رواية عود ثقاب ( الفصل 16:20) بقلم ندا سليمان

مكتبه كلم وحيد وسأله عن آخر التطوارت
وحيد...ولا أي حاجه جديده يا طارق باشا محتجزهم لحد ما حضرتك تؤمر وعليهم مراقبه بس من الواضح إنهم عاملين بلاوي كتير لدرجة إنهم مش عارفين ممسوكين علي إيه ولا إيه Very Happy !!!
طارق...مايستعجلوش على رزقهم هيعرفوا كل حاجه إن شاء الله
وحيد...والواد إبن الزغبي ده شغال ويقول إنتوا مش عارفين انا إبن مين ! أنا عاوز محامي ومن حقي أكلم أهلي ومعرفش إيه ! أجيبهملك دلوقتي 
طارق...لا لا خليهم يباتوا الليله ف الحجز هنبدأ التحقيقات من بكره إن شاء الله
وحيد...تمام يا باشا
قفل طارق مع وحيد...إتناول الجاكيت ومشي وهو بيرتب أفكاره ويستعد للبدايه ...
علياء إستأذنت من خالتها وداليا تمشي عشان تروح تطمن علي بنتها...مشيت من المستشفي وراحت علي طول ل علي
علياء...خير يا علي فيه إيه 
علي...أقعدي يا علياء
علياء وهي بتقعد...طيب بس طمني فيه إيه !
زفر علي...بصلها ورد...هاله حامل يا علياء
علياء...إييييييييييييييييييييييه...!! مش ممكن...طاب إنت عرفت منين !!!
علي...أمها هي إللي قالتلي...هاله حامل من قبل ما تطلق ومارضيتش تقولي عشان أطلقها وأمها هي إللي قالتلي علي كل حاجه من ورا هاله
علياء...هي إزاي تخبي حاجه زي دي . !!!!...طيب قولي ناوي علي إيه 
!
علي...لو كنت أعرف ماكنتش كلمتك تفكري معايا ف حل أنا بجد عاجز حتي عن التفكير 
!
سكتت شويه بعدين ردت...صراحه أنا من رأيي يا علي أفضل حل إنك ترجعها وإنتوا لسه ف شهور العده...رجعها وربي طفلك ف حضنك إعمل قرار واحد صح ف الكركبه إللي ف حياتك دي 
!
علي...لو إفترضنا إني هسمع كلامك وهرجعها هعيش معاها إزاي يا داليا 
!
علياء...أممم أنا إسمي علياء علي فكره ! شيل بقي إسم داليا ده من دماغك خلاص يا علي ويكون ف علمك أنا قولتلها إنك طلقت مراتك
علي...بجد ! وقالتلك إيه !!
علياء...إتضايقت مني وإتعصبت وقالت أخوكي وأموره مايهمونيش وطلبت مني ما أجيبش سيرتك تاني يعني داليا مش بتفكر ترجعلك يا علي ممكن كفايه بقي إللي بتعمله ده !! مش هتقدر تعيش مع هاله بس حته منك جواها بتربطك بيها ڠصب عنك لازم تفوق بقي وترضي بالأمر الواقع...رجعها مش يمكن لما تولد ويجي الطفل يحنن قلبك ناحيتها وتحبها !
علي...أنا مستحيل هحب حد غير داليا 
!
علياء...خلاص يا سيدي ماتحبهاش بس ضحي عشان إبنك إللي من صلبك ولا هترميه هو كمان !!!
زفر علي ومسك دماغه...خلاااااص مش قادر تعبت تعبت بجد نفسي أصحي من الکابوس إللي عايش فيه ده بقي 
رن جرس الباب
علياء...إنت مستني حد ولا إيه !
علي...لأ !!
قام فتح الباب وكانت أخته علا...علياء أول ماشافتها سلمت عليها ببرود وقالت...أهه جتلك صاحبة الأفكار النيره قولها وأظن هتقولك نفس كلامي لأول مره هنتفق علي حاجه .. !
رمقتها علا بنظرة ضيق وبصت لعلي...فيه إيه مالكم !
علي...
هاله حامل
علا...إيييييه...!
حكالها نفس الكلام إللي قاله لعلياء وكان رأيها زي رأي علياء إنه لازم يرجع هاله !
فضل علي باصصلهم ومحتار مش قادر ياخد قرار ......
دخلت أم جاسر أوضته ومالقتهوش...كلمته ع الموبايل ولقته مقفول فقالت أكيد كالعاده هيبات بره مع أصحابه
مريم كل شويه تبص ف الساعه وتبص من الشباك تشوف خالد رجع ولا لأ .. رن موبايلها فجريت عليه 
مريم...ألو أيوه يا عمرو 

عمرو...مال صوتك فيه إيه 
مريم...معرفش خالد لسه مارجعش لحد دلوقتي أنا قلقانه عليه أوي
عمرو...تلاقيه كعادة كل يوم سهران مع أصحابه
مريم...نفسي بجد خالد يبعد عن المقرفين دول حاسه إنهم هيضيعوه بجد تعبت من القلق عليه كل يوم كده .. 
عمرو...ماتقلقيش بقي وإن شاء الله هتلاقيه راجع بالليل أو الصبح زي الأسبوع إللي فات المهم إنتي دلوقتي تقفلي الباب عليكي كويس والشبابيك وتدخلي تنامي 
مريم...مش عارفه يا عمرو مش هيجيلي نوم غير لما أطمن عليه 
عمرو...يا بنتي كل مره تعملي نفس الموال ده وبيرجع بخير الحمدلله إنتي بس إللي غاويه تقلقي نفسك وخلاص يلا بقي يا مريوم أدخلي نامي ماتنسيش إن عندك محاضرات مهمه بكره إن شاء الله 
مريم...حاضر
عمرو...يلا وأنا هفضل معاكي ع الموبايل لحد ما تقفلي الشقه كويس وتنامي 
مريم...ماشي _
عمرو...أيوه كده يا شيخه إبتسمي _
مريم...علي أساس
إنك شايف إبتسامتي يعني Very Happy 
عمرو...أها شايفها بإحساسي 
مريم...سيدي يا سيدي ع الإحساس _
عمرو...ها قفلتي 
مريم...قفلت الباب وبقفل ف شباك الصاله أهه 
عمرو...طيب يلا وأنا جنبك ما تخافيش 
هاله قاعده ف الصاله ف حضڼ باباها وأمها قاعده جنبهم بتقشر فاكهه وبيضحوا وهم بيسمعوا مسرحية العيال كبرت Very Happy !
رن جرس الباب...قام أبو هاله يفتح وإتفاجئ لما لقى  علي واقف ع الباب ....
18
وقفنا الحلقه إللي فاتت عند
هاله لما كانت قاعده ف الصاله ف حضڼ باباها وأمها قاعده جنبهم بتقشر فاكهه وبيضحوا وهم بيسمعوا مسرحية العيال كبرت !
رن جرس الباب...قام أبو هاله يفتح وإتفاجئ لما لقى  علي واقف ع الباب 
علي...أقدر أدخل يا عمي 
_ أ أه أكيد بس لحظه واحده 
دخل لهاله وأمها ف الصاله...هاله...إيه يا بابا مين ع الباب 
_ ده علي 
إنتفضت هاله من مكانها...وده جاي ليه إن شاء الله !!!!
بصت لأمها ولقتها مرتبكه فسألت...ماما إوعي يكون إللي ف بالي حصل !!!
أمها...هو إيه ده إللي ف بالك 
أبوها...مش وقته يا جماعه إتفضلوا جوه دلوقتي 
قامت هاله مع أمها ودخلوا جوه وخرج أبو هاله ل علي وأذنله يدخل 
قعدوا ف الصاله ف صمت لدقايق علي بيرتب فيها كلامه وأبو هاله بيحاول يخمن علي جاي ليه !
_ خير يا ابني فيه حاجه 
علي...ع عمي أنا أنا عرفت إن هاله حامل ده صحيح 
_ أ أيوه إنت عرفت إزاي !
علي...مش مهم عرفت إزاي المهم إني عرفت...ممكن أستأذن حضرتك أتكلم مع هاله شويه 
_ لحظه واحده 
سابه ودخل أوضة هاله إللي من وقت ما عرفت إن علي عندهم وهي مش على بعضها وأمها تجنبتها تماما و هربت علي أوضتها...أول ما دخل أبو هاله جريت عليه
هاله...خير يا بابا علي جاي ليه !
_ علي عرف إنك حامل 
هاله...إييييييه !! مؤكد ماما هي إللي قالت إزاي تحطني ف موقف زي ده !!!
_ المهم دلوقتي علي عاوز يقعد معاكي شويه 
هاله...لأ أنا مش عاوزه أقعد معاه...وهقعد معاه ليه إن شاء الله !!!
_ بصي يا هاله أنا قولتلك قبل كده إن عمري ماهغصبك علي أي قرار بس إنتي لازم تقعدي معاه لإنك دلوقتي مش مجرد طليقته إنتي بتحملي طفله فمن الأفضل لطفلك ده إنك تقعدي مع علي وتتناقشوا ف إللي ناويين تعملوه تجاه الطفل ده سواء كنتوا هترجعوا لبعض أو لأ
هاله...لأ يا بابا مستحيل هرجعله 
_ وانا ماقولتش إرجعي قولت إطلعي دلوقتي وإسمعي إللي عنده ممكن 
هزت راسها ف إستسلام...حاضر 
خرجت هاله مع أبوها وقعدوا ف الصاله مع علي...دقيقتين وإستأذن أبو هاله...دخل أوضة المكتب وسابهم يتكلموا شويه براحتهم 
إتنحنح علي وكسر الصمت إللي بينهم...إزيك يا هاله 
ردت پحده...الحمدلله...خير 
علي...إنتي ليه ماقولتليش إنك حامل 
هاله...هه قال يعني كان هيفرق معاك 
علي...هاله أنا مش وحش للدرجه دي ! فياريت كفايه تتعاملي معايا بأسلوبك ده علي الأقل دلوقتي لو سمحتي !
هاله...طيب أهه حضرتك عرفت يا تري ممكن تقولي إللي عندك عشان مانعطلش بعض !!
علي...هاله ممكن نحط أي خلافات علي جنب دلوقتي ونفكر بعقلانيه 
هاله...وهي العقلانيه إيه من وجهة نظر حضرتك !
علي...يعني أنا شايف إننا المفروض دلوقتي نرجع لبعض يعني عشان الطفل إللي ف بطنك 
هاله...أمممممم بس أنا شايفه بقي إني دي حاجه مستحيله ومعنديش مشكله إذا كنت حامل يعني أنا هقدر أربي طفلي 
علي...بس لاحظي إنه مش هيكون طفلك لوحدك !!
هاله...للأسف ! لذلك ما تشغلش بالك وتفتكر إني بجبرك علي حاجه ولا عاوزه حاجه تربطنا ببعض ولو كنت عاوزه كده كنت قولتلك قبل ما نطلق ! فعيش حياتك وإتجوز إللي تحبها عادي جدا ولما أولد إن شاء الله أكيد ليك الحق تشوف طفلك ف أي وقت أو ياريت نأجل موضوع الإتفاقات ده لحد ما ربنا ييسر وأولد بس أظن كده حليتلك المشكله أو العقبه الجديده إللي ظهرت ف حياتك !
علي...بس أنا ماقولتش إن الموضوع عقبه ف حياتي عشان كده جيت و
هاله...مش هنضحك علي بعض كتير يا علي لا انا هعرف أعيش معاك بعد إللي حصل ولا إنت هتقدر تعيش مع واحده غير داليا 
علي...لكن
هاله...مفيش لكن خلاص الموضوع منتهي أنا مش
هرجعلك والطفل إللي ف بطني مش هيغير أي حاجه ف موضوع طلاقنا...شرفت !
قالت كلامها وقامت دخلت جوه وسابته ف الصاله لوحده مش عارف يتصرف إزاي ! 
خرج أبوها 
علي...عمي أنا كنت عاوز أرجع هاله 
_ وياتري كان ردها إيه لما قولتلها 
بص علي ف الأرض 
_ الموضوع ده يرجعلها هي...هي إللي لازم تقرر فيه !
علي لقى وجوده ملهوش لازمه فإستأذن ومشي ويعد ما مشي علي طول أبو هاله ډخلها أوضتها وزي ما توقع لقاها پتبكي فقرب منها وربت علي كتفها 
هاله...عاجبك كده يا بابا ! أنا واثقه إن ماما هي إللي قالتله لإن محدش يعرف غيرنا ودكتوره يسرا ومستحيل يسرا هتعمل حاجه زي دي من غير إذني 
_ خلاص يا هاله حصل خير أيا كان إللي قاله المهم خلاص عرف وإنتي رديتي عليه بقرارك النهائي ولو عاوزه تفكري تاني يمكن تغيري قرارك ي
هاله...لأ مش هفكر تاني ولا هغير قراري خلاص 
_ طيب يلا مش عاوز دموع...قومي دلوقتي حالا إتوضي وطلعي كل همك ودموعك وإنتي ساجده يلاااا بسرعه 
هاله وهي بتمسح دموعها...حاضر يا بابا .. 
قامت إتوضت وبدأت تصلي...وباباها خرج لأوضته حيث أمها إللي عملت نفسها نايمه 
_ أممممم معقوله لحقتي تنامي !
أم هاله...
_ قومي يا سماح 
فتحت عيونها وردت پخوف...خير 
_ إنتي عارفه أنا عاوز أسألك عن إيه كويس أوي وعموما نسأل تاني إنتي إللي قولتي ل علي على حمل هاله 
أأ أنا كل إللي يهمني مصلحتها 
_ أنا عارف بس قالت إنها عاوزه هي إللي تقوله يبقي إحنا ليه نتسرع ونتدخل !!!
أنا عارفه دماغها ناشفه ومستحيل كانت هتقوله 
_ عشان كده كدبتي عليا إمبارح وقولتي إنك رايحه السوق وروحتي من غير إذني عنده صح !!
أنا أسفه ماكنتش أقصد بس أنا بجد تعبت من الحاله إللي وصلتلها ونفسي أطمن عليها وأرتاح بقي 
_ يعني أنا إللي مش نفسي !!!! وأهه بنتك خلاص صدته وقالتله مش هترجعله لو سمحتي بقي ماتدخليش ف الموضوع تاني ولا تجيبي سيرته لحد ما ربنا ييسر وتولد 
أيوه بس
_