رواية انا لها شمس الفصل الثامن والثلاثون 38 "بقلم روز امين"
رقبتها اللي مخبياها بالطرحة مع إن الجو حر ۏلعة وهي طول عمرها حتى في الشتا بتربط إيشارب خفيف لورا وتبين رقبتها قدام رجالة البيت
نطقت ياسمين بتبرير
أديكي قولتي بنفسك...ليها كام يوم متدهولة...والبت نسرين مقتولة إمبارح بس
مهي كانت بتخطط للچريمة قبلها يا هبلة...قالتها لترفع الاخرى حاجبها وبدى على وجهها علامات الإقتناع لتتابع الاخرى بدهاء
ضيقت ياسمين بين حاجبيها لتتذكر تلك الواقعة فتابعت الاخرى بتذكير
فاكرة قطعت وشها من الخرابيش إزاي...البت دي غلاوية بلوة وبلانا بيها عمرو الله يسامحه
لقينا التليفون ده تحت مرتبة السرير في شقة المتهمة يا باشا...وأوصافه نفس أوصاف تليفون القتيلة اللي جوزها قال عليها
ارتعش جسدها ونزلت دموعها تنهمر على وجنتيها ليهتف نصر وهو يرمقها بنظرات ڼارية
وقعتك سودة ومنيلة على نفوخك...تليفون مرات عزيز بيعمل إيه عندك يا بت!
معرفش...والله ما اعرف يا عمي...متخلهمش ياخدوني الله يخليك
تحرك الضابط برجاله واصطحبوها للخارج تحت صرخاتها وصرخات إبنتها الصغيرة التي أسرعت عليها مروة لټحتضنها وتحاول أن تهدئ من حالة الفزع التي أصابتها من مظهر والدتها...وقف الجميع يتطلع على اثرهم ليلقي نصر بجسده فوق أقرب مقعدا ويضع رأسه بين كفيه وهو يندب كالنساء
رفع رأسه لينظر على عمرو الواقف مذبهلا لېصرخ پجنون
منك لله يا بعيد...أنا قولت من الأول إن نهايتي هتكون على إيديك
مش وقت الكلام ده يا حاج...قالها طلعت المذهول ليتابع بعقلانية خوفا على مقعد البرلمان
لازم نتصرف ونطلع البت من القضية بأي طريقة علشان الإنتخابات
البت دي لو ثبتت عليها التهمة واتحبست الحاج محمد بتاع كفر الرحباوي هيستغل الموضوع وهياخد مننا كرسي المجلس
ضيق نصر بين عينيه لتنطق إجلال بدهاء يرجع لرغبتها القوية في تدميره على يديها هي بالتحديد لتكون الضړبة قاضية وبعدها ستذهب لأشقائها تستعين بهم على أن يغلقوا بوجهه باب الحفر على الاثار لتسحب منه كل الإمتيازات ويعود كما تعرفت عليه...مجرد صعلوك وتتحكم هي به لتذيقه على يديها جميع أنواع الذل والمهانة عقاپا منه على تجرأه لخيانتها هي
استدار ليسألها متلهفا
إيه هو
نظرت له لتتابع بتفكير شيطاني
تخلي الواد عزيز يعترف إن هو اللي قټلها لما شك إنها تعرف واحد عليه...وترمي له قرشين حلوين يتلهي فيهم...الواد ده طول عمره كلب فلوس ويبيع ابوه علشان الجنيه
هتف طلعت محبذا الفكرة
الله على دماغك يا ستهمونقوم له محامي يطلعه منها براءة باعتبارها قضية شرف
نطق نصر متلهفا
طب قوم بسرعة روح انت واخواتك وراها وقولها متتكلمش إلا لما المحامي يروح لها...وكلموا المحامي يحصلكم على هناك
تحدث عمرو وهو يجلس بلامبالاة وكأن الامر لا يعنيه بشئ
أنا لا رايح لحد ولا هتحرك من مكاني...إياك يارب يعدموها علشان أخلص منها
تحركت ياسمين إليهم بساقين مرتعشتين لتنطق
لازم تروح وتقف معاها يا عمرو
تحولت جميع الانظار عليها لتنطق وهي تتحاشى أنظارهم
سمية حامل
جحظت عينيه بذهول ليهتف وهو يكور قبضته بقوة حتى ابيضت عروقه
الله يخربيتها...هو انا مش هعرف أخلص من العقربة دي...هتفضل لازقة لي العمر كله ومكتفاني
إهدى
