رواية عود ثقاب ( الفصل 16:20) بقلم ندا سليمان

بروحها ويسمع ضحكاتها الصافيه  ...دلوقتي هو مشتاقلها أوووي 
Sad نفسه يشوف داليا ويترمي ف حضنها...نفسه يترجاها تسامحه وهو وواثق إنها هتسامحه لإن مهما حصل نقاء قلبها مابيعرفش يكره ولا يحقد .. بيتأمل النيل بعيون باكيه .. وبيفتكر كل لحظه مرت هنا وكل خطوه مشيوها سوا 
وهناك علي بعد كام متر قاعده داليا وبتفتكر ف نفس الذكريات ......
وإنتهت حلقتنا هنا إنهارده يا تري علي هيقابل داليا إللي قاعده علي بعد خطوات منه ! ولو إتقابلوا هيقولها إيه ! وياتري ناوي يعمل إيه مع هاله بعد ما عرف بحملها ! وهاله لما تعرف إن أمها قالتله هتكون ردة فعلها إيه يا تري هترجعله ولا لأ وقضية داليا هتمشي إزاي ! ولما أبوها يعرف يا تري هتكون ردة فعله إيه 
17
وقفنا الحلقه إللي فاتت عند أما
قام علي من الأرض...إتناول الجاكيت بتاعه ونزل...فضل ماشي ف الشوارع بلا هدف ولقي رجله وخداه عند أكتر مكان كان بيقعد فيه مع داليا...عند المكان إللي بيحس فيه بروحها ويسمع ضحكاتها الصافيه...دلوقتي هو مشتاقلها أوووي نفسه يشوف داليا ويترمي ف حضنها...نفسه يترجاها تسامحه وهو وواثق إنها هتسامحه لإن مهما حصل نقاء قلبها مابيعرفش يكره ولا يحقد بيتأمل النيل بعيون باكيه وبيفتكر كل لحظه مرت هنا وكل خطوه مشيوها سوا 
وهناك على بعد كام متر قاعده داليا وبتفتكر ف نفس الذكريات 
.
.
.
مشي علي وهو لسه بيتأمل المكان ووقف عند راجل بيبيع ورد إبتسم وراحله وأول ما الراجل شافه عرفه
_ أستاذ علي 
علي...إزيك يا عم منصور
_ ف نعمه وفضل الحمدلله عاش من شافك بقالك كتير أوي ما بتجيش
علي...معلش ظروف ومشاغل الحياه بقي
_ ده أنا كنت كل يوم بجهز لحضرتك أنواع الورد إللي الست داليا بتحبهم وموجودين دلوقتي كمان مش هتاخد منهم 
قلب علي إتقبض أول ما سمع إسم داليا وسرح ف أيام ما كان بيجيبلها ورد من هنا وكل مره يجيوا فيها المكان سوا يشتريلها ورد من الأنواع إللي بتحبها ... فاق من شروده علي صوت الراجل
_ إلا هي
الست داليا مش مع حضرتك ليه 
علي...مسافره وهترجع قريب أوي إن شاء الله .. 
_ ربنا يرجعهالك بالسلامه يا استاذ علي
علي...يا رب إدعيلنا كتير أوي الله يكرمك يا عم منصور...بقولك إيه جهزلي بوكيه الورد
_ هي مش مسافره هيدبل منك كده لما ترجع أبقي تعالى وأنا هعملهولك
علي...لأ ما تخافش مش هيدبل بس إعملي بوكيه من كل الورود إللي داليا بتحبها
_ من عنيا 
أخد بوكيه الورد من الراجل...سلم عليه ومشي وهو ماسكه بيتأمله ويبتسم لإنه دلوقتي شايف قصاده إبتسامة داليا ونظرتها لبوكيه الورد لما كان بيجيبهولها وفجأه !
وقف مكانه لما لمح داليا ع النيل فضل يتأملها والهوا بيطير حجابها حط إيديه علي قلبه ولمعت الدموع ف عنيه إفتكر إنه كالعاده بيتهيأله إن داليا قاعده هناك ومايعرفش إنها بالفعل هي...فضل واقف يتأمل سراب داليا إللي شايفه قصاده دلوقتي ودموع حاضنه خده .....
داليا تعبت من كتر التفكير...لاحظت إنها مختفيه بقالها كتير خاڤت يقلقوا عليها وهم مش ناقصيين هم أكتر من كده
إنت قاعده هنا ليه يا داليا !! لسه عندك أمل يجي ! قومي كفايه أهلك مش ناقصيين قلق أكتر من كده...إستهدي بالله وإمشي ثم إن خلاص المكان ده مبقاش مكانك 
مسحت دموعها إتناولت شنطتها وقامت .... وعلي مازال واقف بيبصلها ومش متخيل إن ممكن تكون هي داليا بالفعل !
قرب منها طفل...عاوز حاجه لله يا ابله وربنا ماكلت حاجه م الصبح Sad
إبتسمت و طلعت فلوس من شنطتها...مسحت علي شعره وإدتهاله 
وعلي واقف ومتابع الموقف من بعيد...معقوله دي داليا !
فضل يهز ف راسه وكإنه بيفوق نفسه...لحد ما جه نفس الطفل عنده وقاله نفس الجمله بص للطفل وهو لسه مزهول...حبيبي هو إنت شايف أبله إللي واقفه هناك دي 
_ أيوه وإدتني فلوس دلوقتي 
علي...يعني مش أنا لوحدي إللي شايفها يعني داليا مش ممكن !!!!!
وبسرعه جري ناحيتها وقبل ما يوصل عندها خبط ف بياع غزل البنات
.
.
داليا بعد ما إدت الفلوس للطفل شاورت لتاكسي وركبت للمستشفي ...
.
.
إعتذر علي لبياع غزل البنات ولمح داليا بتركب تاكسي جري بسرعه ورا التاكسي وهو بينده...داليا داليا إستني...داليااااااااا
وداليا سندت راسها علي كنبة العربيه ومش سامعه أي صوت حوليها غير صوت أم كلثوم من راديو التاكسي.. 
وصفولي الصبر لقيته خيال 
و كلام في الحب يا دوب ينقال 
أهرب من قلبي أروح على فين 
ليالينا الحلوة في كل مكان 
مليناها حب احنا الاتنين 
و ملينا الدنيا أمل و حنان 
وعلي تعب من الجري ورا التاكسي وقف ومش مصدق إن داليا كانت علي بعد خطوات منه وبيحسبها مجرد سراب !
قعد ياخد نفسه وهو بيبص للورد پألم بحسره .....
 
نهال وعلياء قاعدين ف المستشفي مع أم داليا بيهدوها من الحاله إللي بقت فيها بعد ما داليا إختفت !
وطارق وأحمد كل واحد بيدور عليها ف مكان وملهاش أثر .....
.
.
.
علياء...إستهدي بالله كده يا خالتو والله هترجع وهنطمن عليها وعمو عمران هيبقي أحسن من الأول كمان عشان خاطري كفايه عياط بقي 
خديجه...هلاقيها منين ولا منين بس يا ربي من راجلي سندي وضهري إللي رقدته كسراني ولا من بنتي إللي مليش غيرها وكل يوم قلبي بيتقطع عليها طمن قلبي يا رب أنا مابقتش مستحمله 
نهال...ماتقلقيش يا طنط داليا عاقله وإن شاء الله مش هتعمل أي حاجه تضرها تلاقيها خرجت تتمشي من ضيقها وهتلاقيها جايه علي هنا علي طول 
خديجه...يا رب يا رب إنت العالم بحالي يا كريم 
لحظات ولمحوا داليا جايه ناحيتهم جريوا التلاته عليها...داليا إنتي كويسه كنتي فين 
داليا...إيه يا جماعه مالكم في إيه أنا كويسه الحمدلله...إتخنقت و روحت أتمشي شويه مش أكتر !!
نهال...مش قولتلك يا طنط 
قرب داليا من أمها مسحت دموعها وقبلت راسها...كفايه عياط يا أمي...بابا هيبقي كويس إن شاء الله ما تقلقيش 
ضمت أمها ف حضنها وهي بتربت علي كتفها وتهديها 
ونهال إتصلت بأحمد وطارق وبلغتهم إن داليا جت المستشفي...فرجعوا على طول على هناك ...
فضلت داليا قاعده جنب أمها منتظرين خروج الدكتور إللي دخل لأبوها وماسكه دموعها بالعافيه عشان تقدر تصبر أمها !
دقايق وخرج الدكتور وطمنهم وطلبت منه داليا يدخلوا يشوفوه وافق بشرط ما
يتكلموش معاه كتير ومجرد 10 دقايق ويخرجوا
دخلت خديجه الأول إطمنت عليه وخرجت...بعدها دخلت داليا .. قربت من أبوها ودموعها بدأت تفك قيودها وتنزل ڠصب عنها...قبلت إيديه وفضلت تعتذرله
داليا...أنا أسفه يا حبيبي أنا إللي عملت فيك كل ده وأسفه عشان قبلت أرفع قضيه وأطالب بحقي معرفش إزاي كنت أنانيه أوي كده ومافكرتش فيك...سامحني يا نور عيني وماتقلقش أنا هعمل المستحيل وأوقف القضيه دي وكإن محصلش أي حاجه...بص أنا خلاص مش هقعد ف المصحه تاني هرجع البيت وأشتغل زي ماكنت ونعيش بسعاده وكإن محصلش حاجه خالص و ماتخفش أنا هبقي كويسه أوي بس عشان خاطري تقوم بالسلامه عشان خاطري يا بابا ملناش سند غيرك ف الدنيا 
فضلت تبكي بحرقه وهي ماسكه إيديه...فضغط علي إيديها ضغطه خفيفه بصتله...رفع إيديه بوهن وطلب منها تقرب...شال جهاز التنفس فقامت بسرعه وقربت منه عشان تسمع بيقول إيه...قالها بوهن .. 
آآآآه أن أنا إللي آسف يا بنتي أو أوعي تتنازلي عععععن ححقك يا داليا
آآآآآه عشان عشان خاطري إإإعملي إللي ماقدرتش أنا أعمله ودايما هه هكون فخووور بيكي 
قالها كلامه ودموعه نازله...مسحت داليا دموعه وحطتله جهاز التنفس...قبلت راسه .. 
كفايه كلام يا حبيبي عشان ما تتعبش...ما تقلقش عليا يا بابا حتي لو إتنازلت عن القضيه هبقي كويسه مش مهم...المهم عندي صحتك إنت وبس إنت أهم عندي من أي حاجه ف الدنيا 
رفع إيديه وشاورلها تاني...فقربت منه...ورفعتله الجهاز
عمران بوهن...إسسسمعي كلامي آآآه لو رب بنا أحيااني ووقفت علي رجلي هرف ف فع أنا القضيه وأجيب لك حقك عشان خاطري أو أوعي تت تتنازلي يا داليا
داليا وهي بتحطله الجهاز...خلاص يا حبيبي كفايه كلام إللي تؤمر بيه هنفذه بس ماتتعبش نفسك يا قلبي ماتشغلش بالك بأي حاجه المهم تقوملنا بالسلامه
دخلت الممرضه...لو سمحتي يا آنسه كفايه كده
داليا...حاضر حاضر طالعه أهه
قبلت راس أبوها وخرجت كان طارق وأحمد وصلوا و واقفين بره...طمنتهم علي أبوها...سابتهم واقفين ووقفت بعيد عند الشباك إللي ف آخر الطرقه...قرب طارق منها فمسحت دموعها .. 
طارق...داليا أنا أنا أسف وخلاص هكلم زميلي إللي قبض عليهم دلوقتي حالا وأقوله يوقف القضيه ويطلق سراحهم بس أرجوك تتفهمي إن أن
قاطعته...خلاص يا طارق إنت قلت فات أوان إننا نتنازل وأنا بقولك دلوقتي كمل القضيه دلوقتي أنا أقوي لإني مش لوحدي معايا أبويا...هو إللي طلب مني بنفسه إني ما أتنازلش .. 
إبتسم طارق...عظيييم جدا...ربنا يقومهولك بالسلامه إن شاء الله
داليا...يا رب .. 
طارق...بعد إذنك هروح أشوف آخر التطورات بقي وياريت ماتختفيش تاني عشان تعبتينا يا أنسه 
إبتسمت داليا...حاضر .. 
وقبل ما يمشي ندهتله...فرجعلها...خير فيه حاجه يا داليا 
داليا...أنا يعني كنت عاوزه أقولك أنا أسفه يعني عشان إللي قولته ف المكت
طارق...ولايهمك ولا كإني سمعت حاجه أساسا 
أنا مقدر حالتك وقتها وما زعلتش تماما
إبتسمت داليا...حقيقي مش عارفه أشكرك إزاي
طارق...أشكريني بإني أشوفك قويه وما تسمحيش للضعف يدخل قلبك أبدا ومش عاوزك تقلقي من أي حاجه حقك هيرجعلك لحد عندك 
داليا...إن شاء الله ..

إستأذن طارق من الموجودين ومشي وداليا بصت للسما وهتف قلبها  يارب_قويني .. 

علي أول ما فاق من زهوله مسك الموبايل وكلم علياء...لما لقت المتصل علي وقفت علي جنب بعيد عنهم وردت عليه سألها داليا كانت ف المصحه دلوقتي ولا لأ...حكتله إنهم ف المستشفي وماكنوش لاقيين داليا
علي...يعني كانت هي فعلا .. 
علياء...هو إيه ده إللي كانت هي !!
علي...أنا شفت داليا من شويه وكنت بحسب نفسي بيتهيألي...داليا كانت علي بعد خطوتين مني يا علياء ومالحقتهاش .. 
علياء...طيب إهدي يا حبيبي طيب حصل خير
علي...إزاي بس 
!! إنتوا ف مستشفي إيه !
علياء...لأ علي بقولك إيه الدنيا هنا متكهربه مش ناقصيين أي حاجه زياده أبوس إيديك بلاش جنان وإبعد عنهم دلوقتي خالص
علي...طيب أنا عاوز آجي أطمن على عم عمران
علياء...ماتقلقش أنا هبقي أطمنك إن شاء الله بس إنت ما تجيش هنا نهائيا
علي...عليا طاب أنا كنت عاوز أتكلم معاكي ف موضوع ضروري
علياء...موضوع إيه ده !
علي...مش هينفع ف التليفون لازم أشوفك
علياء...طيب ممكن ساعه كده إن شاء الله وأجيلك البيت
علي...تمام أنا ف إنتظارك
قفل معاها...إتنهد وهو بيبص ع النيل ويودعه...شاور لتاكسي ورجع البيت ...
طارق بعد
مشي من المستشفي راح علي