روايه مكتوبه على اسمى الفصل السادس والعشرون 26 "بقلم ملك ابراهيم"
وميتعصبش عليها وكان حاسس انه ھيموت من الغيرة ونفسه يكسر دماغ علاء اللي عاكسها.
ميسرة تابعة اللي حصل بستغراب وابتسمت وهمست .. شكل فراقهم عن بعض هيكون أسهل ما انا متوقعه ومن غير مجهود مني.
وقامت وقفت ودخلت ورا ابنها البلكونه وسألته باهتمام .. في ايه يا عامر هو انت ومراتك مټخانقين
عامر بص ل امه وقالها .. لا يا امي .. جهزي نفسك عشان هنروح الفيلا النهاردة عن إذنك.
اول لما دخل الغرفة كانت آيات قاعدة على السرير وپتبكي زي الاطفال.
عامر زفر پغضب وقال .. انتي اللي غلطانه وبتعيطي ليه مش فاهم!
ردت آيات پبكاء .. يعني عايزني اعمل ايه وانت بتزعق فياا!
عامر بدهشة .. انا زعقت فيكي امتي
آيات پبكاء .. في العربية وهنا دلوقتي!
آيات بصتله وهي بتجفف دموعها وقالت بعصبيه .. طب ما انا سكت لما شوفت البنات بتعاكسك هناك!
عامر وقف قدامها بدهشة وقال .. بنات ايه اللي بتعاكسني!
آيات قامت وقفت من على السرير وقالت پغضب وغيرة واضحة .. البنات اللي كانوا واقفين حواليك هناك ومنهم بنتين كانوا قاعدين ورايا وكانوا هيتجننوا عليك.
آيات اتوترت من قربه وعامر بصلها اوي وقال .. آيات لازم تقدري انتي مرات مين ومينفعش ابدا مراتي تبقى شغاله موظفه في شركة تانيه .. عايزة تشتغلي يبقى في شركتي وقدام عيني.
آيات بصتله بتفكير وقالت .. بس شغلي ده كان اول شغل انا اشتغلته هنا وهما اللي وقفوا جمبي.
بصتله بحيره وهزت راسها بالايجاب وقالت .. حاضر.
اتكلم عامر مرة تانيه .. والتليفون اللي انا جبته هتاخديه ويبقى معاكي علي طول.
ردت آيات بتوتر .. حاضر.
آيات بصتله بخجل وعامر كان بيبصلها بعشق وقالها .. احنا هنروح نعيش في الفيلا من النهاردة جهزي نفسك .
اتعودت على الشقة دي.
عامر بأبتسامة .. الشقة دي كنت عايش فيها وانا لوحدي .. لكن دلوقتي الوضع بقى مختلف .. الفيلا هناك كبيرة وهتكفينا احنا .. .
وغمز لها بطرف عينيه وقال .. واولادنا ان شاء الله.
آيات خفضت وشها بخجل وعامر اتأملها بحب وهو بيمهد لها فكرة اكتمال زواجهم.
في بيت امجد.
دخل امجد البيت وهو متعصب وسأل والدته عن هاجر وقالتله انها بتذاكر في غرفتها.
دخل امجد غرفة هاجر وكانت قاعده علي المكتب بتاعها بتذاكر واتفاجأت بدخول أمجد وكان واضح عليه الڠضب.
امجد وقف قدامها واتكلم بنبرة حادة .. آيات وعامر الجارحى .. يعرفوا بعضوا من إمتى وازاي!
هاجر بصت ل اخوها بدهشة وقالت .. هو في حاجة حصلت بين آيات وعامر
سألها امجد بنبرة حادة .. هما اصلا في بينهم حاجة
ردت هاجر .. اه يا ابيه مش آيات تبقى مراته!
امجد پصدمة .. مراته ازاي وامتى.
هاجر بدأت تحكي ل اخوها عن علاقة عامر وآيات وازاي عامر اتجوزها وهي صغيرة وبعد عنها خمس سنين ودلوقتي رجعوا لبعض.
امجد كان مصډوم من القصة اللي سمعها من اخته وقالها پغضب .. وانتي ازاي متعرفنيش حاجة
