رواية امل الحياه الفصل التاسع والعشرون 29 "بقلم يارا عبد العزيز"
في صوتها
لحد اما تتجوزي وتبقي مع جوزك
رندا كانت لسه هتتكلم لكن قاطعها ريان وهو بيبتسم بهدوء
على فكره دا بيت حياة يعني بيت اختك
ابتمست رندا واتكلمت بهدوء
انت عملت معايا اللي ابويا واخويا اللي من د مي معملهوش حقيقى شكرا ربنا يحزيكي كل خير ويكمل لحياة حملها على خير ويسعدكم
ريان انت مينفعش حنين ولطيف غير معايا انا
همس جنب اذنها بحنان
انتي كويسه يحبيبتى
هزيت راسها بالنفي واتكلمت بدموع
بصلها پخوف واتكلم بنبره صوت مليانه بالقلق
امجد تحت وزمانه خلص الإجراءات كلها يلا انا هروحك وهو هيجي شويه كدا ويوصل رندا القصر
حياة بهدوء لا احنا هنوصلهم ....
قاطعها ريان وهو بيبص لرندا وبيتكلم بهدوء
هنمشي احنا بقى وامجد مدير اعمالي هيطلع بعد ما يخلص إجراءات الخروج وهيجيبك القصر عن اذنكوا
حياة بهدوء هتوصلني وتروح الشركه
ريان بحب اما اطمن عليكي الاول يحبيبى مكنش المفروض اسمع كلامك كانا ندخل العياده ونطمن عليكي
حياة ببعض الحده والغيره
انا كويسه وصلني وارجع انا هعقد اذاكر
ريان بمرح بتقوليلي اتفضل انت بقى انا عايزه اذاكر ماشي يستي مقبوله منك كلها شهر ونخلص من ثانويه عامه ومش هسيبك
وقف بالعربيه واتكلم بأستغراب
مالك يحبيبتى
حياة پغضب وهي بتربع ايديها وبتسند بضهرها على الكرسي
مفيش يا ريان مالي ما انا كويسه خالص اهو اطلع بقى خلينا نروح مش فاضيلك انا
مسك دريكسيون العربيه وبص للفراغ اللي قدامه واتكلم پحده
مش واخده بالك انك بقيتي نكديه زياده!!!!!
صح انا نكديه وعشان كدا بدأت تبص برا صح قول كدا بقى ما انا مبقتش ماليه عين الباشا روح بقى اتجوز عليا واحدة تفرفشك اصل انا بقيت نكديه
بقلمي يارا عبدالعزيز
اتكلم بحنان وملس على حجابها بحنان
هو انا قولت كدا!!!
انا قولت اني عايز غيرك انا بس مش فاهم تصرفاتك لو فيه حاجه قوليلي وبطلي تصرفاتك اللي مش مفهومه دي
عارف يا ريان لو عرفت بس انك ممكن تبقى بتفكر في واحدة غيري أو انجذبت لواحدة غيري والله هاخد ابنك ومش هتعرفلي طريق
ابتسم على غيرتها وبصلها بحب
مش لما تجيبه الاول يحياة
حياة بطفوله ورقه هاخده في بطني
ضحك بكل قوته واتكلم في وسط ضحكته
و الله ابنك هيطلع اعقل منك!!!!!
قالها بابتسامة
طب تعالي نتكلم شويه جد عشان ننهي الجدل في الموضوع دا خالص انا مفيش ست في العالم هتملى عيني غيرك ومش هبص لغيرك تمام
هزيت راسها بفرحه واتكلمت ببأبتسامه
تمام اوي اطلع بقى خلينا نروح
في المساء
ريان كان قاعد على مكتبه دخل عمر بفرحه كبيره وقعد على الكرسي واتكلم بثقه
مبارك عليك يا سياده النائب
ريان بفرحه طلعت!!!!!
عمر بفرحه واكتسحت كمال الشناوي بجداره
ريان بثقه طبيعي المهم عايزاك تظبط حفله بكره في قاعة فخمه وتتفق مع اشهر المصصمين بمناسبه نجاحي في الانتخابات واااه متنساش تعزملي كمال الشناوي وعيله مجدي الهواري كلها
عمر بهدوء تمام صحيح
