...والله
علي...بس وإنتي بتضحكي أحلي بكتيير من الآخر إنتي ف كل حالاتك بټخطفي قلبي
إبتسمت بخجل...الله بقي يلا بينا عشان عشان إتأخرنا
علي...أيوه أيوه أمال !! يلا يا ستي
.
.
رجعوا الشاليه...البنات كانوا قاعدين سوا ف أوضتهم خبط علي ع الباب
علي...ممكن أدخل يا بنات
علا...إتفضل يا علوش
علي...علوش !!! الله يسامحك يا علا
علياء...عاوز إيه يا لولو
علي...لولو ! وإنتي يا داليا معندكيش دلع كمان عشان تكمل !!!
داليا...ههههههههههه إسمك حلو كده مش محتاج دلع عشان أجمله
علياء...بت يا علا شجره وإتنين لمون هنا
علي...ههههههههههه بس يا رخمه إنتي وهي نستوني كنت جاي ليه أمممم اه صح ......ممكن أسمع معاكم فيلم
علياء...أوي أوي حد يكره صحبتك يا باشمهندس تعالي أقعد لما نختار فيلم
علي...يلا نسمع فيلم UP
علا...من إمته بتسمع كارتون ده إنت ما بتحبهوش !
إتوردت خدودها وإبتسمت بفرحه وخجل
.
.
.
لسه شايف قصاد عينيه ملامحها ونظرتها وإبتسامتها ف اللحظه دي ..
وفجأه خرجه من شروده صوت جرس الباب...هروح أفتح وآجي يا روحي
فتح الباب وإتسمر مكانه
_ أقدر أدخل
علي...أ أ أهلا بحضرتك إتفضلي
دخلت ولاحظت كوبايتين النسكافيه
_ إنت منتظر حد
علي...لأ خالص
لاحظ إنها باصه ع النسكافيه...علي...ده أختي علياء كانت جيالي بس راحت مشوار مع جوزها يعني
_ أه...طيب هو أنا ممكن أتكلم معاك شويه
علي...أه أوي أوي إتفضلي حضرتك
خرج وحيد من عند طارق وطارق رن الجرس...دخل العسكري
طارق...مش عاوز أي إزعاج ولا أي حد يدخلي !
خرج العسكري وبدأ طارق يكمل شغله...
.
.
داليا خرجت من المستشفي وراحت علي طول ع القسم...وقفت عند مكتب طارق والعسكري منعها تدخل وشاورلها علي مكتب تاني تروحله...فضلت تقوله إنها لازم تدخل لطارق لأمر مهم لكنه رفض ومنعها فطنشت كلامه ودفعت الباب پعنف
.
.
.
طارق بدأ يندمج ف شغله وفجأه إندفع باب المكتب پعنف ولقي داليا داخله والعسكري بيشدها من إيديها
طارق...سيبها سيبها تدخل خلاص...روح وإقفل الباب وراك
سابها العسكري...خرج وقفل الباب وراه وقفت داليا قصاد المكتب...وطارق لاحظ إنها معيطه ومستغرب إنها تجيله لوحدها من المصحه !!!
طارق...داليا إنتي كويسه
داليا...أنا خلاص متنازله عن حقي...إلغي المحضر إللي عملته وإقفل القضيه خلاص مفيش أي حاجه حصلتلي
إتصدم طارق ووقف قصاد داليا...داليا إنتي بتقولي إيه !! مش ممكن
داليا...مش ممكن ليه !!! واحده جت قدمت بلاغ وبتتنازل عنه دلوقتي خلاص بسيطه !
طارق...وإيه إللي يخليكي تتنازلي عن حقك !!!
داليا...عشان أنا خلاص مش عاوزه حقي أبويا عندي أهم من حقي إللي بدور عليه ده
طارق...هو والدك منعك إنك تتطالبي بحقك !!!
بدأت دموع داليا تنزل وعلى صوت نحيبها...ردت بصوت متهدج...أ أن أنا السبب ف كل إللي حصله ومعنديش إستعداد أخسره...مش مهم مش مهم عندي أعيش بقهره وألم وعذاب ف حياتي بس المهم عندي نفس أبويا يبقي ف الدنيا...مهم عندي
ما إتحرمش من حضنه
طارق...إهدي يا داليا أرجوكي وفهميني حصل إيه لوالدك
داليا...بابا ف المستشفي بسببي وكل ده ولسه ماعرفش بموضوع القضيه أمال لو عرف !! الدكتور قال غلط أي ضغط عليه وأنا مستحيل هكون أنانيه...لو سمحت إلغي المحضر دلوقتي حالا
طارق...أ أص أ
رن موبايل طارق ولقي وحيد...رد وسمع منه التمام...تمام يا باشا إتقبض ع التلاته وزي ما أمرت سحبنا تليفوناتهم وهما معانا ف البوكس دلوقتي !
طارق...طيب يا وحيد خلاص أول ما توصلوا إحتجزهم ما تجوش عندي وأنا هكلمك بعدين
قفل الموبايل وبص لداليا ومش عارف يقولها إيه !!
داليا وهي بتمسح دموعها...يلا
طارق بتردد...داليا خلاص مابقاش ينفع !
داليا...هو إيه ده إللي مبقاش ينفع !
طارق...فات أوان إنك تتنازلي عن حقك لإن خلاص قبضنا ع المتهمين
صړخت داليا...إييييييييييييييه مش ممكن...أبويا لأ مش هينفع مش هينفع مش عاوزه حقي ..
طارق...داليا إهدي بس وهن
قاطعته...إنت تسكت خالص إنت كل إللي همك تعمل قضيه تقيله وتاخد ترقيه لكن حياة الناس ملهاش أي تمن عندك ولو حصلت حاجه لأبويا أنا هحملك المسئوليه كامله
قالت جملتها ومشيت ورزعت الباب وراها...وطارق واقف مزهول من كلامها عذرها عشان حالتها بس مش عارف يعمل إيه !
كلم نهال وإتصدمت لما عرفت بإللي حصل وعلي طول طلبت منه مايسيبش داليا...فخرج من المكتب بسرعه وراها وفضل يدور عليها لكنها ف لحظه إختفت وملهاش أثر !!!!!!!!
جاسر...أنا جييييت
خالد...لا لا لا إنهارده عيد !!! غريبه يعني أول مره تقول هقلب وأجيلكم وتكون أد كلامك
جاسر...ههههههه عيب عليكو يا عم بس بجد زهقت دي خنقاااني عاوزه تعرف كل تحركاتي ناقص لما أهرش أكلمها وأقولها حبيبتي أنا هرشت _
محمود...ههههههههههههههخخخخخ هم كده الحريم يا عمنا تحسهم حبل بيتلف حولين رقبتلك برضاك
جاسر...أقعد ف جنب ياض وإب بإللي معاك
خالد...هنا يا ابني إنت طاب روح ع الحمام
جاسر...محدش له عندنا حاجه...تحب أشتريلك أم المكان ده بأصحابه !!! إحنا قاعدين هنا بفلوسنا يبقي نعمل إللي علي كيفنا _
محمود...تعجبني دماغك...بالمناسبه إحنا سبقناك وطلبنا حاجات وخلصت أبقي حاسب عليها ههههههههههههههه
جاسر...طاب يلا بس إخلص
ناوله محمود علبه وقبل ما يفتحها سمعوا...وكمان بتشموا !!! قوم يلا إنت وهو .
إلتفتوا...جاسر...خير فيه حاجه !
_ أه فيه كل خير...مطلوب القبض عليكم يا حيلتها
محمود وخالد بصوا لبعض بعدين بصوا لجاسر...فوقف جاسر بغرور...إنت عارف بتكلم مين !!
حك الضابط ذقنه وفجأه مد إيديه ومسك جاسر من رقبته...مش عايز كلام كتير يا روح أمك
بص للعساكر وأمرهم يخدوهم ع البوكس خدوا التلاته وسط زهول الموجودين ف المكان...سحبوا موبايلاتهم قبل ما يحطوهم ف البوكس وجاسر وخالد ومحمود مش مستوعبين إللي بيحصل ولا فاهمين هم واخدينهم ليه وعلي فين...!!!
طارق قال ل نهال إن داليا إختفت ! وهي كلمت أحمد سألته عنها فنزل يدور عليها !
.
.
.
داليا خرجت من عند طارق وفضلت ماشيه ف الشارع بلا هدف ودموعها مش عاوزه تقف ..
خاېفه جدا علي أبوها وف نفس الوقت حاسه إنها مقهوووره ووحيده أوووووي...مش حاسه بصخب ولا زحمة الشارع...بصت للسما وفضلت تردد بحرقه ..
يا رب دبر لي فإني لا أحسن التدبير ..
فتحت عيونها ولقت الناس بتبصلها ف الشارع كإنها مجنونه...فهربت من نظراتهم ومش عارفه تروح علي فين .. !!!!!!
علي...إتفضلي حضرتك إقعدي
أم هاله...أنا أسفه إني جيالك من غير ميعاد يا ابني
علي...لا حضرتك تيجي ف أي وقت ما تعتذريش
أم هاله...طبعا إنت مستغرب أنا هنا ليه رغم إنك خلاص طلقت بنتي !
علي... !!!
أم هاله...بص يا ابني أنا جيالك دلوقتي من ورا بنتي ومن غير حتي ما أقول لجوزي...عارفه إنك خلاص طلقت هاله بس فيه حاجه لازم تعرفها
علي بيبصلها بتعجب !!!
إتشجعت أم هاله وقالت...هاله بنتي حامل يا علي
إتصدم أول ما سمع كلامها ووقف...إيه إللي حضرتك بتقوليه ده !!!! أنا أنا مش فاهم حاجه !!!!!!!
أم هاله...إللي سمعته يا ابني...هاله حامل من قبل ما تطلقوا
علي...بس إزاي !!!
أم هاله بعصبيه...هو إيه إللي إزاي ده إن شاء الله...هي مش كانت مراتك . !!!
علي...لأ ما اقصدش بس هي ماقالتليش ليه قبل الطلاق !!!!
أم هاله...والله السؤال ده إنت إللي تجاوب عليه شوف عملتلها إيه
قلب حياتها بالشكل ده !!
عموما أنا مش جايه أتكلم معاك ف حاجه غير إني أرضي ضميري قدام ربنا وأعرفك إنها حامل
مشيت وسابته لسه مزهول...!!
بيرن ف ودانه كلامها هاله بنتي حامل يا علي !!!
حط إيديه علي ودانه وبدأ الصداع...مش عارف يفكر ولا قادر يستوعب الصدمه ولا الموقف إللي إتحط فيه دلوقتي...!!
داليا فضلت ماشيه ف الشوارع لحد ما رجلها وجعتها...بصت لقت نفسها عند النيل...قعدت هناك وفضلت باصه للشمس وهي بتستخبي ف حضڼ السما وقت الغروب حاسه إن الحمره إللي ف السما دي تشبه لقلبها الدامي .. ...حطت إيديها علي قلبها بصت جنبها ولمحت طيف علي وهو بيضحك معاها ف نفس المكان بصت علي بتاع الدرا وإفتكرت لما كانوا بيشتروا منه...حمص الشام .. البطاطا وغزل البنات...نسمة الهوا الصافيه...تأملت كل ده وكإنها غرقان شايف سكرات المۏت ب عينيه ..
أحمد مازال بيدور علي داليا ونهال راحت ع المستشفي لأم داليا...كلمها طارق وهي هناك يتطمن وقالتله إنها لسه ماظهرتش فقرر ينزل يدور عليها
داليا رغم نسمات الهوا الصافيه حاسه پخنقه...حاسه حد ماسك رقبتها وخانقها مش قادره تتنفس...دموعها بتنساب وهي مش عارفه تفكر ف هم إيه ولا إيه !!!
هتفكر ف إللي حصلها ولا ف علي إللي باعها وأول ما إتوجعت وإحتارت لقت رجلها جيباها عند أكتر مكان كانوا بيقعدوا فيه سوا .. !!!
مش عارفه ليه رغم كل إللي حصل حاسه بحنين جواها ليه نفسها دلوقتي بس تشوفه قصادها ساعتها هتنسي كل حاجه حصلت وهتسيب نفسها للحظه دي وبس...هتشكيله إللي جواها وتبكي مش عاوزه أكتر من كده مجرد بس إنها تلاقيه جنبها ..
علي من وقت ما مشيت أم هاله وهو قاعد ف الأرض وبيحاول يستوعب الموقف !!
بيحاول يفكر ف إللي المفروض يعمله دلوقتي مع هاله...بيفكر ف حياته إللي بين يوم وليله إتحولت لچحيم Sad !!!
قام من الأرض إتناول الجاكيت بتاعه ونزل...فضل ماشي ف الشوارع بلا هدف ولقي رجله وخداه عند أكتر مكان كان بيقعد فيه مع داليا...عند المكان إللي بيحس فيه
