مكتوبة على اسمي الفصل الثاني والثلاثين 32"بقلم ملك ابراهيم"
شركة الچارحي آيات كانت قاعدة على مكتبها وقلبها مش مطمن على عامر .. همست لهاجر .. هاجر بفكر أكلمه وأطمن عليه .. إيه رأيك
هاجر وهي بتشتغل .. عامر بخير يا آيات اتطمني عليه في البيت.
آيات حست إن هاجر معها حق بس مع ذلك قامت بسرعة وخرجت من المكتب واتصلت بعامر.
في نفس الوقت ميرنا كانت قاعدة في عربية عامر مشغلة الأغاني بصوت عالي ومبسوطة بالغناء معها لحد ما فجأة رن تليفون عامر اللي كان جنبيها .. شافت الاسم اللي ظاهر وكان آيات وقعدت تفكر لحظة وبعدين قررت ترد .. بصوت هاديء قالت .. ألو...
ميرنا قفلت الخط بسرعة لما شافت عامر بيقرب من العربية وحطت التليفون مكانه .. عامر فتح باب العربية بعصبية وزعق فيها .. دي أول وآخر مرة تفكري تردي على تليفوني فاهمة
عامر خد تليفونه وركب العربية وبدأ يتحرك بيها باتجاه بيت عزيز علشان يوصل ميرنا.
في الشركة آيات كانت لسه قاعدة في مكانها مش قادرة تصدق اللي سمعته .. بدأت الأفكار السودة تملأ راسها وتخيلت مشاهد بين عامر والبنت اللي سمعت صوتها وكانت متأكدة إنها ميرنا خطيبته السابقة .. فجأة عنيها لمعت بالدموع وهمست لنفسها .. هو خرج من الشركة عشانها
آيات بصوت مكتوم .. لا ومش هكلمه .. غلطانة إني فكرت فيه أصلا!
هاجر كانت مصډومة من ردها الغاضب وآيات رجعت لمكتبها وهي بتحاول تسيطر على نفسها.
عامر رجع الشركة ودخل مكتبه وشريف لحقه علشان يعرف اللي حصل .. حكى عامر لشريف على اللي حصل مع كوكو وبدأوا يضحكوا .. أثناء ما عامر كان بيتابع الكاميرات لاحظ إن آيات قاعدة على مكتبها وشكلها مش طبيعي عينها كانت تدمع بين الحين والآخر.
عامر وقف قدامها بس ما قدرش يسألها مباشرة بسبب السرية اللي بينها وبينه .. فقال بصوت عالي قدام الجميع .. إيه الأخبار كله تمام
الجميع رد .. الحمد لله تمام يا باشمهندس.
لكن آيات كانت صامتة .. قرب عامر من مكتبها وقال .. ده أول يوم ليكم هنا.. .. التدريب ماشي تمام
عامر كانت عنيه مركزة على آيات اللي كانت بتحاول تخفي مشاعرها بأي شكل .. بص على الورقة اللي كانت على مكتب هاجر وكتب عليها كلمة واحدة
