رواية زمهرير من الفصل الرابع والثلاثون إلى الخامس والثلاثون "بقلم ايمان سالم"

راية فهي الآن أصبحت معافاة تماما ... جسد صحيح وقلب مكسور وروح تشوهت حتى باتت ملامحها غير واضحة وكسورها ستخدشها قبل الغير
طرق بابها ...
قرر بأن تكون تلك هي آخر مرة ...
لن يتقرب منها بعد الآن هذه المرة فقط فليقترب من حقها ان يدعمها في ضعفها ...
لو كان وقت آخر لما فعل ..
ربما كلماته تلك آثرت بها ..
وربما لا وحينها يكون قد اراح ضميره
ظنتها راية فهتفت بهدوء ادخلي
ابتسم وهو يدخل متحدثا طيب ممكن ادخل ولا لأ وكان نظره لاسفل ربما كانت في وضع غير لائق
ظل الصمت لحظات كانت متفاجئة من وجودة وحيمنا خرجت من صمتها هتفت بشئ من التعجب وسيم!!
ممكن ادخل!
اتفضل قالتها وهي جالسة على الفراش تطالعة بدهشه فمو السر وراء وجوده هنا الآن لم تنتظر كثيرا فقالت يارب يكون خير
نظر لها متعجبة وهتف في حزن هو أنا بقيت شړ بالنسبة لك اوى كده
شعرت بالحرج منه فقالت لا مقصدش أنا بس مستغربة وجودك هنا حسيت ممكن بكون في حاچة
لا اطمني مفيش حاچة أنا جيت اطمئن عليكي
رفعت حاجبها في شئ من عدم التصديق لكنها آثرت الصمت
تابع في هدوء عارف إن احنا مبقاش بنا حاجة تستدعي إني اكون هنا أو اطمن عليكي لكن اللي كان بنا قبل كده خلاني احس إن واجب عليه ان اسأل عنك مهما كان بينا عشرة وعيش وملح
شكرا يا وسيم على اهتمامك واطمن أنا بخير وكويسه جدا
لا مش بخير أنا حاسس إني مش شايفك يا رحمة!
ابتسمت نصف بسمة بسخرية وهتفت لا متكبرش الموضوع .. اللي حصل والي أنا فيه دلوقت عادي جدا متقلقش اتعودت
لسه اللي فات المك كده!
نظرت له بقلب مجروح ونفت برأسها الامر
تحدث وعيناه مسلطة عليها للاسف أنا عرفت اللي حصل زمان وحكاية الفيديو كلها
اتسعت عيناها وهتفت مين اللي قالك!
مش مهم مين المهم إني عرفت
مش مهم يا وسيم لسه فاكر نتكلم في اللي فات .. يااااه عارف مر عليه وقت اد إيه!
وقتها كنت .. كنت ڠضبان مكنتش عاوز أسمع حد حتى نفسيبعترف يمكن غلطت إني مسمعتكيش وقتها لكن الغلط من البداية..
قاطعت حديثة قائله عارفة من غير ما تكمل هتقول كان مني مش كده
هي دي نقطة الخلاف بينا مبتشوفيش اخطاءك يا رحمة ابدا مهما عملتي .. وبتصغري الامور لحد ما بتختفي خطاء ورا التاني لحد ما عمل حاجز كبير بينا أنت شايفة اللي عملتيه قليل شايفة إني ظلمتك يومها!
ظلمتني في حاجة واحدة يوم ما تخليت عني .. أنا عارفة إني بغلط مش هنكر وكنت هفضل اغلط عشان تصلحلي تاخد بأيدي مش تسيب ايدي وتسبني وسط الطريق في الزحمة مش عارفة راحة فين ولا جاية منين هنت عليك تعمل كده فيا هنت عليك يا وسيم أنت عارف أنت عملت فيا ايه وقتها قتلتني
كل إنسان وله طاقة من التحمل .. يمكن طاقتي دي وقتها خلصت مش حبي ليك اللي خلص حبي ليك عمره ما خلص يا رحمة .. أنا حبيتك كبنتي زي وردة صغيرة طلعت فجأة في بستاني الشوك حوليها كتير وعشان احميها وتكبر اټجرحت كتير كنت بحافظ عليكي حتى من نفسي دايما واخده إن المبادرة كانت من ناحيتك في كل حاجة بينا سبب كل خلاف ترجع السبب لده كنت بشوفه جدار بيكبر بينا يوم بعد يوم .. مع إني يوم ما اخترتك مكنتش مجبر ويوم مكملت كان بإختيار ولما سبتك كان ڠصب عني
الدموع تجري بلا توقف والعيون تنطق بصدق حب لا يوصف لو الحب كلمات فقط .. كانت لا تكفي .. لكن نظرة واحدة من تلك العيون تصرخ بحب العالم كله لكن الوقت لم يعد مناسب فالقلوب اصبحت متهالكة فهتفت في آلم چرحتني قوي يا وسيم يومها تخيل بعد المدة دي كلها مش قادرة انسي نفسي اليوم ده والموقف ده يطلع من حياتي كلها
ده بس اللي المفروض يطلع من حياتك
اخفضت بصرها وبكت بصوت عال تخفي وجهها في كفها قائلة عارفة قصدك إيه عارفة أنك على حق و إني غلطت في حق نفسي قبل الكل .. مش طالبه منك حاجة يا وسيم ومش مستنيه منك حاجة أنت تستاهل واحدة احسن مني بكتير أنت أحسن واحد أنا قابلته في حياتي الوقتي بس عرفت أنك كنت بتحافظ عليا حتى من نفسي ياريت الزمن يرجع بس للاسف اللي بيروح مبيرجعش
ياااه اخيرا فهمتي يا رحمة
فهمت يا وسيم بس للاسف متأخر
أنت قوية يا رحمة عارف إنك هتقومي منها بس عاوزك المرة دي تقومي صح
نظرت له في ندم وهتفت غريبة الدنيا دي! آخر شخص كنت اتوقع يكون جمبي دلوقت هو أنت
اكد كلماتها متحدثا فعلا غريبة ولا أنا كنت اتوقع لكن كان لازم نتكلم في اللي فات
ارجعي لدراستك تاني حققي حلمك
رفعت نظرها له وحسمت امرها متحدثه هكمل حياتي وهبقي زي ما اتمنيت في يوم من الايام
نهض متحدثا كده أنا هسيبك وأنا مطمن ومتأكد من أنك هتعملي ده اشوف وشك بخير
هتفت بلهفة وسيم
الټفت لها متسائلا نعم
شكرا أنك كنت في حياتي
اومأ مع بسمة صادقة وغادر الغرفة يشعر بان اقدامه عاصية عن السير تريد الدخول لها من جديد
وهي الاخرى بكت على فراشها كما لم تفعل منذ فاقت في تلك المشفى
الآن فقط تشعر باستعادة كرامتها لكن لم تستعيده ولن يعود ... فكيف له ان يرتبط بواحده مثلها معه حق وكل الحق فهي لن تلومه مطلقا
يجلس في انتظارهم ...
ويعود لامس حينما هاتفه رحيم يطلب منه شيء اغضبه
فارس بصلابة هتجول إيه!
اللي سمعته يا فارس هعاود بس مش لوحدى خيتك معايا وولادها .. مهنسبوش طاليجها يا خد الواد منها اكده ويكسر قلبها خليها ترجع البلد يا فارس بالله عليك توافج دي خيتك يا خوي وهي مهتعودش طول منتا رافض
هتف في سخرية يعني هيهمكم رأى ولا هتعملوا بيه
ايوه هنعمل بيه لساتك شايل يا فارس فات كتير جوي واللي حصل زمان حصل خلينا في دلوجت واهه طاليجها عرف كل حاچة والمستخبى بان يبجى ليه تجعد اهنه لحالها
قبل ما جول حاچة لو رجعت كلمتي عليك جبلها يا رحيم في اي حاچة هجولها تخصها
اومأت له بالموافقة فالنهاية هو اخيها وما سيحدث اسوء مما حدث
هتف رحيم في ڠضب ماشي يا فارس بس متروحش تجولها ارمي نفسك في النيل ولما ترفض تاخدها علينا خليك حجاني يا فارس
ليه هو أنت شايفني ظالم!
لاه مجصديش لكن اختك شافت كتير وهي لساتها صغيرة متبجاش أنت والزمن عليها
هتف في ڠضب عاود يا رحيم
وهي معاي مش كده سأله رغم يقينه بالاجابة
فهتف فارس في كلمة واحدة قبى أن يغلق الهاتف معه ايوه
يشعر بالڠضب منهم لكنه في نفس الوقت لن يتخلى عنهم فهم بالنهاية اخوته
يتذكر المرسال الذي بعثه ليخبر سلوان بما حدث سرا وعلم منه كل شئ فبعث خلفه احد رجاله ليطمئن قلبه والنهاية كانت بتدخله في الخفاء لحل المشكلة الي حدثت بينهم لولا تدخل ضابط معرفة سابقة له بالامر لربما تطور ووصل الامر للنيابة ماذا يفعل فهو الكبير