مكتوبة على اسمي الفصل الثاني والثلاثين 32"بقلم ملك ابراهيم"

وهي محرجة ردت .. لا ما عنديش.
كوكو قال بحزم .. يبقى يللا بسرعة نروح لعامر يوصلنا ما فيش حل تاني.
في نفس الوقت هاجر كانت واقفة مع آيات في الحمام .. آيات كانت بتغير على عامر بعدما سمعت الموظفات بيتكلموا عنه بشكل مش لائق قدامها .. هاجر اللي كانت حاسة إنها حذرت آيات من ده من الأول بصتلها وقالت بثقة .. شفتي ده اللي كنت بحذرك منه .. لو كانوا عارفين من البداية إنك مراته ما كان حد تجرأ يتكلم عنه بالطريقة دي.
آيات اللي كانت غاضبة من نفسها ومن الموقف قالت .. أنت عندك حق يا هاجر ما كانش لازم أسيب الأمور توصل لكده .. كان لازم يعرفوا من الأول إننا متجوزين.
هاجر بابتسامة مريرة .. بس للأسف دلوقتي بعد ما فات الأوان! لازم تتصرفي بسرعة عشان تصلحي الوضع.
آيات بصت لهاجر بتوتر وقالت .. أنا فعلا قلقة على عامر.. .. سمعتي البنت اللي قالت إنه خرج بسرعة من المكتب يمكن يكون حصل له حاجة.
هاجر ردت بتفكير .. أيوة سمعت .. ليه ما تتصليش بيه وتطمني عليه يمكن بس محتاج يسمع صوتك.
آيات بخجل واضح .. لا مش عايزة أزعجه دلوقتي.
هاجر باستغراب .. إيه دا بجد خاېفة تتصلي بجوزك دا جوزك يا بنتي اتصلي واطمني عليه .. هو فين الخجل هنا
آيات بتردد .. طيب هستنى شويه ولو ما رجعش هكلمه.
هاجر بتنهد .. ماشي يا ستي بس يلا نرجع لشغلنا الأفكار دي هتجنني!
في موقف السيارات قدام المستشفى عامر خرج بعد ما دفع الحساب ولقي كوكو مستند على عربيته وميرنا واقفة جنبه بتسانده .. قرب عامر منهم وهو غاضب وقال .. إيه اللي خلاكم تخرجوا من المستشفى
كوكو بضحكة ساخرة .. عشان توصلنا مش هتسيبنا نتبهدل في تاكسي وأنا في الحالة دي!
عامر بنبرة غاضبة .. ما يهمنيش تتبهدل براحتك.
ميرنا بتوسل .. أرجوك يا عامر وصلنا .. كوكو مش قادر يتحرك وأنا مش هعرف أرجعه لوحدي.
عامر بتنهدة تضايق .. اركبوا خلصونا من اليوم اللي مش عايز يخلص ده.
ركب كوكو وميرنا بسرعة وكوكو فضل يهرج ويهزر طول الطريق وعامر حاسس إن راسه ھتنفجر من الصداع .. وصلوا قدام عمارة كوكو وعامر وقف العربية بحدة وقال .. انزلوا بسرعة.
كوكو بتذمر .. هطلع شقتي إزاي لوحدي أنت ما عندكش قلب
عامر بنفاذ صبر .. عايز إيه بالضبط يا كوكو
كوكو .. ساعدني أطلع شقتي يا راجل ده حرام عليك!
عامر .. بصراحة مش فارق معايا.
ميرنا بتوسل .. أرجوك يا عامر ساعده يطلع .. حرام يبات في الشارع.
عامر رغم غضبه كان عارف إنه صعب على كوكو يصعد لوحده فنزل من العربية وساعده على النزول والدخول للعمارة وساب ميرنا في العربية تشغل الأغاني بصوت عالي وتستنى.
في