رواية مكتوبة على اسمي الفصل الخامس عشر 15 "بقلم ملك ابراهيم"
المكتب وعامر بص ل ميرنا وقالها...ايه اللي جابك دلوقتي يا ميرنا
ميرنا قعدت قدامه وقالت بدلع...طنط قالتلي انك هتشتريلي عربية جديدة بدل اللي اتخبطت.
عامر پغضب...عربية ايه اللي اشتريهالك وانتي اصلا انسانه مستهترة وكنتي هتضيعي حياة الناس بسبب تهورك.
ميرنا پغضب...عامر انت ضيعت حقي إمبارح وانا مش هسمحلك تضيعلي حقي دلوقتي.. انت المسؤل تشتريلي عربية وطنط وعدتني.
ميرنا وقفت وقالت پغضب...انا كنت متأكدة انك هتعمل كده.. وهعرف بابا وطنط ميسرة بكلامك ده.
رواية مكتوبة على إسمي بقلمي ملك إبراهيم.
شريف بستغراب...ايه اللي حصل شكلك مضايق
عامر...مفيش حاجة حصلت.. خلينا نروح شركة امجد دلوقتي.
عامر بص ل شريف وقاله...انا رايح شركة امجد عشان احاول اعرف منه اي معلومة عن آيات.
شريف ابتسم وقال...اااه قولتلي.
عامر هز راسه واتحرك قدام شريف وشريف خرج وراه.
بعد وقت في شركة امجد.
آيات كانت حاسه بصداع قوي من قلة النوم وكتر التفكير وحطت أيديها علي راسها وهي بتتألم وخلود بصتلها بقلق وسألتها...آيات انتي كويسه
آيات بتعب...حاسه بصداع جامد اوي يا خلود.
خلود...طب أقعد ارتاحي شويه وانا شغاله اهو متقلقيش.
آيات فعلا كانت تعبانه ومقدرش تعترض وقعدت تحت المكتب بتاع الاستقبال وهي حاطه أيديها علي راسها ومغمضة عينيها.
_ صباح الخير
قالها عامر بصوته المميز وهو واقف قدام خلود وآيات كانت لسه قاعدة تحت المكتب وشريف كان واقف جمب عامر.
ردت خلود الصباح بأبتسامة واتكلم عامر وقالها...انا المهندس عامر الجارحى.. ياريت تبلغي الباشمهندس امجد اني عايز اقابله.
آيات كانت مغمضة عينيها واول لما سمعت اسمه قامت بسرعه من تحت المكتب
